Harf-e-'SEEN' se ash'aar bhejiye..shukriya!

Abdullah Nazir · Post by **Abdullah Nazir** » Wed Feb 08, 2006 3:34 am

soune deti hei kahaaN chashm-e-shararbaar mujhe

hqy' gaisoo mire chehre pah bikhar jaane do.

Shayer: Abdullah Nazir.

Nazir.

Post by **Daanish** » Thu Feb 09, 2006 3:35 am

sab pe, jis baar ne giraani ki
us ko yeh natawaaN uThhaa laaya--Meer

Post by **Daanish** » Thu Feb 09, 2006 6:27 am

sab ke haaN tum hu'e karam farma
is taraf ko kabho, guzar na kiya--Mir Dard

Post by **Daanish** » Thu Feb 09, 2006 6:35 am

sar gazisht apni, kis andoh se shab kehta thha?
so gaye tum, na suni aah! kahaani us ki--Meer

ummassad · Post by **ummassad** » Fri Feb 10, 2006 3:59 am

sun tu sahi jahan main hy tera fasana kya
kahti hy tujh ko kleq-e-khuda gayebana kya

Abdullah Nazir · Post by **Abdullah Nazir** » Fri Feb 10, 2006 4:35 am

sazaay-e-hijr mili hei tou gham nahiN mujhko

maiN dil meiN shamA-e-muHabbat jalaaye rakhkhungaa.

Shayer: Abdullah Nazir.

Nazir.

Post by **Daanish** » Fri Feb 10, 2006 2:00 pm

saadgiha-e-tamanna, yani
phir woh nairang-e-nazar yaad aaya--Ghalib

Abdullah Nazir · Post by **Abdullah Nazir** » Sat Feb 11, 2006 2:15 pm

sangdil tujh saa nahiN koii zamaane bhar meiN

saaya-e-zulf se bhi kardiyaa meHroom mujhe.

Shaayer: Abdullah Nazir.

Nazir.

Post by **Daanish** » Sun Feb 12, 2006 11:04 am

sab raqeeboN se hoN na khush par zanaan-e-Misr se
hai Zulaikha khush, ke mahv-e-maah-e-Ka'naaN ho gayiiN--Ghalib

Abdullah Nazir · Post by **Abdullah Nazir** » Mon Feb 13, 2006 1:46 pm

such hei dunyaa meiN muHabbat kaa bharousah na rahaa

koiee hamraah nahiN aayegaa roune ke liye.

Shayer: Abdullah Nazir.

Nazir.

ummassad · Post by **ummassad** » Mon Feb 13, 2006 6:30 pm

safeena barg-e-gul banalega moor-e- natawan ka
hazaar moujoun ki ho kashakash magar yh darya ke paar hoga

Post by **Daanish** » Tue Feb 14, 2006 12:37 pm

sune jaate na thhe tum se mire din raat ke shikwe
kafan sarkao, meri buzubaani dekhte jaao--Faani

Abdullah Nazir · Post by **Abdullah Nazir** » Tue Feb 14, 2006 1:53 pm

saaqi kii ik nigaah ne mastiy-e-umr bakhsdi

jaane kidhar ko rind ne, baadah o jaam, rakhdiyaa.

Shayer: Abdullah Nazir.

Nazir.

Post by **Daanish** » Tue Feb 14, 2006 4:22 pm

saaz aahista zara gardish-e-jaam aahista
jaane kya aaye nigaahoN ka payaam aahista--Makhdoom Mohiuddin

Abdullah Nazir · Post by **Abdullah Nazir** » Tue Feb 14, 2006 11:20 pm

saaya afgan thii tumhaari ghamgusaari is TaraH

khaarzaar-e-zindagi ko gulsitaaN kehnaa paRaa.

Shayer: Abdullah Nazir.

Nazir.