Shair ka jawab shair main dejeye

shahnaz zafar · Post by **shahnaz zafar** » Tue Jun 14, 2005 3:48 am

hai koii baat jo chup hoon
warna kaya baat kar nahee atii

Post by **najma** » Tue Jun 14, 2005 12:02 pm

shikwa-saraaiyyoN pe haiN paabandiyaaN bohat
harf-e-dua bhi lab pe na laaooN to kya karooN
najma

shahnaz zafar · Post by **shahnaz zafar** » Tue Jun 14, 2005 5:06 pm

aaj kal ke raaston kii be yaqeeni dekh ker
kon hai jismai safar ka hosla rah jaiga

Post by **najma** » Tue Jun 14, 2005 7:09 pm

shahnaz zafar wrote:aaj kal ke raaston kii be yaqeeni dekh ker
kon hai jismai safar ka hosla rah jaiga

kash-ma-kash meiN hooN, safeene ko kidhar le jaaooN
kabhi sahil, kabhi dhaaroN ke payaam aate haiN
najma

shahnaz zafar · Post by **shahnaz zafar** » Thu Jun 16, 2005 11:32 pm

sahil khaomsh tha ke koii haadsa hua
kuch log keh rahe they samander mai kuch na tha

Post by **najma** » Thu Jun 16, 2005 11:40 pm

jaa ba jaa seepiyaaN saahil pe na bikhrii hoteeN
apnay aapay meiN jo be-tab samundar hotay
najma

Abdullah Nazir · Post by **Abdullah Nazir** » Fri Jun 17, 2005 3:58 am

khaak meiN ham nah milaate kabhii ashkaoN ke guhar,

apne seenaoN meiN bhii aiy kaash ke paththar houte

Nazir.

Post by **najma** » Fri Jun 17, 2005 11:57 am

umr bhar lehroN se Takraate rahay haiN ham-log
gar samundar meiN uter jaate, samundar hotay
najma

Post by **najma** » Sun Jun 19, 2005 5:38 pm

apnay ghar ki khabar naheeN tumko
sare aalam ki baat kartay ho?
nafis ahmad siddiqui

Post by **Mahtab Qadr** » Mon Jun 20, 2005 6:29 am

ba aiNhima zauq e aagahi ,haaye re pasti e bashar
saray jahaaN ka jayeza , apne jahaN se be khabar

Post by **najma** » Mon Jun 20, 2005 8:32 am

aasmaanoN pe takhayyul ka guzar rakhtii hooN
dil ki batoN ko jo samjhe, wo nazar rakhtii hooN
najma

Abdullah Nazir · Post by **Abdullah Nazir** » Tue Jun 21, 2005 12:36 am

[color=blue[

AankhouN aankhaouN meiN sunaatedtaa hooN baateN dil kii

kyaa kahooN kaise guzarjaati heiN baateN dil ki.

[/color]
Nazir.
[/u]

Post by **najma** » Tue Jun 21, 2005 1:12 am

har aaine pe na kar e,tibaar, deeda-e-shauq
nazar ka kya hay, ye akcar fareb khaatii hay
najma

Post by **Mahtab Qadr** » Tue Jun 21, 2005 10:57 am

kisi pe chaahe kabhi aitebaaar mat karna
ye aayina hai isaay be-wiqaar mat karna
Mahtab Qadr (filbadeeh)

Post by **najma** » Tue Jun 21, 2005 6:56 pm

zor kitna hay hawaoN meiN, ye dekhooN maiN bhii
ek nanhaa saa diya maiN ne jala ark,kha hay
najma