Harf-e-'SEEN' se ash'aar bhejiye..shukriya!

Post by **Shummu** » Wed Feb 01, 2006 11:37 am

sunte hai.n ki mil jaatii hai har chiiz duaa se
ek roz tumhe.n maa.Ng ke dekhe.nge Khudaa se

"Rana Akbarabadi"

Abdullah Nazir · Post by **Abdullah Nazir** » Thu Feb 02, 2006 4:35 am

Sair-e-Aalam kuch nahiN juz tangiy-e-fikr o nazar

kitni wusAat hei hamaare dil meiN aakar dekhiye.

Shayer: Abdullah Nazir.

Nazir.

Post by **Shummu** » Thu Feb 02, 2006 3:30 pm

senkRoN cheyd hain is meiN lekin
kitni achchi ye ridaa lagti hai

fakhra batool

Abdullah Nazir · Post by **Abdullah Nazir** » Thu Feb 02, 2006 3:56 pm

saath detaa hooN yehi souch ke maiN

uski ghaflat bhi adaa lagti hei.

Shayer: Abdullah Nazir.

Nazir.

ummassad · Post by **ummassad** » Thu Feb 02, 2006 11:11 pm

sune jate na the tum se mere din raat ke shikve
kafan sarkao meri bezubani dekhte jao

Abdullah Nazir · Post by **Abdullah Nazir** » Sat Feb 04, 2006 7:25 am

saans letaa hooN tou zaalim tiri yaad aati hei

kyaa karuN tuu bhi nahiN aur tiri khushboo bhi nahiN

Shayer: Abdullah Nazir.

Nazir.

Post by **Shummu** » Sat Feb 04, 2006 9:31 am

sau baar agar tum ruuTh gaye ham tum ko manaa hii lete the
ik baar agar ham ruuTh gaye tum ham ko manaanaa kyaa jaano

Abdullah Nazir · Post by **Abdullah Nazir** » Sat Feb 04, 2006 12:00 pm

"sajaa ke aayaa hooN Sayyaad aek ik tinkah

duAayeN degaa rahegaa jou aashiyaane meiN."

Shayer: naamaAloom

Nazir.

Post by **Shummu** » Sun Feb 05, 2006 11:31 am

saa.Ns lenaa bhii kaisii aadat hai
jiiye jaanaa bhii kyaa ravaayat hai

Abdullah Nazir · Post by **Abdullah Nazir** » Sun Feb 05, 2006 1:02 pm

saadah sii aapki taSveer thi dilkash kitni

Dil ke aayieneh meiN ik Aks nihaaN hei ab tak.

Shayer: Abdullah Nazir.

Nazir.

Abdullah Nazir · Post by **Abdullah Nazir** » Mon Feb 06, 2006 5:46 am

saaqi ne mujhko kab nahiN rakhkhaa fareb meiN

detaa hei jo bhii jaam tou khaali sharaab se.

Shayer: Abdullah Nazir.

Nazir,

ummassad · Post by **ummassad** » Tue Feb 07, 2006 3:46 am

sun tuu sahi jahan main hy tera fasana kya
kahti hy tujh ko kalq-e- khuda gaibana kya

Abdullah Nazir · Post by **Abdullah Nazir** » Tue Feb 07, 2006 4:34 am

sunte rahe fasaana-e-ahl-e-jahaaN bahut

keeje HuZoor koii Haqeeqat kii baat bhi.

Shayer: Nazir.

Nazir.

Post by **Hashmat Usmani** » Tue Feb 07, 2006 4:42 am

sun to sahii jahaa.N me.n hai teraa fasaanaa kyaa
kahatii hai tujh se Khalq-e-Khudaa Gaibaanaa kyaa

AGha Hashr

Abdullah Nazir · Post by **Abdullah Nazir** » Tue Feb 07, 2006 4:45 am

saaz-e-dil routaa rahaa jaur-e-khizaaN sun sunkar

Loag kehte heiN ke gulshan meiN bahaar aayi hei.

Shayer: Abdullah Nazir.

Nazir.