SAWALIYAH ASH,AAR========

Abdullah Nazir · Post by **Abdullah Nazir** » Wed Sep 21, 2005 12:45 am

kiyaa houaa aakhir diyaa us ne fareb

lo muHabbat kii nishaani mil gaiee.

Nazir.

hassan_bashir · Post by **hassan_bashir** » Wed Sep 21, 2005 12:44 pm

khaRaa hooN aaj bhee roti ke chaar harf liYe
sawaal yeh hai kitaaboN ne kyaa diya mujh ko

Abdullah Nazir · Post by **Abdullah Nazir** » Thu Sep 22, 2005 12:31 am

wo kaun hei jise rehtaa hei doosraoN kaa khayaal

Her aek shakhs ko apni paRi hei dunyaa meiN.

Nazir.

Abdullah Nazir · Post by **Abdullah Nazir** » Mon Sep 26, 2005 3:47 pm

naamah likhtaa hooN tou likh detaa hooN dil kii baaten

jaane le jaayegi mujhko miri teHreer kahaaN.

Nazir.

Abdullah Nazir · Post by **Abdullah Nazir** » Tue Oct 04, 2005 8:06 pm

ishrat-e-saya-e-gul yaad dilaate kiyuN hou

khwaab meiN aate hou kiyuN neend uRaate kiyuN hou.

Nazir.

Post by **Shummu** » Fri Oct 07, 2005 1:51 pm

Ae Naye Saal Bataa Tujh Mein Nyaa Kya Hai?
Har Taraf Khalq Ne Kyon Shor Macha Rakha Hai

hassan_bashir · Post by **hassan_bashir** » Fri Oct 07, 2005 4:43 pm

kaun khaaYega kiskaa hissaa hai ?
daane daane pe naam likkhaa hai !

Abdullah Nazir · Post by **Abdullah Nazir** » Fri Oct 07, 2005 6:24 pm

"tiri kaafir javaani ko javaani kaun kehtaa hei

muHabbat ko muHabbat kii nishaani kaun kehtaa hei."

Nazir.

Abdullah Nazir · Post by **Abdullah Nazir** » Mon Oct 10, 2005 1:50 am

kis ne meraa Haal poochaa, kis ne pursish kii janaab

yooN tou kehne ko hazaarouN doust mere dil meiN thay.

Nazir.

Abdullah Nazir · Post by **Abdullah Nazir** » Sat Oct 22, 2005 4:27 pm

deevaane ko ahl-e-jahaaN se kyaa maTlab

dast-e-duAaa hei dast-e-duAaa kashkoul nahiN.

Nazir.

Abdullah Nazir · Post by **Abdullah Nazir** » Tue Oct 25, 2005 2:54 am

kaunsi shab nah kaTi hijr meiN angaaraoN per

aiy sitamgar tujhe ihsaas magar hei ke nahiN

Nazir.

Abdullah Nazir · Post by **Abdullah Nazir** » Tue Oct 25, 2005 2:54 am

[size-18]

kaunsi shab nah kaTi hijr meiN angaaraoN per

aiy sitamgar tujhe ihsaas magar hei ke nahiN

Nazir.
[/size]

Abdullah Nazir · Post by **Abdullah Nazir** » Wed Nov 02, 2005 7:15 pm

kahooN tou souz-e-dil-e-beqaraar kaise kahooN

junoon-e-gardish-e-lail o nahaar kaise kahooN.

???

Nazir.

Post by **Hashmat Usmani** » Mon Nov 28, 2005 2:17 am

marne_vaalo pe "Saif" Hairat kiuN?
maut aasaan ho gaii hogii!

Saifuddin "Saif"

Post by **Shummu** » Sat Dec 10, 2005 6:39 pm

yaarab ! zamaana mujhko miTaata hai kis liye ?
loh-e-jahaaN pe harf-e-muqarrar naheeN hooN maiN