Lafz par ashaar#26--aatish/aaG

Jibraan Khalil · Post by **Jibraan Khalil** » Mon Feb 20, 2006 8:39 pm

aatish e zehn ko yuN bujhane laage
log apne gharoN ko jalaane laage
Saleh

Abdullah Nazir · Post by **Abdullah Nazir** » Tue Feb 21, 2006 5:51 pm

door houjaayengi tere dil kii saari ranjisheN

jab mire aansoo girenge aatiswh-e-rukhsaar per.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Feb 22, 2006 2:01 am

pyaar kii aag meiN jal jaaye nah dunyaa meri

jab tiri yaad bhi aaye tou ghazal houti hei.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Feb 22, 2006 2:25 am

waaqif heiN apni aatish-e-zakhm-e-jagar se ham

karte heiN Haal-e-dil jo bayaaN chashm-e-ter se ham.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Thu Feb 23, 2006 8:43 pm

aatish-e-rang se phoolaoN kaa dai'haknaa dekhou

mausam-e-gul meiN parindaoN kaa chai'haknaa dekho.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sat Feb 25, 2006 2:37 am

ik shoAla-e-aatish hei yaa rang-e-gulistaaN hei

ab mujhko yaqeeN aayaa yeh faSl-e-bahaaraaN hei.

Nazir.

Abdullah Nazir · Post by **Abdullah Nazir** » Sun Feb 26, 2006 7:01 pm

ThoukareN khaake bhi aayaa nah sanbhalnaa mujhko

jaane kab tak hei isi aag meiN jalnaa mujhko.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Fri Mar 03, 2006 1:37 am

aag lagti hei tou lag jaaye zamaane bhar ko

Harf aane nahiN paaye tire rukhsaaraoN per.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Fri Mar 03, 2006 4:12 pm

Lab-e-laAleeN se wo jab aag lagaane aayaa

bijliyaaN dil ke nasheman pe giraane aayaa.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun Mar 05, 2006 3:58 am

khirman-e-dil ko mire aag lagaane waale

yeh bhii souchaa keh miri jaan pah kyaa guzregi.

Shaayer: Abdullah Nazir.

Nazir.

ummassad · Post by **ummassad** » Mon Mar 06, 2006 6:55 am

aatish parast kahte hyn aahle jahan mujae
sirgram naala hya sharerbar dekh ker

Abdullah Nazir · Post by **Abdullah Nazir** » Fri Mar 10, 2006 3:44 am

kyaa kyaa nah joush-e-aatish-e-taar-e-nafas rahaa

meHboob-e-Heelah-joo ko jafaa kaar dekhkar.

Shaayer: Abdullah Nazir.

Nazir.