Apni aek taazah ghazal jo "Sauti Mushaai'ra" maiN paRhee thee, le kar Haazir-e-khidmat howaa hoN , is umeed k saath k asaatiza-e-kiraam ki raaye se bahut kuch seekhne ko meleyga aur deegar sukhan-nawaaz aHbaab ki raaye , khaak nisheeN k HoSle mazeed baRhaa degee!! ;) . shukriya.
:: Urdu Version ::
:: Roman Version ::
1.
Jaane lafzoN maiN chhupe hoNge khazaane kitne
Aek hi baat k bante haiN fasaane kitne !!
2.
Sunte sunte hi kaheN u'mr na hojaaye tamaam!
Aate aate tumheN aaye haiN bahaane kitne !!
3.
Chashm-e-qaatil ! mire raqSeeda tabassum maiN nihaaN
Nazar aaye the tujhe phool suhaane kitne ?? 8)
4.
Aye rawaaN waqt ! agar maiN tire hamraah chaloN
Miree aaNkhoN maiN samaayeNge zamaane kitne??
5.
Mire qaaSid ! tu zaraa pooch k aa kalyoN se
Waaqe'ee unko sunaaye haiN Sabaa ne kitne ??
6.
Aah aye gulshan-e-jaanaaN tumhe ma'loom nahiN
Gaaye haiN dil ne judaaii maiN taraane kitne !!
7.
Raat bhar mere sitamgar ne gine haiN taarey !!
Zakhm , dil aur jigar par haiN sajaane kitne !! 8)
8.
Jaate jaate mujhe itnaa to bataade jaanaaN !!
ChaaheyeN tujh ko bhulaane maiN zamaane kitne ??
9.
Basm-e-chashm-o-dil-e-bismil ki kahoN kyaa pyaare ?
Jaane kab raNg bhare , gul maiN, hawaa ne kitne !! 8)
aur ab maqta' shareef ;)
10.
ChaaNd taare bhi :Zia: k haiN shanaasaa kab se !! 8)
Hai khabar sab ko, magar koi na jaane kitne! :smt102
mokhliS : Zia Baloch 8)
Dikhaadi shaan, phir ahl-e-chaman ko, Be-niyaazi ki
Khamoshi se jhatak kar, aaj phir, dast-e-sabaa maiN ne
aap kee yeh ghazal "Sauti Mushaai'ra" meN sunni thee bohat pasand aaya thaa. Uss kee daad paishkarnaa baaqi thee so iss waqt qubool keejiye :)
Bilashubaa bohat khoob takhleeq hai aap kee. har she'r per meree zati aaraa paish-e-khidmat hai zaroori naheiN ke jo baat meN likh rahi hooN voh saahee bhi ho kam-ilmi meN yeh bhi baRa azaab hota hai ke aasaan see baat mushkil se samajh aati hai. shayed ke aap agar inn kee wazahat kar daiN tu mujhe aasaan maloom hooN, khair
1.
Jaane lafzoN maiN chhupe hoNge khazaane kitne
Aek hi baat k bante haiN fasaane kitne !!
yeh she'r kuch uljah howa laga hai mujhe. pehla misrah aur dosrah misrah do alag baateN maloom ho rahi heN (shayed ke meree kam aglee kee wajah se aisa :? ...)
2.
Sunte sunte hi kaheN u'mr na hojaaye tamaam!
Aate aate tumheN aaye haiN bahaane kitne !!
wah wah bohat khoob
3.
Chashm-e-qaatil ! mire raqSeeda tabassum maiN nihaaN
Nazar aaye the tujhe phool suhaane kitne ?? 8)
Nice
4.
Aye rawaaN waqt ! agar maiN tire hamraah chaloN
Miree aaNkhoN maiN samaayeNge zamaane kitne??
Nehiyaat dilkash she'r hai yeh daad qubool keejiye. :)
5.
Mire qaaSid ! tu zaraa pooch k aa kalyoN se
Waaqe'ee unko sunaaye haiN Sabaa ne kitne ??
acha hai
6.
Aah aye gulshan-e-jaanaaN tumhe ma'loom nahiN
Gaaye haiN dil ne judaaii maiN taraane kitne !!
wah nice
7.
Raat bhar mere sitamgar ne gine haiN taarey !!
Zakhm , dil aur jigar par haiN sajaane kitne !! 8)
khayal acha hai lekin zabaan mujhe saaf maloom naheiN ho rahi :?
8.
Jaate jaate mujhe itnaa to bataade jaanaaN !!
ChaaheyeN tujh ko bhulaane maiN zamaane kitne ??
so nice
9.
Basm-e-chashm-o-dil-e-bismil ki kahoN kyaa pyaare ?
Jaane kab raNg bhare , gul maiN, hawaa ne kitne !! 8)
nice
aur ab maqta' shareef ;)
10.
ChaaNd taare bhi :Zia: k haiN shanaasaa kab se !! 8)
Hai khabar sab ko, magar koi na jaane kitne! :smt102
so good
ek kamiyaab kalam kee takhleeq per meree janib se dilee daad aur mubarakbaad qubool keejiye.
Khair andesh
Zahida Raees :Raji:
Meree sha'iree se mujhe jaan Lo
ke yeh aa'enaa hai meri zaat ka
(Raji)
zia baloch sahib
aoa
apka ye kalam sautii mushaairah mein aap k tarannum mein bhii suun k mehzooz huey, aur yahan bhi parh k maza aya. :D
bohat khoob
daad wusool kijiyey
MA SHA ALLAH buhut hi umda kalam irshad farmaya hay . daad kay leye meray pass alfaz nahi hein ...her sher aur her lafz nehat khubsoorat , moqa o mehel ke munasbat say perfect..bila shuba yeh takhleeq qabl e sataesh hay .. ALLAH KERAY ZOOR E QALAM AUR ZIADA