Tarahee Ghazal (Guzarish 8).................

Post by **jawaid badauni** » Wed Aug 03, 2005 4:35 pm

Dosto! Aadaab.

Yeh ek dastoor sa ban gayaa hai keh Urdubandhan
ke mahana tarahee Mushaaireh ka aaGhaaz yeh
Khaaksaar karta hai. Leh'aza riwayat ko qaa,im
rakhte hoe ek sada si ghazal irsaal kar raha hooN,
ummid hai himmat afzaaii farmayeNge.

Khair Andesh,

Jawaid Badauni

Tarahee Ghazal

Zara dekho nigaah-e muncifee se
“Khataa hoti hai sahab aadmi se”

GhamoN se iss qadar maanoos hai dil
HameN ab dar sa lagta hai Khooshee se

Hamare daur ke suraj ko dekho
Andhera baRh rahaa hai raushni se

Hawas ki aaNdhiyo pachtaaogee tum
Nah Takraao chiraagh-e aashiqee se

Zara hooshyaar nafrat bone walo
Milegee dushmani hi dushmani se

Woh pahroN ki ibaadat per hai bhaaree
Jo sijda ho Khuloos-e bandagee se

Mile aise bhi kuch mujrim jinhoN ne
KhatayeN keeN magar paakeezagee se

Mujhe “Jawaid” woh KhooshiyaN nah baKhsheN
Gawara hai mujhe har gham Khooshee se

Post by **Ibn-e-siddique** » Thu Aug 04, 2005 5:05 am

Jawaid bhai:

salaam arz hai

aap ne maazi ki rivaayat ko bar.qaraar rakhte hue
sab se pehle ghazal sunaai aur khoob sunaai.

meri jaanib se daad haazir hai, qubool farmaaiN

amjad

Post by **jawaid badauni** » Thu Aug 04, 2005 5:35 am

Ibn-e-siddique wrote:Jawaid bhai:

salaam arz hai

aap ne maazi ki rivaayat ko bar.qaraar rakhte hue sab se pehle ghazal sunaai aur khoob sunaai.

meri jaanib se daad haazir hai, qubool farmaaiN

amjad

Bahut bahut shukriya Amjad Sahab.

MaiN yahaN iss khel ka "Opening Batsman" hooN Bhaaii
magar, aise batsman kabhi jaldi "out" ho jate haiN.

Angrezee ke lafz istaimal nahiN karna chaahta magar
kaheeN kaheeN.......

Shukriya,

Jawaid

Post by **jawaid badauni** » Thu Aug 04, 2005 3:58 pm

sara_j wrote:
jawaid badauni wrote:
Dosto! Aadaab.

Yeh ek dastoor sa ban gayaa hai keh Urdubandhan
ke mahana tarahee Mushaaireh ka aaGhaaz yeh
Khaaksaar karta hai. Leh'aza riwayat ko qaa,im
rakhte hoe ek sada si ghazal irsaal kar raha hooN,
ummid hai himmat afzaaii farmayeNge.

Khair Andesh,

Jawaid Badauni

Tarahee Ghazal

Zara dekho nigaah-e muncifee se
“Khataa hoti hai sahab aadmi se”

bohat khoob girah lagaayi hai!

GhamoN se iss qadar maanoos hai dil
HameN ab dar sa lagta hai Khooshee se

waah! bohat khoob!

Hamare daur ke suraj ko dekho
Andhera baRh rahaa hai raushni se

jawaab nahi! bohat pasand aaya ye shair.

Hawas ki aaNdhiyo pachtaaogee tum
Nah Takraao chiraagh-e aashiqee se

bohat khoob! kya kehne!

Zara hooshyaar nafrat bone walo
Milegee dushmani hi dushmani se

khoob kahe!

Woh pahroN ki ibaadat per hai bhaaree
Jo sijda ho Khuloos-e bandagee se

very nice.

Mile aise bhi kuch mujrim jinhoN ne
KhatayeN keeN magar paakeezagee se

waah!

Mujhe “Jawaid” woh KhooshiyaN nah baKhsheN
Gawara hai mujhe har gham Khooshee se

Jawaid bhai,

adaab arz hai.

aapki tarhee ghazal dekh ker intehaii khushi hui.
aapke qalam-e-mubarak se is mushaire ki pehli
ghazal hamesha khoobsurat aur kamyaab hoti hai,
aur hum mien bhi likhne ki himmat
ko paida karti hai.

ghazal ke sabhi ashaar bohat pasand aaye kuch
tou bohat hi ziyada.

mukhlis

sara

Sara!

Salam aur Doa

Sher-ba-sher tabsare aur mukammal ghazal ki pazeeraaii ke liye bahud mamnoon hooN. Ummid hai aap ki ghazal bhi jald hi mausool ho jayegee.

Khair Andesh,

Jawaid

Abdullah Nazir · Post by **Abdullah Nazir** » Thu Aug 04, 2005 10:59 pm

MuHtarami o Azeezi
Jawaid Badayuni Saahib,

Purkhuloos Tasleemaat,

Aapki TaraHi ghazal paRhkar bahut khusi houi. Aap ne jaldi meiN bhii itni khoobsoorat aur dilkash ghazal kahi hei.

Meri dili daad aur mubaarakbaad qubool farmaayiye.

Aapka Mukhlis,

Nazir.

Post by **jawaid badauni** » Fri Aug 05, 2005 11:00 am

WEBMASTER wrote:
MuHtarami o Azeezi
Jawaid Badayuni Saahib,

Purkhuloos Tasleemaat,

Aapki TaraHi ghazal paRhkar bahut khusi houi. Aap ne jaldi meiN bhii itni khoobsoorat aur dilkash ghazal kahi hei.

Meri dili daad aur mubaarakbaad qubool farmaayiye.

Aapka Mukhlis,

Nazir.

Mohtarmee Nazir Sahab, Aadaab

Himmat afzaaii ke liye mamnoon hooN. Mere saath masAlah yeh hai keh agar fauran aap ke hukm ki tAmil nah karooN to rah jayega aur phir kabhi iss taraf aane ki foorsat nah milegee. Deegar ahbaab ki ghazaloN ka muntazir hooN.

Mukhlis,
Jawaid

Post by **Mahtab Qadr** » Sat Aug 06, 2005 11:38 am

Jawaid Badauni sahib Aadaab
ye aapka hi haq hai isqadar zoodgo hona ke idhar mirse parha ,udhar ghazal ho gai. waah waa. aur phir sher bhi apne mayaar ke hoN ye bahut qabil e mubarakbaad baat hai. poori ghazal achi ha , magr zail ke ashaar bahut pasand aaye. shukria

Hamare daur ke suraj ko dekho
Andhera baRh rahaa hai raushni se

Hawas ki aaNdhiyo pachtaaogee tum
Nah Takraao chiraagh-e aashiqee se

Zara hooshyaar nafrat bone walo
Milegee dushmani hi dushmani se

Woh pahroN ki ibaadat per hai bhaaree
Jo sijda ho Khuloos-e bandagee se

Post by **jawaid badauni** » Sat Aug 06, 2005 2:09 pm

Mahtab Qadr wrote:Jawaid Badauni sahib Aadaab
ye aapka hi haq hai isqadar zoodgo hona ke idhar mirse parha ,udhar ghazal ho gai. waah waa. aur phir sher bhi apne mayaar ke hoN ye bahut qabil e mubarakbaad baat hai. poori ghazal achi ha , magr zail ke ashaar bahut pasand aaye. shukria

Hamare daur ke suraj ko dekho
Andhera baRh rahaa hai raushni se

Hawas ki aaNdhiyo pachtaaogee tum
Nah Takraao chiraagh-e aashiqee se

Zara hooshyaar nafrat bone walo
Milegee dushmani hi dushmani se

Woh pahroN ki ibaadat per hai bhaaree
Jo sijda ho Khuloos-e bandagee se

Azeezi Mahtab Qadr Sahab

Bahud mamnoon hooN keh aap ne Ghazal ki pazeeraaii farmaaii jis se meri himmat afzaaii hoti hai. Mujhe aap ke tabsare ke baghair kuch tishnigee see thee magar jab aap ki ghair haziree ka sabab malum hoa to main aap ki majboori samajh gaya.

Khair andesh,
Jawaid Badauni

Post by **Shummu** » Sat Aug 06, 2005 8:59 pm

Wah bahut khoob Mohatarm JAWAID sahab..maine pehle socha choose karoon kaun se sher sab se achche hain magar jaise jaise paRhti gayi..har sher hi bahut khoob laga ....daad haazir hai is khoobsurat kaavish pe:)

Shumaila

Post by **jawaid badauni** » Sun Aug 07, 2005 10:08 am

Shummu wrote:Wah bahut khoob Mohatarm JAWAID sahab..maine pehle socha choose karoon kaun se sher sab se achche hain magar jaise jaise paRhti gayi..har sher hi bahut khoob laga ....daad haazir hai is khoobsurat kaavish pe:)

Shumaila

Azeezah Shumaila Sahibah

Aap ke paghaam se dou KhooshiyaN miltee haiN. Ek to yeh keh aap ne kalam ke pazeeraaii ki hai jo bayic-e himmat afzaaii hai doosre yeh keh aap ka ab bhi iss forum se rabt qaa.im hai.

Bahut bahut shukirya. Khoosh raheN.

Mukhlis
Jawaid

Post by **nigaah** » Thu Aug 25, 2005 8:47 am

Janab Jawed Badauni Sahab

Assalam alaikum

aap ki qaaim kerda riwaayat ko Allah yuNhi qaaim rakhay...:)...

Zara dekho nigaah-e muncifee se
“Khataa hoti hai sahab aadmi se”

Khoob giraah hai.....wah

Mile aise bhi kuch mujrim jinhoN ne
KhatayeN keeN magar paakeezagee se

Mujhe “Jawaid” woh KhooshiyaN nah baKhsheN
Gawara hai mujhe har gham Khooshee se

bohut Khoob....aap ki Ghazal bohut pasand aayi....aaKhri do ashaar bator-e-Khaas pasand aaye .....daad hazir hai...

Nigaah

Post by **jawaid badauni** » Thu Aug 25, 2005 10:49 am

nigaah wrote:Janab Jawed Badauni Sahab

Assalam alaikum

aap ki qaaim kerda riwaayat ko Allah yuNhi qaaim rakhay...:)...

Zara dekho nigaah-e muncifee se
“Khataa hoti hai sahab aadmi se”

Khoob giraah hai.....wah

Mile aise bhi kuch mujrim jinhoN ne
KhatayeN keeN magar paakeezagee se

Mujhe “Jawaid” woh KhooshiyaN nah baKhsheN
Gawara hai mujhe har gham Khooshee se

bohut Khoob....aap ki Ghazal bohut pasand aayi....aaKhri do ashaar bator-e-Khaas pasand aaye .....daad hazir hai...

Nigaah

Ghazal ki pazeeraai ke liye aapka behad mamnooN hooN.

Himmat afzaaii ke liye ek baar phir shukriya.

Mukhlis
Jawaid

Post by **Star Mind** » Thu Aug 25, 2005 11:37 pm

moHtarami Jawaid Badauni SaaHib , aadaab arz hai

janaab Ghazal to aap ki hamesha la-jawaab hoti hai ! so is baar bhi hai !
hamaari daad is ka iHaata karne se qaaSir hai ! aap Khud hi jitnee chaaheN daad le leN har aek shea'r par ! ballke har miSra' par !

shukriya

moKhliS : Zia Baloch

Post by **jawaid badauni** » Fri Aug 26, 2005 5:45 am

Star Mind wrote:moHtarami Jawaid Badauni SaaHib , aadaab arz hai

janaab Ghazal to aap ki hamesha la-jawaab hoti hai ! so is baar bhi hai !
hamaari daad is ka iHaata karne se qaaSir hai ! aap Khud hi jitnee chaaheN daad le leN har aek shea'r par ! ballke har miSra' par !

shukriya

moKhliS : Zia Baloch

Azeezi Zia Baloch Sahab,
Salam aur Doa

Aap ki daad.o.tahseen hameshah ki tarah behud purKhuloos hai. Yeh to bahut sada see Ghazal thee jis per aap ne itna likh dala Bhai. MaiN aap ki mohabbat ka qaa,il hooN.

Khoosh raheN.

Jawaid

Post by **irfan barabankwi** » Fri Aug 26, 2005 3:41 pm

mohtaram
JAWIAD SAHIB

salam

wah wah. kiya hi khoobsurat ghazal kahi hai aapne. meri dili daad aur mubarakbaad qubool kijiye. wah keep it up.

khair andaish

irfan barabankwi

Tarahee Ghazal (Guzarish 8).................

Tarahee Ghazal (Guzarish 8).................

Re: Tarahee Ghazal (Guzarish 8).................

Bahut khoob

Re: Bahut khoob

Bahut achci ghazal kahi hei aap ne