hadiyae ramadhan aik nazm ba unwaane"quraan"

[haamidbaaqri]

salamun alaikum
dosto
mahe ramadhan badi tezee se guzarta jaa raha hai.aise mei.n quraane majeed par har lamha fikr karne ki zaroorat hai.
aik nazm ba unwaane quraan haazir hai
gar qubool uftad zahe...

arz karta hoo.n ki

jeelo khuda ke waaste quraani zindagi
ahmed ke dar se milti hai insaani zindagi

quraa.n jahaa.n mei.n aaya hai zindo.n ke waaste
kyu.n sirf log padhte hai.n murdo.n ke waaste
shaayed inhe.n pasand hai haiwaani zindagi
jeelo khuda ke waaste.......

akhbaar aur risaalo.n ko palko.n pe rakhliya
alla'h ki kitaab ko taaqo.n mei.n rakhdiya
quraa.n ko chod jeete hai.n begaani zindagi
jeelo khuda ke waaste.........

ramadhaan mei.n to har ghadi quraan padhte hai.n
baaqi dino.n mei.n saath hum shaitaa.n ke rahte hai.n
bolo kahaa.n se paaye.nge roohani zindagi
jeelo khuda ke waaste........

sajde mei.n sar kata diya jhukne nahi.n diya
ghar ko lutaaya deen ko mitne nahi.n diya
shabbeer ne sikhaayi hai eemaani zindagi
jeelo khuda ke waaste........

taqwe ke saath zindagi haamid guzaar lay
kirdaare mustafa se tou khud ko sa.nwaar lay
dono.n jahaa.n mei.n paayega sultaani zindagi
jeelay khuda ke waaste.........

nateejaye fikr
haamidbaaqri
bangalore
india

[Handsome]

very ncie keep sharing

[Shummu]

wah mashaAllah bahut khoob ...bilkul bajaa farmaaya aapne HAAMID JEE!!! Waqaii hum log ramzan mein to khoob Quraan-e-paak ki tilaawat karte hain magar aur dinon mein Quran ki taraf nazar uThaake dekhte bhi nahi.... yaqeenan ye hamari hi apni kotaahi hai....Allah hamare eemaan ko aur mazboot banaaye....aur siraat-e-mustaqeem pe chalne ki taufeeq ata farmaaye..Ameen!

[Abdullah Nazir]

MuHtarami
Hamid Baaqri Saahib,

Purkhuloos Tasleemaat,

Ramadhan ke babarakat maheeneh kii munaasibat se aapki nazm bahut pasand aayi. Khaksaar kii dili daad aur mubarakbaad qubool farmaayiye.

Mandarja-e-zel miSreA per nazar-e-caani keejiye:

"kirdaare mustafa se tum khud ko sa.nwaar lo "

lafz "tum" kii vajah se vazn shikastah hourahaa hei jiski jagah aap "tou" isteAmaal karsakte heiN yaa aap koii munaasib tabdeeli farmaasakte heiN.


Aapka Mukhlis,
Nazir.

[haamidbaaqri]

Masha allah! bohat acha likhe hain........

baaqri saheb daad qubool keejiye bohat umdah
kavish se navaza hai aapne.

sara

salaamun alaikum
mohtarama sara saahebah

aapki mukhlisaana daad ke hum behad mamnoono mashkoor hai.n.hamaari ilteja hai ki aap hame.n duao.n mei.n na bhoole.n.

jazakallah
haamidbaaqri

[haamidbaaqri]

very ncie keep sharing

mr handsome

thankyou very much may allah reward you.aameen.

haamidbaaqri

[haamidbaaqri]

wah mashaAllah bahut khoob ...bilkul bajaa farmaaya aapne HAAMID JEE!!! Waqaii hum log ramzan mein to khoob Quraan-e-paak ki tilaawat karte hain magar aur dinon mein Quran ki taraf nazar uThaake dekhte bhi nahi.... yaqeenan ye hamari hi apni kotaahi hai....Allah hamare eemaan ko aur mazboot banaaye....aur siraat-e-mustaqeem pe chalne ki taufeeq ata farmaaye..Ameen!

salaamun alaikum
mohtarama shumaila saahebah

allah(sbhnwt) ne jo dastoorul amal hum sabke liye huzoor(s.a.w.)ke zariye hum tak pahunchaaya hai use samajhne aur usper chalne ki hum sabko taufeeq enaayat farmaaye.aameen

dua go
haamidbaaqri

[haamidbaaqri]

MuHtarami
Hamid Baaqri Saahib,

Purkhuloos Tasleemaat,

Ramadhan ke babarakat maheeneh kii munaasibat se aapki nazm bahut pasand aayi. Khaksaar kii dili daad aur mubarakbaad qubool farmaayiye.

Mandarja-e-zel miSreA per nazar-e-caani keejiye:

"kirdaare mustafa se tum khud ko sa.nwaar lo "

lafz "tum" kii vajah se vazn shikastah hourahaa hei jiski jagah aap "tou" isteAmaal karsakte heiN yaa aap koii munaasib tabdeeli farmaasakte heiN.


Aapka Mukhlis,
Nazir.

salaamun alaikum
mohtaram abdullah nazir saahib

aap jaise ustaad se hame.n daad mili yeh hamari khushqismati hai.hum aapke behad mamnoono mashkoor hai.n ki aapne technical ghalati ki taraf tawajjah dilaayee.humne usko durust karliya hai.mazeed kuch ghalati ho to hame.n zaroor bataaye.n.

allah(sbhnwt)aap per rehmato.n ki baarish kare.aameen.

aapka mukhlis
haamidbaaqri