sabaq_aamoz ash'aar likhiiye

ummassad · Post by **ummassad** » Wed Dec 21, 2005 2:22 pm

PHOOL KI PATI SE KATSAKTA HAI HEERE KA JIGAR
MARD-E- NADAAN PER KALAM-E-NARM .O. NAZUK BE ASAR

ummassad · Post by **ummassad** » Wed Dec 21, 2005 2:26 pm

GULOON SE KHAR BEHTER HAIN JO DAMAN THAM LETE HAIN
AZIZON SE HAIN BEHTAR, WAQT PER JO KAAM AATE HAIN

RAUSHNEE · Post by **RAUSHNEE** » Sun Dec 25, 2005 8:31 pm

sara_j wrote:ik shakhs k khonay ka dar kuen nahi jatta
yeh khauf meray dil se utar kuen nahi jata
manzil per puhanch ker bhi usay khona paray ga
yeh teh hai tu phir shauq-e-saffar kuen nahi jata

Exxxxxxxxxxxxxcelllllllllleeeeeennnnnnnnntttttttt......

Post by **Hashmat Usmani** » Mon Dec 26, 2005 4:24 am

aataa hai yaad mujhko guzraa hua zamaana
vo baaGh kii bahaareN, vo sab kaa chahchaanaa

Iqbaal

ummassad · Post by **ummassad** » Tue Dec 27, 2005 4:11 pm

aabadi bhi dekhi hae weerane bhi deekhe hain
jo ujde aor phir na base dil wo nirali basti hae

ummassad · Post by **ummassad** » Thu Dec 29, 2005 4:30 pm

ay tahir-e-lahoti hai us rizeq se mout achi
jis rizaq se aati ho parwaz main kotai

Abdullah Nazir · Post by **Abdullah Nazir** » Thu Jan 19, 2006 4:03 am

"HirS ke phailte heiN paauN baqar-e-wusAat

tang hii rehte heiN dunyaa meiN faraaghat waale".........na-maAloom

Nazir.

Post by **Daanish** » Thu Feb 09, 2006 3:01 pm

mehram nahiN hai tu hi nawaha-e-raaz ka
yaaN warna jo hijaab hai, parda hai saaz ka--Ghalib

Post by **Daanish** » Mon Feb 13, 2006 5:24 am

Aalam-e-rozgaar ko aasaaN bana diya
jo gham hua, use gham-e-jaanaaN bana diya--Asghar Gondavi

Abdullah Nazir · Post by **Abdullah Nazir** » Mon Feb 13, 2006 1:38 pm

"mujhko dekh umr kii ik khwaab-fizaa manzil meiN

apne armaanaoN kaa dam ghounT ke bedaar hooN maiN"

Shayer: Hyderabad ke aek shayer. yaad nahiN kaun.

Nazir.

ummassad · Post by **ummassad** » Mon Feb 13, 2006 7:35 pm

watan ki fikr kr nadan musibat aane wali hye
tumhari dastan tk bhi na hogi dastanoo main

Post by **Daanish** » Tue Feb 14, 2006 12:40 pm

har nafas umr-e-guzishtaa ki hai maiyyat Faani
zindagi naam hai mar mar ke jiye jaane ka--Faani Badayuni

ummassad · Post by **ummassad** » Wed Feb 15, 2006 5:40 pm

patther hi lagein gy tujhe her simth se aaker
yeh jhoot ki duniya hy yahan such na kahaker

ummassad · Post by **ummassad** » Sat Feb 18, 2006 5:56 am

nasheman per nasheman isterhe tameer karta ja
ki bijli girte girte aap khud bezaar ho jaye

Abdullah Nazir · Post by **Abdullah Nazir** » Thu Feb 23, 2006 2:13 am

"Gou maiN rahaa raheen-e-sitam-haay-e-rouzgaar,

lekin tire khayaal se ghaafil nahiN rahaa".

Shaayer: Ghalib.

Nazir,

sabaq_aamoz ash'aar likhiiye

sabaq aamouz

sabaq aamouz

---