Shair ka jawab shair main dejeye

Post by **PK Swami** » Wed Jul 13, 2005 1:24 am

aaNsoo rawaaN haiN zulf.e siyaH ke khayaal meiN
moTee piro rahaa hooN tere baal baal meiN

PK Swami

Post by **Hashmat Usmani** » Wed Jul 13, 2005 2:14 am

jab zabt-e-Gham dil pe na, jaanaaN! koii rahaa
motii sajaa liye haiN sar-e-mizgaaN kabhiikabhii

A'ijaaz Aslam

Post by **PK Swami** » Wed Jul 13, 2005 6:02 pm

ye bhegee bhegee fijaa.e gulshan, tamaam maaHol shabnamee saa
lipaT ke royaa hai raat pholooN se, koi dewanaawaar shayad !

PK Swami

Post by **Hashmat Usmani** » Wed Jul 13, 2005 6:59 pm

dil ke sehraa meN koii aas kaa jugnuu bhii nahiiN
itnaa royaa huuN k ab aaNkh meN aaNsuu bhii nahiiN

Noor Bijnaurii

RAUSHNEE · Post by **RAUSHNEE** » Fri Jul 15, 2005 9:39 pm

dil he tu hai na sang-0-khisht dard say bhar na aye kiyon
royen gay hum hazar bar koii hamein sateye kiyon ?

Post by **PK Swami** » Sun Jul 17, 2005 4:25 pm

dil kee bahaar kyaa hai, gham se figaar honaa
zakhm.e jigar ke gul ko, hajat naheeN rafoo kee

PK swami

Abdullah Nazir · Post by **Abdullah Nazir** » Mon Jul 18, 2005 3:58 am

ik zakhm hei rafugar, saAy-e-rafoo hou jiski

seena hei saaraa chalni, meHboob ke karam se.

Nazir.

RAUSHNEE · Post by **RAUSHNEE** » Sat Jul 23, 2005 10:28 pm

ahad-e-vafaa aur tark-e-muhabbat jo chaaho so aap karo
apane bas kii baat hii kyaa hai, hamase kyaa manavaaoge

Post by **Hashmat Usmani** » Tue Jul 26, 2005 2:51 am

kahaa thaa kis ne ke aHd-e-vafaa karo us se
jo yuuN kiyaa hai to phir kiuN gilaa karo us se

AHmad Faraaz

Post by **PK Swami** » Tue Jul 26, 2005 5:01 pm

haram se nikle talaashe buT meiN,buToN se yaad.e khudaa pe bigRee
garaz ham aawaara.e vafaa haiN, kaheeN hamaraa guzar naheeN hai

Naatiq

PK swami

RAUSHNEE · Post by **RAUSHNEE** » Tue Jul 26, 2005 9:37 pm

Hamnasheen kehta hai kuch parwa nahi mazhab gaya
mein yeh kehta hon bhai yeh gaya tu sub gaaya

Post by **Hashmat Usmani** » Wed Jul 27, 2005 1:46 am

"Meer" ke deen_o_mazhab ko kia poochhte ho, unne to
qashqa khaiNchaa, dai'r emN baiThaa, kab kaa tark-e-islaam kiyaa

Meer Taqii "Meer"

RAUSHNEE · Post by **RAUSHNEE** » Wed Jul 27, 2005 1:14 pm

tarraqee ki nayi rahein jo zer-e-asman niklein
mian masjid say niklay aur haram say bibiyan niklein

Post by **Hashmat Usmani** » Thu Jul 28, 2005 1:55 am

RAUSHNEE wrote:tarraqee ki nayi rahein jo zer-e-asman niklein
mian masjid say niklay aur haram say bibiyan niklein

waah Raush, waah! bahot Khoob she'r raqam kiyaa hai...kiska hai? Akbar Allahabadi ka?

be_parda kal jo nazar aayiiN chand bibiyaaN
"Akbar" Ghairat-e-qaumii se zamiiN meN gaR gayaa
poochhaa jo un se aapkaa pardaa vo kia huaa
kahne lagiiN ki 'aql pe mardoN ke paR gayaa

RAUSHNEE · Post by **RAUSHNEE** » Fri Jul 29, 2005 12:34 pm

Hashmat Usmani wrote:
RAUSHNEE wrote:tarraqee ki nayi rahein jo zer-e-asman niklein
mian masjid say niklay aur haram say bibiyan niklein
waah Raush, waah! bahot Khoob she'r raqam kiyaa hai...kiska hai? Akbar Allahabadi ka?

be_parda kal jo nazar aayiiN chand bibiyaaN
"Akbar" Ghairat-e-qaumii se zamiiN meN gaR gayaa
poochhaa jo un se aapkaa pardaa vo kia huaa
kahne lagiiN ki 'aql pe mardoN ke paR gayaa

jee jee ! Bilkul AA ka he hai aur mazay ki baat yeh k is k baad mere zehan mein wohi sher tha jo aap nay likha

yeh sunyee

Najanay kaisee batein hain hum aurto'on kay PaRday mein
kabhee Akbar Sher kehtay hain Kabhi Haali ji Ghabrat hain
Dor-e-Akbar laut ayaa iss TEEN Saal kay arsay mein
Pehlay hum Parda chornay say ab kernay say sharmatay hain

Teen saal refers to the intial three years of Our Dear Parvez Musharraf !

Shair ka jawab shair main dejeye

javaab