Dosto! Salam
Stanveer.com (mehfile SuKhan) ke mahana tarahee mushaaireh
ke liye is baar maiN ne salaam kaha hai jo aapki Khidmat meN
bhi irsaal kar raha hooN. Aapki aara ka muntazir rahooNga.
MuKhlis
Jawaid
S A L A A M
Aabru meri mire ashk baRha dete haiN
Mujhe "Sarwar" ka azaadaar banaa dete haiN
Aise hote haiN Payumbar (SAAW) ke nawasey dekho
"teer per teer bhi khakar woh doa dete haiN"
Aaj bhi nahr ke pahlu meN haiN pyaasey "Abbas"(AW)
Is tarah ahl-e wafa dars-e wafa dete haiN
Jaane kya pyaas thee naCloN se bhoolaayee nah gaii
warnah insaaN to harik baat bhoola dete haiN
Aaj bhi ASr ke waqt aisa gumaN hota hai
Jaise maidaan se "Shabbir"(AW) sadaa dete haiN
Teer ka zaKhm, yeh pyaas aur yeh tabassum lub per
Kaise bachche hain jo qaatil ko roola dete haiN
Sadqa maaNga hai nawaasoN ka "Nabee" (SAWW) se "Jawaid"
Dekhiye ab mire Mursal(SWW)mujhe kya dete haiN
Tarahee Salaam
Moderator: Muzaffar Ahmad Muzaffar
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
Re: Tarahee Salaam
sara_j wrote:mashallah
Jawaid bhai,
adaab arz hei.
aaj ki subh bohat khoobsurat hogayi aapke is salaam
ko parhne ke baad.
bohat ache ......... kya kahun alfaaz nahi mil rahe.
mubarakbaad aur daad qubool keejiiye.
sara
jawaid badauni wrote:Dosto! Salam
Stanveer.com (mehfile SuKhan) ke mahana tarahee mushaaireh
ke liye is baar maiN ne salaam kaha hai jo aapki Khidmat meN
bhi irsaal kar raha hooN. Aapki aara ka muntazir rahooNga.
MuKhlis
Jawaid
S A L A A M
Aabru meri mire ashk baRha dete haiN
Mujhe "Sarwar" ka azaadaar banaa dete haiN
Aise hote haiN Payumbar (SAAW) ke nawasey dekho
"teer per teer bhi khakar woh doa dete haiN"
Aaj bhi nahr ke pahlu meN haiN pyaasey "Abbas"(AW)
Is tarah ahl-e wafa dars-e wafa dete haiN
Jaane kya pyaas thee naCloN se bhoolaayee nah gaii
warnah insaaN to harik baat bhoola dete haiN
Aaj bhi ASr ke waqt aisa gumaN hota hai
Jaise maidaan se "Shabbir"(AW) sadaa dete haiN
Teer ka zaKhm, yeh pyaas aur yeh tabassum lub per
Kaise bachche hain jo qaatil ko roola dete haiN
Sadqa maaNga hai nawaasoN ka "Nabee" (SAWW) se "Jawaid"
Dekhiye ab mire Mursal(SWW)mujhe kya dete haiN
Azeezah Sara SaHibah
Mujhe Khooshi hai Salaam aap ko pasaNd aaya. Bohat bohat shukriya.
MuKhliS
Jawaid
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Jazakallahu khair
MuHtarami o Azeezi
Jawaid Badauni SaaHib,
PurkhulooS tasleemaat,
Aapka kahaa houaa SALAM her liHaaz se kaamyaab aur muta'ccir karne waalaa hei. Is khaas kaifiyyat meiN kahe houe salaam per meri dili daad aur mubaarakbaad qubool keejiye.
Aapka MukhliS,
Nazir.
-
jawaid badauni
- -
- Posts: 810
- Joined: Sat Jan 01, 2005 5:38 am
- Contact:
Re: Jazakallahu khair
WEBMASTER wrote:
MuHtarami o Azeezi
Jawaid Badauni SaaHib,
PurkhulooS tasleemaat,
Aapka kahaa houaa SALAM her liHaaz se kaamyaab aur muta'ccir karne waalaa hei. Is khaas kaifiyyat meiN kahe houe salaam per meri dili daad aur mubaarakbaad qubool keejiye.
Aapka MukhliS,
Nazir.
Mohtarmee Abdullah Nazir SaHab,
Aadab
Himmat afzaaii ke liye aap ka behud mamnoon hooN. Mumkin ho to isee qism ka Salam ka ek tarahee Masaalma jismen Salam, Naat qaseedah ya aisa hi koii kalam bheja ja sakta hai Urdu Bandhan meN bhi muAqid kar deejiye. Maahe Moharram aur ayyame azaa ke daur meN aisa silsila yaqeenan munasib rahega. Mehfil-e Sukhan meN Amjad SaHab ne is baar mahanah tarahee Mushaaireh meN Salam kahne ki dawat deee hai magar unhoN ne yeh riyaayat rakhkhee hai keh jo log Salaam nahiN kah sakte woh ghazal bhi kah sakte haiN.
MuKhliS
Jawaid