apni nai kawish ke saath hazir e khidmat hoon is ummeed ke saath k qaraeen hazraat apne taasuraat se zaroor aagaah farmayenge
talib e duAa
husaini
ghazal
Aab e abroo e dildaar apni jagah
KHanjar o teer o talwaar apni jagah
Teray jhootay talabgaar apni jagah
Aur haqeeqi tarafdaar apni jagah
Teri aaNkhoN ka inkaar apni jagah
aur mire dil ka israar apni jagah
Sharm aur shak ki deewaar apni jagah
Aur mira shouq e deedaar apni jagah
Tu hay pursish say baizaar apni jagar
jaN ba lab teray beemaar apni jagah
shahrahoN pay niklay jo tu be hijaab
gir paReN GHash meN do chaar apni jagah
muntazir heN naveed e bahisht e bareeN
paarsaa o gunaahgaar apni jagah
aayegaa aik din izn e bazm e husain
hum bhi baiThhay heN taiyaar apni jagah
ehl e urdu kay dil meN bananay lagay
ab husaini kay ashaar apni jagah
Poet: khozema husaini husaini
Location: khandwa, m.p., india
Submitted on: October 7, 2004
--------------------------------------------------------------------------------
[/url]