Meri invitation pe yahan aane ka behad shukriya...so happy to see u here..yahan tumhe zyaadatar jaane pehchaane naam dikhenge so u won't be feeling out of place....upar se har koi tumhe aur tumhare zauq ko bhi jaanta hai....isliye ghar ka sa mahaul hi lagega...aati rehna aur bazm ki raunaq mein izaafa karna apne intekhaab aur khoobsurat tehreron ke saath
WELCOME KHUSHAAMDEED SWAAGATAM
Shumaila
Koi pooche humse hamaari haalat ka sabab
to ashk baha kar bhi baat adhoori reh jati hai
Waqt jaise kahin thehar sa gaya hai
Na Gham jaata hai na khushi aati hai
Assalam alaikum chandni
Umeed ke aap bakhair hoNgi
yahaN aapko dekh kar bahut acha laga , shummu ne jo kuch kaha bulkul sach hai, magar aate rahne ki shart ke saath :) urdu internet ki ibtedaai sathioN ko bhala koi bhula sakta hai. aap ko dil ki gahraioN se KHUSHAAMDEED Kahta hoN>
shukria
Mahtab Qadr
(sarfaraz)
maiN bhi aapko teh e dil se Khush aamded kahtaa huN. ummeed hai ki aapkaa waqt yahaaN achchhaa guzregaa. aapkii taKhliiqaat kaa shiddat se intezaar rahegaa aur insha Allah hameN aapse kuchh seekhne ka mauq'a milegaa. tashreef aavorii kaa ek baar phir se shukria.