aik taazah tareen terHi ghazal

[tahira Masood]

chup karaane peh woh ronay kaa sawaa ho jaana
"rotay rotay gham-e-furqat meN fanaa ho jaana"

uff woh masoom see nau khaiz si bholi si adaa
zikr aatay hi judaaee kaa, khafaa ho jaana

tairee baatoN kaa talism aur tabssum ki adaa
dil k ristay huay zakhmoN ki dawaa ho jaana

gham-e-duniya ka nah kernaa kabhi shikwah laikin
chupke chupke sahi tum meHv-e-duaa ho jaana

ishq woh qaid k her ko'ee aseeri maaNge
es qafas se nahiN mumkin hai rehaa ho jaana

[naheedv]

Tahira jee,

kaisee haiN aap?
buhat din ke ba'd aap kaa kalaam paRhne ko milaa. mashaa'allah aap ne buhat achee ghazal kahi hai. meree taraf se daad qubool kijiye aur meree kitaab kee aik copy reserve karwaanaa mat bhooliye gaa

mukhlis
Naheed

[Abdullah Nazir]

MuHtaramah
Taahira Masood SaaHibah,

PurkhulooS Tasleemaat,

Aapki ghazal bahut pasand aayi jiske liye meri dili daad aur mubaarakbaad qubool farmaayiye.

Is baar aap ne achche alfaaz isteAmaal kiye heN jin se ghazal meiN khoobSoorati paidaa hougaie hei.


Aapka MukhliS,
Nazir.

[tahira Masood]

Tahira jee,

kaisee haiN aap?
buhat din ke ba'd aap kaa kalaam paRhne ko milaa. mashaa'allah aap ne buhat achee ghazal kahi hai. meree taraf se daad qubool kijiye aur meree kitaab kee aik copy reserve karwaanaa mat bhooliye gaa

mukhlis
Naheed

Naaheed ji :rose

slaam -ekhuloos

aur in khoobsurat kalimaat k liye bohat bohat bohat shuekriyah

wassalam

[tahira Masood]

MuHtaramah
Taahira Masood SaaHibah,

PurkhulooS Tasleemaat,

Aapki ghazal bahut pasand aayi jiske liye meri dili daad aur mubaarakbaad qubool farmaayiye.

Is baar aap ne achche alfaaz isteAmaal kiye heN jin se ghazal meiN khoobSoorati paidaa hougaie hei.


Aapka MukhliS,
Nazir.

MoHteram Nazir Saheb :rose :rose :rose

salaam-e-khuloos

aap ne bhee mujh naa cheez ki kisee koshish per lab kushaa'ee fermaa'ee yeh baat mairay liye nehaayt HauSlah afzaa hai.


agar mairay kalaam maiN behtree aa'ee hai tau yeh sab inhee forums aur aap jaisay mukhlis Hazraat ki HauSalaah afzaa'ee aur rehnumaa'ee ki merhoon-e-minnat hai

es mehrbaani k liye meiN aap ki manoon hoN

dilee shuekriyah qabuul fermaaiN

[Mahtab Qadr]

Tahira Masood sahiba
Salaam e masnoon
aap ki ghazal ka har sher bahut acha laga. bahut lutf aaya ghazal parh kar
shukria
Mahtab Qadr

chup karaane peh woh ronay kaa sawaa ho jaana
"rotay rotay gham-e-furqat meN fanaa ho jaana"

uff woh masoom see nau khaiz si bholi si adaa
zikr aatay hi judaaee kaa, khafaa ho jaana

tairee baatoN kaa talism aur tabssum ki adaa
dil k ristay huay zakhmoN ki dawaa ho jaana

gham-e-duniya ka nah kernaa kabhi shikwah laikin
chupke chupke sahi tum meHv-e-duaa ho jaana

ishq woh qaid k her ko'ee aseeri maaNge
es qafas se nahiN mumkin hai rehaa ho jaana

[tahira Masood]

Mahtab Bha'ee

salaam-e-Khuloos

es pazeera'ee kaa shukeriyah. MAin es HuaSlah afza'ee k liye dil se mamnoon hoN

khush reheiN
wassalam

[Ehsan Raza]

[
MOHTRAM TAHIRA SAHIBA
MASHA ALLAH KHOOB KAHTEEN HAI KALAM MEN ALFAZ KA DARIYA APNI RAHEN KHUD IKHTIYAR KAR RAHA HAI
APNE EHSASAT KI TARJUMANI KA KHOOBSOORAT ANDAZ HAI
MUBARAK BAAD QUBOOL KIJIYE AGAR WEB SITE PER MERI TAKHLEEQ NAZAR AYE TO APNI MOHABBAT SE NAWAZ DIJIYEGA
SHUKRIYA
EHSAN BADAUNI