Taazah GHAZAL..........Abdullah Nazir.

[Abdullah Nazir]

MuHtaramaat o MuHtarameen
aHbaab-e-sukhan,

PurkhulooS tasleemaat,

Apni aek taazah ghazal pesh karrahaa hooN aur ummeed kartaa hooN ke apni giraaNqadr aaraa se navaazkar shukriya adaa karne kaa mauqaA denge.

GHAZAL roman meiN:

apnaa moNh mouRke jalte houe rukhsaar ke saath
haye kyaa tuHfah diyaa furSat-e-deedaar ke saath

kyaa taqaabul bhalaa unkaa mire kirdaar ke saath
chaal bhi jinki badal jaati hei guftaar ke saath

saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath

khaana-e-dil ko mire Dhaayegaa lekin zaalim
teri taSveer bhi girjaayegi deevaar ke saath

kis ko apnaa kaheN aur kis ko paraayaa samjheN
doust bhi jabkeh mulavvac houe aghyaar ke saath

souz-e-dil, zakhm-e-jigar, aah o fughaaN, karb-e-nafas
mujhko kyaa kyaa nah milaa qurbat-e-dildaar ke saath

wo baharHaal banaadete heiN deewaanah mujhe
kabhi iqraar ke saath aur kabhi inkaar ke saath

maut maangooN bhi tou milti nahiN mujhko yaarub
kaisaa inSaaf hei yeh tere Talabgaar ke saath

koiee manzil ki jihat hei nah khabar hei :Nazir:
luT nah jaayeN kahiN ham qaafilah-saalaar ke saath.
=======


Aapka MukhliS,
Nazir.

[Mahtab Qadr]

Abdullah bhai , salam e masnoon
Aapki Ghazal phir aapki ghazal hai, mai to parh kar sardhunta hi raha bahut lutfayaa zaban o bayan ka bhi jawab nahi aur tashbeehat o isteyare bhi khoob haiN.

apnaa moNh mouRke jalte houe rukhsaar ke saath
haye kyaa tuHfah diyaa furSat-e-deedaar ke saath
wah wah jalte huve rukhsar ke sath moNh morhna aur tohfah ke jawab nahi

kyaa taqaabul bhalaa unkaa mire kirdaar ke saath
chaal bhi jinki badal jaati hei guftaar ke saath
wah wah chal ka guftaar ke sath badal jaana bahut khoob hai


saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath
wah wah huzoor nazukandamoN ka to talvaar ke sath hamesha hi rishta rahe hai unhi ke lye dunya mai barhe qatl o khoN huve haiN :)


khaana-e-dil ko mire Dhaayegaa lekin zaalim
teri taSveer bhi girjaayegi deevaar ke saath
wah bahut khoob naya khyal pesh farmaya aapne

kis ko apnaa kaheN aur kis ko paraayaa samjheN
doust bhi jabkeh mulavvac houe aghyaar ke saath
waah khoob

souz-e-dil, zakhm-e-jigar, aah o fughaaN, karb-e-nafas
mujhko kyaa kyaa nah milaa qurbat-e-dildaar ke saath
bahut umdah tarkeeb hai wah wah

wo baharHaal banaadete heiN deewaanah mujhe
kabhi iqraar ke saath aur kabhi inkaar ke saath
wah wah

maut maangooN bhi tou milti nahiN mujhko yaarub
kaisaa inSaaf hei yeh tere Talabgaar ke saath
aray nahi bhai abhi aapki zaroorat hai urdu adab aur uske talabgaroNko hamari to dua hai ke Allah aapko sahet o afiat ke sath ta dair adabi ufaq par salamat rakhe.aameen

koiee manzil ki jihat hei nah khabar hei :Nazir:
luT nah jaayeN kahiN ham qaafilah-saalaar ke saath.
wah waah bahut khoob waqai haqeeqat ka izhaar hai.

aapka mukhlis
Mahtab Qadr

MuHtaramaat o MuHtarameen
aHbaab-e-sukhan,

PurkhulooS tasleemaat,

Apni aek taazah ghazal pesh karrahaa hooN aur ummeed kartaa hooN ke apni giraaNqadr aaraa se navaazkar shukriya adaa karne kaa mauqaA denge.

GHAZAL roman meiN:

apnaa moNh mouRke jalte houe rukhsaar ke saath
haye kyaa tuHfah diyaa furSat-e-deedaar ke saath

kyaa taqaabul bhalaa unkaa mire kirdaar ke saath
chaal bhi jinki badal jaati hei guftaar ke saath

saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath

khaana-e-dil ko mire Dhaayegaa lekin zaalim
teri taSveer bhi girjaayegi deevaar ke saath

kis ko apnaa kaheN aur kis ko paraayaa samjheN
doust bhi jabkeh mulavvac houe aghyaar ke saath

souz-e-dil, zakhm-e-jigar, aah o fughaaN, karb-e-nafas
mujhko kyaa kyaa nah milaa qurbat-e-dildaar ke saath

wo baharHaal banaadete heiN deewaanah mujhe
kabhi iqraar ke saath aur kabhi inkaar ke saath

maut maangooN bhi tou milti nahiN mujhko yaarub
kaisaa inSaaf hei yeh tere Talabgaar ke saath

koiee manzil ki jihat hei nah khabar hei :Nazir:
luT nah jaayeN kahiN ham qaafilah-saalaar ke saath.
=======


Aapka MukhliS,
Nazir.

[Abdullah Nazir]

MuHtarami
Mahtab Qadr SaaHib,

Aapke tafSeeli tabSireh ke liye beHad shukrguzaar hooN. MajmooAi Taur per aapko meri ghazal pasand aayi yehi mere liye baaAic-e-Sad-iftikhaar o usarrat hei.

Aap ne likhkhaa hei:

saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath
wah wah huzoor nazukandamoN ka to talvaar ke sath hamesha hi rishta rahe hai unhi ke lye dunya mai barhe qatl o khoN huve haiN :)

Aap ne bahut door kii kauRi laayi hei jo aapki fikr kii parvaaz-e-buland kii nishandehi karti hei. Meraa sheAr tou Ghalib ke sheAr ki Had ko bhii nahiN choo sakaa thaa jis meiN unhouN ne kahaa "is saadagi pah kaun nah marjaaye ay khudaa......LaRte heiN aur haath meiN talvaar bhi nahiN". MaiN tou Sirf yeh kehnaa chaahtaa thaa ( pyaar ke izhaar ke saath tum jou qatl kii saazish karrahe hou us se maiN waaqif hooN. Tum aek naazuk badan hou aur yeh dhamkiyaaN tum tum ko zeb nahiN deteeN.)
Aap ne is kaa rukh (zar, zun aur zameen) ki Tarf pherte houe "zun" kii vajah se paidaa houne waale fasaad kaa zikr kiyaa hei jo aapki shayeraanah fikr-e-rasaa kaa cuboot hei.

BaharHaal apni ghazal kii pazeerayi per aapkaa mamnoon hooN aur ummeed kartaa hooN ke aayindah bhi isi TaraH se HauSlah afzaayi farmaate rahenge.


Aapka MukhliS,
Nazir.

[Mahtab Qadr]

Mohatram Abdullah bhai , salaam e masnoon , KahiN aap ko meri koi baat nagawaar e khatir to nahi huvi , ke aapke lahje se qadre iska ehsaas hota hai. aapke jis sher par mai ne gustakhi ki muazirat ke sath khul kar tabsira karne ki koshish ki thi uska maqsad tafannun e taba tha na ke koi aur baat. aur phir ghazal ka sher ho aur nazukandamoN ka tazkria to phir qatl o khoN ki baat , to mera us janib rukh karna aik fitri amar tha. aap ke sher ka mazmoon bhi usi taraf meri danist mai ishara kar raha tha, magar sher ka sahi mazmoon aur mafhoom to batan e shayer hi mai hota hai ke vo jo samajhta hai koi dosra nahi samjh sakta.
baharhal koi baat baar e giraN ho to ..muazirat
mukhlis
Mahtab Qadr

MuHtarami
Mahtab Qadr SaaHib,

Aapke tafSeeli tabSireh ke liye beHad shukrguzaar hooN. MajmooAi Taur per aapko meri ghazal pasand aayi yehi mere liye baaAic-e-Sad-iftikhaar o usarrat hei.

Aap ne likhkhaa hei:

saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath
wah wah huzoor nazukandamoN ka to talvaar ke sath hamesha hi rishta rahe hai unhi ke lye dunya mai barhe qatl o khoN huve haiN :)

Aap ne bahut door kii kauRi laayi hei jo aapki fikr kii parvaaz-e-buland kii nishandehi karti hei. Meraa sheAr tou Ghalib ke sheAr ki Had ko bhii nahiN choo sakaa thaa jis meiN unhouN ne kahaa "is saadagi pah kaun nah marjaaye ay khudaa......LaRte heiN aur haath meiN talvaar bhi nahiN". MaiN tou Sirf yeh kehnaa chaahtaa thaa ( pyaar ke izhaar ke saath tum jou qatl kii saazish karrahe hou us se maiN waaqif hooN. Tum aek naazuk badan hou aur yeh dhamkiyaaN tum tum ko zeb nahiN deteeN.)
Aap ne is kaa rukh (zar, zun aur zameen) ki Tarf pherte houe "zun" kii vajah se paidaa houne waale fasaad kaa zikr kiyaa hei jo aapki shayeraanah fikr-e-rasaa kaa cuboot hei.

BaharHaal apni ghazal kii pazeerayi per aapkaa mamnoon hooN aur ummeed kartaa hooN ke aayindah bhi isi TaraH se HauSlah afzaayi farmaate rahenge.


Aapka MukhliS,
Nazir.

[Abdullah Nazir]

Bhaayi Mahtab Qadr Saahib,

PurkhulooS tasleemaat,

Housaktaa hei ke zukaam ki vajah se meraa lehjah karakht hougayaa hou warnah ifhaam o tafheem meiN aisaa nahiN hounaa chaahiye.

Aap ne likhkhaa thaa:

saazish-e-qatl hei kiyuN pyaar ke izhaar ke saath
naazuk-andaam kaa kyaa rishtah hei talvaar ke saath
wah wah huzoor nazukandamoN ka to talvaar ke sath hamesha hi rishta rahe hai unhi ke lye dunya mai barhe qatl o khoN huve haiN :)

agar meri yaaddasht ne daghaa nah di tou maiN ne yeh likhkhaa ke meraa sheAr tou Ghalib ke is sheAr ke mafhoom ko bhi nahiN pahonch sakaa. Shayad yeh bhi kahnaa zaroori thaa ke:

"is saadagi pah kaun nah marjaaye ai khudaa
laRte heiN aur haat meiN talvaar bhi nahiN"

Professor Yusuf Saleem Chishti ne apni kitaab SharH-e-deewan-e-Ghalib meiN is sheAr ke taAalluq se yooN likhkhaa hei:

"Bunyaadi taSavvur: Buland HauSlagiy-e-Aashiq-e-naatavaaN.
MaTlab: : yeh un sheAraoN meiN se hei jinkaa maTlab bazariya-e-alfaaz bayaan nahiN kiyaa jaasaktaa. LARTE HEIN kaihnaa, yeh hei shab-e-vaSl haatha paayi se. TALVAAR BHI NAHIN kinaayah hei nazaakat-e-jismaani se.
kahte heiN ke unki is adaa (saadagi) per jaan qurban karne ko dil chaahtaa hei keh wo taab-e-muqaavimat nahiN rakhte iske baavajood haathaa paayi karrahe heiN. Is baat ko Ghalib ne isTaraH adaa kiyaa hei: LaRte heiN aur haath meiN talvaar bhii nahiN.

Zaahir hei, is sheAr ko yeh mafhoom kaa labaadah nahiN pahnaayaa jaasktaa ke (maAshooq ke haath meiN talvaar nahiN tou kyaa houaa, uski vajah se dunyaa meiN bahut qatl o ghaaratgari houi hei.)

Isi liye maiN ne yeh kahaa ke mere sheAr kaa mafhoom unke sheAr kii Had ko bhi nahiN choosakaa. Iske baavajood yooN lagtaa hei ke aap apni tashreeH ko tarjeeH de rahe heiN. Yeh aek aisaa muqaam houtaa hei jahaN ittifaaq-e-raaye kii us waqt tak koii sabeel nahiN nikalti jab tak keh shaariHeen khud yeh faiSlah nah karleN ke baghair kitaabaoN se daleel pesh kiye, beHc o mubaaHice ko aage nah baRhaayenge aur apni baat ko hii mustanad nahiN samjhenge..

Aaj kiyunkeh mujhe zukaam nahiN hei, ummeed hei keh meraa laihjah karakht nahiN hougaa aur aap se iltimaas kartaa hooN ke apni daleel se meri daleel ko rad kardeN aur mujhe shukriyah adaa karne kaa mauQaA deN aur JumAeraat ko mere ghar tashreef laakar izzat afzaayi kareN. Aap ke monH meiN ghee shakar.


Aapkaa MukhliS,
Nazir.