Alif se shuroo hone waale ashaar yahaN post kareiN

Post by **Mahtab Qadr** » Sun Apr 24, 2005 12:21 pm

Najma sahiba ki tajveez aur Hashmat sahib ki tayeed sath hi sara ji ka approval in sab ke baad takheer ke baghair ye nai link shuroo ki jarahi hai. is se aik faida ye hoga ke bait bazi ke shayeqeen bhi mustafeeed ho sakeiN ge .
shukria
Mahtab Qadr

Post by **najma** » Sun Apr 24, 2005 1:05 pm

bohat shukriya mahtab qadr sahib!
ab aap sab ki ijazat se maiN hi ibtida karooN?

''ek arz hay, keh agar shaair kaa naam maa,loom ho to plz she,r ke saath zaroor likhye ga''

us adaalat ke kaTehre meiN khaRe haiN ham , jahaaN
nutq-e-goyaaee tarastaa hay bayaanoN ke liye
''bakhsh lyalpuree''

Post by **Mahtab Qadr** » Sun Apr 24, 2005 4:36 pm

Alif se Allah aur shuroo karte haiN ham Allah ke naam se ,

ALLAH re is daur e siaasat ke karishmay
is daur mai insaan ko insaan ka dar hai (shabnam)

Abdullah Nazir · Post by **Abdullah Nazir** » Sun Apr 24, 2005 10:08 pm

Aadami vo hei jo apnaye muHabbat kii ravish

varnah dunyaa meiN hazarouN heiN bhaTakne waale.

Nazir.

Post by **Hashmat Usmani** » Sun Apr 24, 2005 10:11 pm

salaam Mahtaab saaHib aur Hamsheerah Najma saaHiba,

shukria janaab is naii laRii ke kholne kaa. merii taraf se pahla she'r pesh e Khidmat hai:

aatii hai kis taraH se merii qabz-e-ruuh ko
dekhuuN to maut DhuuNDh rahii hai bahaana kia!

Haidar Ali "Aatish"

Post by **najma** » Sun Apr 24, 2005 11:33 pm

agar cheh koo-e-sitam meiN ham aas-paas rahay
maiN un ki aur wo merii pukaar sun na sakay
-------bakhsh lyapurii--------

Post by **Hashmat Usmani** » Mon Apr 25, 2005 12:54 am

unhiiN ke 'ishq meN ham naala_o_fariiyaad karte haiN
Elaahii! dekhiye, kis din hameN vo yaad karte haiN

Haidar Ali "Aatish"

Post by **najma** » Mon Apr 25, 2005 1:00 am

ab sir-nigooN wo turrah-o-dastaar to huey
jinko baRa hi naaz tha qadd-aawarii pe BAKHSH
bakhsh lyalpurii

Post by **Hashmat Usmani** » Mon Apr 25, 2005 1:03 am

aalaam-e-roz_gaar ko asaaN banaa diyaa
jo Gham huaa, use Gham-e-jaanaaN banaa diyaa

AsGhar GoNDvii

Post by **najma** » Mon Apr 25, 2005 1:05 am

andhere meiN ujaale ka nishaaN haiN
ye jugnuu aaftaaboN se baRe haiN
bakhsh lyalpurii

Post by **Hashmat Usmani** » Mon Apr 25, 2005 1:14 am

ik tum k dil meN dard kisii Ghai'r ke liye
ik ham k dard ban gaye Khud aap ke liye

'Azra 'Aadil Rasheed

Post by **najma** » Mon Apr 25, 2005 2:16 am

uKharR gaee haiN tanaabeN sitam ke khaimoN kii
ulaT gaee hay bisaat-e-hasab nasab kab se

Post by **Hashmat Usmani** » Mon Apr 25, 2005 3:31 am

aaj kia dekhaa KhalaaoN ke sunehre Khowaab meN
reg_zaaroN ke sivaa kuchh bhii nahiiN mahtaab meN

Prem Warbartoni

Post by **Hashmat Usmani** » Mon Apr 25, 2005 4:00 am

ab kii kuchh aisii sajii meHfil-e-yaaraaN jaanaaN
sar-ba-zaanuu hai koii sar-ba-girebaaN jaanaaN

AHmad Faraaz

Post by **Hashmat Usmani** » Mon Apr 25, 2005 4:13 am

aaiina dekhuuN to ik chehre ke be-rang nuquush
ek naa_diiddaa sii zanjiir meN kaste jaayeN

Ummeed Faazlii

Alif se shuroo hone waale ashaar yahaN post kareiN

Alif se shuroo hone waale ashaar yahaN post kareiN

Alif se Allah

alif