Lafz par ashaar#26--aatish/aaG

Post by **Shummu** » Wed Feb 01, 2006 11:41 am

aab-o-aatish se yeh Khamiir-e-chaman,
hai KhizaaN ya bahaar hai? kya hai?

Firaaq Gorakhpuri

Abdullah Nazir · Post by **Abdullah Nazir** » Thu Feb 02, 2006 4:31 am

aatish-e-ishq meiN jaltaa rahaa dil hijr ki shab

shamA-e-ummeed dhuaaN deti rahi rou rou kar.

Shayer: Abdullah Nazir.

Nazir.

Post by **Shummu** » Thu Feb 02, 2006 10:51 am

Ishq par zor naheen hai yeh woh aatish Ghalib,
Jo lagaaye na lage aur bujhaaye na bane.

ummassad · Post by **ummassad** » Thu Feb 02, 2006 11:17 pm

aatish parast kahte hain aahle jahan mujhe
ser jarm nala haye shararbar dekh ker

Post by **Shummu** » Fri Feb 03, 2006 8:35 am

meraa azm itanaa bula.nd hai ke paraaye sholo.n kaa Dar nahii.n
mujhe Khauf aatish-e-gul se hai, ye kahii.n chaman ko jalaa na de

Abdullah Nazir · Post by **Abdullah Nazir** » Sat Feb 04, 2006 7:55 am

uff rii tap-e-garmiy-e-muHabbat

ous naam pah jaaN nicaar aatish.

Shayer: Mumin.

Nazir.

Post by **Shummu** » Sat Feb 04, 2006 9:24 am

sood-o-ziyaaN ka khayaal hai kabhi to kabhi hai be-parwaahi
aatish se daaman bacha bhi leta hooN aur aas hai jalne ki bhi

Abdullah Nazir · Post by **Abdullah Nazir** » Sat Feb 04, 2006 12:31 pm

"dekh us aatish ke parkaale ki wo chashmak zani

mujhko kuch bijli nazar paRti hei ghabraayi houi."

Shayer: Jur'at

Nazir.

Abdullah Nazir · Post by **Abdullah Nazir** » Mon Feb 06, 2006 6:07 am

aatish-e-ishq ne yooN dil ko mire jhulsaayaa

jism ko jaise jalaadeti hei SeHraa ki samoom.

Shayer: Abdullah Nazir.

Nazir,

Post by **Daanish** » Thu Feb 09, 2006 3:50 am

na poochh aalam-e-bargashta taal'ei, Aatish!
barasti aag, jo baaraaN ki aarzoo karte--Khwaja Hyder Ali 'Aatish'

Post by **Daanish** » Thu Feb 09, 2006 6:54 am

Kisi soorat se nahiN jaaN ko qaraar, ai Aatish!
tapish-e-dil mujhe laa chaar liye phirti hai--Hyder Ali Aatish

Abdullah Nazir · Post by **Abdullah Nazir** » Fri Feb 10, 2006 4:55 am

aathish-e-barq o sharar aur nasheman meraa

ai khudaa tuu hii tabaahi se bachaanaa mujhko.

Shaayer: Abdullah Nazir.

Nazir.

Post by **Daanish** » Fri Feb 10, 2006 1:52 pm

bayaaN khwaab ki tarah jo kar raha hai
yeh qissa hai jab ka, ke Aatish jawaaN thha--Hyder Ali Aatish

Post by **Shummu** » Fri Feb 10, 2006 8:56 pm

shola-badan, aatish bajaaN, phirta raha wo be-amaaN
warna sabaa zolfoN maiN tha, warna ghataa kajal maiN thi

Post by **Daanish** » Sat Feb 11, 2006 2:31 am

saaya mera mujh se misl-e-dood bhage hai Asad
kaun mujh aatish bajaaN ke paas Thehraa jaaiye--Ghalib