Harf-e-"BE" se ash'aar raqam kijiiye...shukria

Abdullah Nazir · Post by **Abdullah Nazir** » Sat May 07, 2005 12:13 am

bazm-e-junooN meiN naam miraa le ke dekh le

shayad maiN souz-e-zamzama-e-naa-shuneedah hooN.

Nazir.

Post by **najma** » Sat May 07, 2005 12:21 am

badalte waqt kaa ik silsila saa lagtaa hay
keh jab bhii dekho use, doosraa saa lagtaa hai

Abdullah Nazir · Post by **Abdullah Nazir** » Sat May 07, 2005 12:06 pm

Bahisht-e-gulhaay-e-aarzoo ko karegaa sairaab zindagii bhar

dilaoN meiN jou noor hei ujaagar hamaare alfaaz-e-sarmadii se.

Nazir.

Post by **najma** » Sat May 07, 2005 12:13 pm

baRe khuloos se apna liya hay ghar ki tarah
maiN taa-hayaat nazar-band jis qafas meiN rahaa
bakhsh

Abdullah Nazir · Post by **Abdullah Nazir** » Sun May 08, 2005 12:26 pm

bajuz aek yaad-e-raftah, nahiN mer paas kuch bhii

maiN use kahaaN Sadaa dooN, wo mujhe kahaaN pukaare.

Nazir.

Post by **najma** » Sun May 08, 2005 6:50 pm

bas apne maqsad-e-hastii pe rakh nazar:khawar:
naheeN khayal kisi ko tira, khayal na kar
khawar qureshi

brainheater · Post by **brainheater** » Sun May 08, 2005 9:33 pm

bandagi hum ney chor di Faraz
kiya karein jab log khuda ho jayein

Post by **najma** » Sun May 08, 2005 10:19 pm

baiTha hooN teri yaad ko mehmaaN kiye huey
tanhaaiyyaaN bichaa ke maiN khalwat meiN shaam-e-Gham
khawar qureshi

Abdullah Nazir · Post by **Abdullah Nazir** » Mon May 09, 2005 4:54 am

bewafaa tujh se nahiN hei mujhko furqat kaa gilah

jisqadar doori houii utnii hii qurbat hougaiee.

Nazir.

Post by **najma** » Mon May 09, 2005 9:15 am

baarishoN ki baateN to maslihat ki bateB haiN
pyaas ki zameenoN ko badaloN ne dekha hay
bakhsh

brainheater · Post by **brainheater** » Mon May 09, 2005 5:03 pm

bachon ke chotey haathon ko chand sitarey cho leney do
chaar kitabein parh ker wo bhi hum jaisey ho jayein gey

Post by **najma** » Mon May 09, 2005 5:25 pm

bas apne maqsad-e-hastii pe rakh nazar:khawar:
naheeN khayal kisi ko tira, khayal na kar
khawar qureshi

brainheater · Post by **brainheater** » Mon May 09, 2005 5:37 pm

baad muddat ussey dekha logon
wo zara bhi nahin badla logon

Post by **najma** » Mon May 09, 2005 5:40 pm

baa,d muddat ke khile daman-e-ummeed ke phool
der kr baa,d baharoN pe nuikhaar ayaa hay
nafis ahmad siddiqui

Abdullah Nazir · Post by **Abdullah Nazir** » Tue May 10, 2005 2:12 am

be-Hijaabaanah lab-e-baam aagayaa wo maah-rukh

muskuraakar dekhnaa bhii ik museebat hougaii.

Nazir.