aaNkh se neendeiN sakoon jaaN ishq mein urh jaaye hai
'haaye kyaa kahiye ke dil ke saath kyaa kyaa jaaye hai'
har tarah ke zaa'ike maujood hain har bhook ko
par uqaab-e-huzn yeh apne hi dil ko khaaye hai
dekhate hain dil mein kundah sar-ba-kham tasveer-e-yaar
eik ibaadat ma-siva deedaar -e-jaaN ho jaaye hai
sabq de naaseh hai rindon ko sharaab-e-toor ka
aql ki be-aqli dil ko dil-barii samjhaaye hai
raat kii tanhaayii, us pe yaad-e- maazhii ke suraag
chaar su gham dhundalkaon sii ik udaasii chhaye hai
zaamin
haaye kyaa kahiye-tarahi
Moderator: Muzaffar Ahmad Muzaffar