tarhi ghazal guz#12 haamidbaaqri

Tarhi Moshaairah -ShoAaraa aur Shayeraat kii TabAaazmayi ke liye

Moderator: Muzaffar Ahmad Muzaffar

Post Reply
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

tarhi ghazal guz#12 haamidbaaqri

Post by haamidbaaqri »

tarhi ghazal guzarish#12 by haamidbaaqri

salaamun alaikum
dosto

aapke diye hue misre per apni adna see takhleeq lekar haazir hua hoo.n.
gar qubool uftad zahe....

arz kiya hai......

ya rab nikaal humko phanse hai.n bhanwar mei.n hum
beshak gunaa'h gaar hai.n teri nazar mei.n hum

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

hai barq se bhi teyz suno zeest ka safar
aaj is dagar mei.n hum hai.n to kal us dagar mei.n hum

kuch log humko nek kahe.n shukr hai tera
hum jaante hai.n kya hai.n khud apni nazar mei.n hum

murdo.n ko gar zabaan mile bole.nge yahi
kal they zamee.n pe aaj hai.n taareek ghar mei.n hum

haamid watan ki yaad tere saath jaayegee
raahat watan ki yaad kare.n kya safar mei.n hum

nateejaye fikr
haamidbaaqri
al hamdulillah
Last edited by haamidbaaqri on Mon Dec 26, 2005 6:06 am, edited 1 time in total.
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
User avatar
rahmed25682
-
-
Posts: 126
Joined: Thu Dec 09, 2004 8:28 am
Location: Karachi
Contact:
Contact rahmed25682

Post by rahmed25682 »

Salam Haamid sahab...

MASHALLAH bohat umda ghazal kahy aap ne...


ALLAH KARAY ZOR-e-QALAM AUR ZIADA

Khush rahain

Khair Andesh

Raheel Ahmed
Kab Say HooN , Kia BataaooN Jahan-e-Kharab Main
Shab-Haaye Hijr Ko Bhee RakhooN Gar Hisab Main
=============================
Ghalib
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

shukriya

Post by haamidbaaqri »

rahmed25682 wrote:Salam Haamid sahab...

MASHALLAH bohat umda ghazal kahy aap ne...


ALLAH KARAY ZOR-e-QALAM AUR ZIADA

Khush rahain

Khair Andesh

Raheel Ahmed
salaamun alaikum
mohtaram raheel ahmed saahib

aapki mukhlisaana daad ke hum behad mamnoono mashkoor hai.n.

jazakallah
mukhlis
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

Bahut khoob waah waah

Post by Abdullah Nazir »


MuHtarami
Haamid Baaqri SaaHib,

PurkhulooS tasleemaat,

Aaapki mandarja-e-zeil TaraHi ghazal bahut hii achchi hei jiske liye daad o teHseen qubool farmaayiye.

ya rab nikaal humko phanse hai bhanwar mei.n hum
beshak gunaa'h gaar hai.n teri nazar mei.n hum

Pahle miSreA meiN "phanse hai.n" ko TibaaAat kii ghalaTi kii vajah se "phanse hai" likhkhaa gayaa hei. MaTlaA aapke rang meiN bahut khoob hei.

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

Bahut achchaa sheAr hei, waah waah.

hai barq se bhi teyz suno zeest ka safar
aaj is dagar mei.n hum hai.n to kal us dagar mei.n hum

Yeh sheAr bhii bahut khoob hei. waah waah.

kuch log humko nek kahe.n shukr hai tera
hum jaante hai.n kya hai.n khud apni nazar mei.n hum

Is sheAr meiN aap ne aap ne izhaar-e-inkisaar bahut hii achche andaaz meiN kiyaa hei. Waah waah.

murdo.n ko gar zabaan mile bole.nge yahi
kal they zamee.n pe aaj hai.n taareek ghar mei.n hum

Aek farZi khayaal hei lekin bahut hii khoob hei.

haamid watan ki yaad tere saath jaayegee
raahat watan ki yaad kare.n kya safar mei.n hum

MaqTaA bhii bahut khoob hei.

Dobaarah dili daad aur mubaarkabaad pesh-e-khidmat hei.


Aapka MukhliS,
Nazir.
Last edited by Abdullah Nazir on Mon Dec 26, 2005 5:03 pm, edited 1 time in total.
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

Re: Bahut khoob waah waah

Post by haamidbaaqri »

WEBMASTER wrote:
MuHtarami
Haamid Baaqri SaaHib,

PurkhulooS tasleemaat,

Aaapki mandarja-e-zeil TaraHi ghazal bahut hii achchi hei jiske liye daad o teHseen qubool farmaayiye.

ya rab nikaal humko phanse hai bhanwar mei.n hum
beshak gunaa'h gaar hai.n teri nazar mei.n hum

Pahle miSreA meiN "phanse hai.n" ko TibaaAat kii ghalaTi kii vajah se "phanse hai" likhkhaa gayaa hei. MaTlaA aapke rang meiN bahut khoob hei.

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

Bahut achchaa sheAr hei, waah waah.

hai barq se bhi teyz suno zeest ka safar
aaj is dagar mei.n hum hai.n to kal us dagar mei.n hum

Yeh sheAr bhii bahut khoob hei. waah waah.

kuch log humko nek kahe.n shukr hai tera
hum jaante hai.n kya hai.n khud apni nazar mei.n hum

Is sheAr meiN aap ne aap ne izhaar-e-inkisaar bahut hii achche andaaz meiN kiyaa hei. Waah waah.

murdo.n ko gar zabaan mile bole.nge yahi
kal they zamee.n pe aaj hai.n taareek ghar mei.n hum

Aek farZi khayaal hei lekin bahut hii khoob hei.

haamid watan ki yaad tere saath jaayegee
raahat watan ki yaad kare.n kya safar mei.n hum

MaqTaA bhii bahut khoob hei.

Dobaarah dili daad aur mubaarkabaad pesh-e-khidmat hei.


Aapka MukhliS,
Nazir.
salaamun alaikum
mohtaram abdullah nazir saahib

aap jaise ustad shaair ki daad hamare liye sanad hai.

aapne hamaari adna see kaavish ko saraaha, tabsare ke qaabil samjha aur mukhlkisaana daad aur duao.n se bhi nawaaza iskeliye hum aapke behad mamnoono mashkoor hai.n.

ghalati ki nishandahi ke liye bahut bahut shukriya. hum ne usko durust kardiya hai.

allah(sbhnwt)aap per apni musalsal rehmato.n ki baarish kare.aameen

aapka mukhlis
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

Re: tarhi ghazal guz#12 haamidbaaqri

Post by haamidbaaqri »

sara_j wrote:hamid sahib,

hamesha ki tarah aapke ashaar bohat khoob hain.
daad qubool keejiye.

sara

haamidbaaqri wrote:
ya rab nikaal humko phanse hai.n bhanwar mei.n hum
beshak gunaa'h gaar hai.n teri nazar mei.n hum

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

hai barq se bhi teyz suno zeest ka safar
aaj is dagar mei.n hum hai.n to kal us dagar mei.n hum

kuch log humko nek kahe.n shukr hai tera
hum jaante hai.n kya hai.n khud apni nazar mei.n hum

murdo.n ko gar zabaan mile bole.nge yahi
kal they zamee.n pe aaj hai.n taareek ghar mei.n hum

haamid watan ki yaad tere saath jaayegee
raahat watan ki yaad kare.n kya safar mei.n hum


salaamun alaikum
mohtarama sara saahibeh

aapki mukhlisaana daad ke hum behad mamnoono mashkoor hai.n.

hausla afzaayee ka bahut bahut shukriya.

khush rahe.n

mukhlis
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
User avatar
Shummu
-
-
Posts: 733
Joined: Mon Dec 13, 2004 11:41 am
Contact:
Contact Shummu

Re: tarhi ghazal guz#12 haamidbaaqri

Post by Shummu »

wah wah mashaALlah hamesha ki tarah bahut umda kalaam sunaaya aapne.....daad pesh hai...is sher mein....

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

wah...sher bahut umda hai....aur bilkul sahi.....pehle misre ka aakhri lafz shayad type ghalat ho gaya hai "qareen" ya "qareeb" :shock:

Shumaila

Koi pooche humse hamaari haalat ka sabab
to ashk baha kar bhi baat adhoori reh jati hai

Waqt jaise kahin thehar sa gaya hai
Na Gham jaata hai na khushi aati hai
Top
User avatar
haamidbaaqri
-
-
Posts: 567
Joined: Tue Oct 11, 2005 10:50 am
Location: bangalore, india 00-91-9341253797
Contact:
Contact haamidbaaqri

Re: tarhi ghazal guz#12 haamidbaaqri

Post by haamidbaaqri »

Shummu wrote:wah wah mashaALlah hamesha ki tarah bahut umda kalaam sunaaya aapne.....daad pesh hai...is sher mein....

har saans laarahee hai hame.n mout ke qaree.n
baithe hue hai.n dosto per hai.n safar mei.n hum

wah...sher bahut umda hai....aur bilkul sahi.....pehle misre ka aakhri lafz shayad type ghalat ho gaya hai "qareen" ya "qareeb" :shock:

Shumaila
salaamun alaikum
mohtarama shumaila saahebah

aapki mukhlisaana daad ke hum behad mamnoono mashkoor hai.n.

mohtarama woh lafz qaree.n hi hai.qareeb ko qaree.n bhi kehte hai.n.theek hai:

mukhlis
haamidbaaqri
mai.n to karta nahi.n kuch aur ebaadat ke siwa
paas mere nahi.n kuch aur mohabbat ke siwa
Top
Post Reply

Return to “Moshaairah”