"sada mazaar se "tarhi salaam peshe khidmat hai

[haamidbaaqri]

salaamun alaikum
mohtaram abdullah nazir saahib

hum bhi is nayk kaam mei.n shaimil hona chaahte hai.n.

leejiye salaam haazir hai.

arz kiya hai..........

har inquilaab ki hai ibteda hussain hussain
har aik daur ka hai mudda^aa hussain hussain

woh tayz dhoop woh jalti zameen karbal ki
woh tera sajdaye shukre khuda hussain hussain

lahoo gira tira jis sarzameen per shabbeer
woh khaak bangayee khaake shifa hussain hussain

khuda ke deen peh jo jaan dayte hai.n unkay
"sada mazaar se aaye sada hussain hussain'

bhateeje bhaanje bete hue shaheed magar
zubaa.n peh shukre khuda marhaba hussain hussain

hussainiyo.n se larazta hai yeh jahaa.n haamid
keh un ka wird hai karbobala hussain hussain

nateejaye fikr
haamidbaaqri
al hamdulillah

[Abdullah Nazir]

MuHtarami
Haamid Baaqri SaaHib,

PurkhulooS tasleemaat,

Aapka TaraHi salaam paRhkar bahut muta'ccir houaa. Bahut khoob, aap ne apne dili ehsaasat ko qalamband kardiyaa hei aur hameN in se sabaq lene kii Zaroorat hei.


Aapka MukhliS,
Nazir.

[haamidbaaqri]

MuHtarami
Haamid Baaqri SaaHib,

PurkhulooS tasleemaat,

Aapka TaraHi salaam paRhkar bahut muta'ccir houaa. Bahut khoob, aap ne apne dili ehsaasat ko qalamband kardiyaa hei aur hameN in se sabaq lene kii Zaroorat hei.


Aapka MukhliS,
Nazir.

salaamun alaikum
mohtaram abdullah nazir saahib

bahut bahut shukriya aapka.aapne hamaari hauslah afzaayee dilkhol kar kee hai.

allah(sbhnwt)aapko salaamat rakkhe.aameen

aapka mukhlis
haamidbaaqri