Harf-e-'RAY' se ash'aar bhejiye..shukriya!

[Waqar Zaidi]

rah e hayaat ki taareekiyaan mitain kiyunkar

jalaa rahaa hoon main shamyain bujhaa rahaa hay koi

-------------------------------------------------------------------------------------

ruk gai lab peh aatay aatay hansi

gham khushi say chalak gayaa jaisay

===============================================

[ummassad]

RANJ SE KHUGER HUA INSAN TU MIT JATA HAI RANJ
MUSHKILAIN ITNI PADIAN MUJH PER KI AASAN HO GAIN

[Abdullah Nazir]

raqS-e-parvaanah tou zulmat meiN bhi ruk saktaa nahiN

shamA hii kyaa jou kabhi raushan sar-e-meHfil nah hou.


Nazir.

[ummassad]

RUKH-E- ROUSHAN KE AAGE SHAMA RAKH K WO YE KAHTE HAIN
UDHAR JATA HAI YA DEKHAIN IDHER PARWANA AATA HAI

RANJ SE KHUGER HUA INSAN TU MIT JATA HAI RANJ
MUSKILAIN ITNI PADIAN MUJH PE KI AASAN HOGAIN

[ummassad]

ROZE HISAB JAB MERA PESH HO DAFTER -RE- AMAL
AAP BHI SHARAMSAR HO MUJHKO BHI SHARMSAR KAR

[Waqar Zaidi]

ruswaa karay gi aur yeh deewaangi mujhay

aayaa jo bay khudi mein khayaal e khudi mujhay

===============================================

rag e sang say tapaktaa woh lahoo keh phir na thamtaa

jisay gham samajh rahay ho yeh agar sharaar hotaa

===============================================

[Shummu]

raat aaya tha khayal uska meri khilwat mai magar....
chand lamhoN mai magar usne mujhe tanhaa kardya

[Waqar Zaidi]

rukh e raushan peh zulfain hain prishaan

keh pooraa chaand gehnaayaa huaa saa

===============================================

rang o boo nay bhi saath chhorh diya

raftah raftah tamaam phooloon kaa

===============================================

raftah raftah ho chali thi dil ko kuchh taskeen si

phir tasawwur mein koi aa aa kay tarhpaanay lagaa

*************************************************************

[Abdullah Nazir]

raaHat-e-dil hougaie jab nazr-e-ummeed-e-karam

ibtilaay-e-shauq ko aaraam-e-jaaN kehnaa paRaa.


Nazir.

[Shummu]

rone waalon se kaho un ka bhi rona ro len
jin ko majboori-e-halaat ne rone na diya

[Waqar Zaidi]

rah e gham mein kaantay hon jab har qadam par

kahaan tak koi apnaa daaman bachaayay

-------------------------------------------------------------------------------------

raushan thaa aasmaan to zameen kisht e zaafraan

day do miri zameen miraa aasmaan mujhay

*************************************************************

[RAUSHNEE]

bus yonhi yaad aa gaya yeh sher


Ranjish he sahi....Dil he dukhanay k leye aa
aa phir say mujhe chhor k janay k leye aa

[Abdullah Nazir]

raaz-e-dil-e-naashaad sunaane ke liye aa

ik shab ke liye hansne hansaane ke liye aa.



Nazir,

[Waqar Zaidi]

raigzaar e zeest mein saayah tairi yaadoon kaa hay

dhoodtaa hoon har qadam par tairay qadmoon kay nishaan

===============================================

[Waqar Zaidi]

raah e dushwaar mein saabit qadami hay laazim

azm e muhkam ho to manzil abhi aasaan ho jaayay

===============================================

ranj kay baad khushi paa kay tujhay kia maaloom

mairaa kiaa haal ho aay dost mujhay kia ho jaayay

===============================================