Alif se shuroo hone waale ashaar yahaN post kareiN

Post by **najma** » Thu Apr 28, 2005 6:32 pm

aah ko chaahiye ik umr asar hone tak
kaun jiitaa hay tirii zulf ke sar hone tak
Ghalib

Post by **Hashmat Usmani** » Thu Apr 28, 2005 8:16 pm

ab iraadoN pe bharosa hai, na taubaa pe yaqiiN
mujhko le jaaye kahaaN tashna_labii shaam ke ba'd

Krishn "Adeeb"

Post by **najma** » Thu Apr 28, 2005 8:24 pm

abr-e-reHmat tha ke thi ishq ki bijlee yaarab
jal gayee mizra-e-hasti, tu ugaa dana-e-dil

Post by **Hashmat Usmani** » Thu Apr 28, 2005 8:39 pm

ek be_kasii hai hijr ke maaroN ke saath_saath
TuuTaa hai meraa dil bhii sahaaroN ke saath_saath

YaHya Jasdanwala

Post by **najma** » Thu Apr 28, 2005 8:48 pm

andhere meiN ujale ka nishaaN haiN
ye jugnuu aaftaaboN se baRe haiN
bakhsh

Post by **Hashmat Usmani** » Thu Apr 28, 2005 8:51 pm

aise mausam bhii guzaare ham ne
subHeN jab apnii thiiN, shaameN uskii

Parveen Shaakir

Post by **najma** » Thu Apr 28, 2005 10:30 pm

ek saahil hi tha girdaab-e-shinaasaa pehle
ab to har dil ke safeene meiN bhanwar lagta hay
bakhsh lyalpurii

Post by **Hashmat Usmani** » Fri Apr 29, 2005 12:44 am

apne chehre se zulfeN haTaa diijiye
aur phir chaand kaa saamnaa kiijiye

Waajida Tabassum

Post by **najma** » Fri Apr 29, 2005 12:47 am

us adaalat ke kaTehre meiN khaRe haiN ham , jahaaN
nutq-e-goyaaee tarastaa hay bayaanoN ke liye
''bakhsh lyalpuree''

Post by **Hashmat Usmani** » Fri Apr 29, 2005 12:57 am

ab ke tajdiid-e-vafaa kaa nahiiN imkaaN jaanaaN
yaad kia tujh ko dilaayeN teraa paimaaN jaanaaN

AHmad Faraaz

Post by **najma** » Fri Apr 29, 2005 12:59 am

ek saahil hi tha girdaab shinaasaa pehle
ab to har dil ke safeene meiN bhaNwar lagta hay

Post by **Hashmat Usmani** » Fri Apr 29, 2005 1:14 am

apne diivaan ko galiyoN meN liye phirtaa huuN
hai koii jo hunar-e-zaKhm_numaaii le le?

AHmad Faraaz

Post by **najma** » Fri Apr 29, 2005 1:57 am

aataa hay khauf mujhko ab har naey qadam par
sir se utaarrooN kyuuNkar pushtaara laGhzishoN ka
khawar qureshi

Post by **najma** » Fri Apr 29, 2005 2:05 am

apnoN ne bhi na-jane kyuuN ajnabi hi samjha
esa bhi mujh pe guzra waqt aazmaaishoN ka
khawar qureshi

Post by **Hashmat Usmani** » Fri Apr 29, 2005 2:15 am

us ke zaKhm chhupaa kar rakhiye, Khud us shaKhs kii nazaroN se
us se kaisaa shikvaa kiije, vo to abhii naadaan huaa

MoHsin Naqvii