Lafz par ashar#19--TANHAII/TANHAA

Post by **syed bilal armaan** » Fri Sep 09, 2005 9:44 am

salam walekum
Dostoun app ney unwan"NAAM" par bahut acche ashar likhe. Ab pesh hai ek nay unwan "TANHAII" app is unwan par bhi apne pasandida ashar likhiye.lijye main yahan se agaz kar hoon.

tanhaai ki yeh kaun si manzil hai batao
saaya bhi jahaaN saath hamaara naheen deta

Post by **Shummu** » Fri Sep 09, 2005 11:28 am

dar-o-deevaar pe shakleN si banaane aayee
phir ye baarish meri tanhaaii churaane aayee

Kaif Bhopali

Post by **Hashmat Usmani** » Sat Sep 10, 2005 2:09 am

chaand tanhaa hai, aasmaaN tanhaa
dil milaa hai kahaaN kahaaN tanhaa

Meena Kumari

Post by **Hashmat Usmani** » Sat Sep 10, 2005 2:40 am

tanhaa_tanhaa ham ro leNge, maHfil maHfil gaayeNge
jab tak aaNsuu paas raheNge tab tak giit sunaayeNge

Nida Faazlii

Taskeen · Post by **Taskeen** » Sat Sep 10, 2005 5:37 am

Tanha thi aur humesha se tanha hai zindagi
Hai zindagi ka naam magar kiya hai zindagi

Post by **Shummu** » Sat Sep 10, 2005 1:17 pm

jab bhi tanhaii se ghabarake simat jaate hain..
hum teri yaad ke daaman se lipat jaate hai...

Post by **Shummu** » Sun Sep 11, 2005 10:34 am

ZINDAGI YUN HUI BASAR TANHAA
QAAFILAA SAATH AUR SAFAR TANHAA

Post by **syed bilal armaan** » Sun Sep 11, 2005 3:14 pm

umr bher kii hain musaafitein , yeh duriyaaN aur fasaley
tum chaaho to kuch ajab nahin yeh pal main ser ho jaaien
main kaat sakuN gaa tanhaa na tum kaat sakoo gey
yeh zeest key kathan raastey aao hunsafar ho jaaine

Post by **syed bilal armaan** » Sun Sep 11, 2005 3:54 pm

tanha na katt sakey ga --karhi dhoop ka safar
sarr per khiyaal e yaar ki chadar hi lay chalain

Abdullah Nazir · Post by **Abdullah Nazir** » Sun Sep 11, 2005 6:30 pm

meHfil-e-yaar hou yaa gaosha-e-tanhaayi hou

aadami wo hei jise shauq-e-jabeeN-saayi hou.

Nazir.

Post by **syed bilal armaan** » Thu Sep 15, 2005 7:12 am

Mein tanha tha mein tanha hon
tum aao tu kia na aao tu kiaa?

Post by **syed bilal armaan** » Thu Sep 15, 2005 7:14 am

khud sey bher ker tumhein tanhaa nahin dekhaa jaataa
mujh ko hasrat hi rahii koii tumhaaraa hotaa

Post by **syed bilal armaan** » Thu Sep 15, 2005 7:21 am

tanhaai ki yeh kaun si manzil hai batao
saaya bhi jahaaN saath hamaara naheen deta

hassan_bashir · Post by **hassan_bashir** » Thu Sep 15, 2005 7:48 am

zindagi yuuN hui basar Tanhaa
qaafila saath aur safar Tanhaa

Post by **Shummu** » Thu Sep 15, 2005 12:01 pm

Rangeeni-e-dunya se maayoos sa ho jaana
Dukhta hua dil le ker tanhaaii meiN kho jaana