"Khata hoti hai saheb aadmi se" guz#8

[zmufti]

1. bhalaa HaaSil hee kyaa is dil-lagee se
"Khataa hotee hai SaaHeb aadamee se"

2. Wafa ki aabroo ruswa na hoti
Chura laitey agar tum ko tumhi se

3. nikaltee hai duaa dil se yehee ab
kabhee guZrooN nah maiN teree galee

4. Bari hi kashmakash hai zindagi main
yahaN jeeta nahiN koi khushi se

5. muqaddar meN hai tere kyoN Ghulaamee?
jilaa de fikr ko phir aagahee se

6. ujaale ko janam de gee siyaahee
saHar phooTe gee "Zarqaa" teeragee se!

[nigaah]

Assalam alaikum

aap ki Ghazal achi lagi....Khaas tor say maqtaa jaan-e-Ghazal hai...

ujaale ko janam de gee siyaahee
saHar phooTe gee "Zarqaa" teeragee se!

bohut umda....daad qubool kijye...

Nigaah

[Shummu]

2. Wafa ki aabroo ruswa na hoti
Chura laitey agar tum ko tumhi se

wah bahut khoob!

3. nikaltee hai duaa dil se yehee ab
kabhee guZrooN nah maiN teree galee

wow i like it!

6. ujaale ko janam de gee siyaahee
saHar phooTe gee "Zarqaa" teeragee se!

wahhhh bahut khoob....maqta lajawaab hai! :P


Zarqaa jee..daad haazir hai is khoobsurat ghazal pe....naacheez ne bhi isi misre pe kuch likha hai...waqt mile to zaroor nazar-e-karam farmaaiyega..shukriya

Shumaila

[gazal_uzma]

zarqa ji
bohot khobsorat ghazal hay aap ki....
regards
uzma khan

[Star Mind]

Zarqa behen , aadaab !

janaab Ghazal to maashaa Allah bohut hi Khoob hai ! Khaas kar maqta' to jaan levaa hai ! is taKhleeq keleye be-shumaar daad !

shukriya

Zia Baloch

[zmufti]

nigah jee
aap ka buhat shukria
take care
zarqa

[zmufti]

Shummu jee
aap ka buhat shukria
aap ne mera hosla kaafi barha diya
khush rahiye
zarqa

[zmufti]

uzma jee
maiN bhala kis qabil hoN
aap ki anayat hai
zarqa

[zmufti]

zia bhai
aap ka shukria
regards
zmufti