ek qit'a

[Hashmat Usmani]

salaam dosto,

aapkii Khidmat meN aaj maiN ek qit'a pesh karne kii jasaarat kar rahaa huuN is ummeed par ki aapkii taba'-e-naazuk par baar-e-giraaN na guzregaa. shukria. Hasb-e-ma'mool aapkii aaraa ka shiddat se intezaar rahegaa aur maiN aapkaa peshgii sjukria adaa kartaa huuN.

to, qit'a 'arz kartaa huuN:

dil se tasavvuraat kii lazzat na chhiiniiye
jalvoN kii pur_suroor lataafat na chhiiniiye
rahtaa huuN maHv apne KhayaaloN meN har ghaRii
mujh se taKhaiyulaat kii daulat na chhiiniiye

[Shummu]

wah wah bahut khoob... aap ka qitaa bahut pasand aaya..daad haazir hai hashmat sahab :)