Lafz par ashaar#29-"PARDA/CHILMAN/GHOONGHAT"

[Shummu]

dekhe baGair haal ye hai iztiraab kaa
kyaa jaane kyaa ho pardaa jo uTThe naqaab kaa

[Abdullah Nazir]

Pardah poushi be-sabab hei kis liye

raaz chup saktaa hei kyaa hamraaz se.

Shaayer: Abdullah Nazir.


Nazir.

[ummassad]

saaf chupty bhi nahi saamne aaty bhi nahi

khoob parda hay kh chilman se lagey baithey hain

[Abdullah Nazir]

parda-e-khalwat meiN wo chupte rahenge kab talak

aek din bezaar houkar baam per aajaayhenge.

Shaayer: Abdullah Nazir.


Nazir.

[Abdullah Nazir]

maiN ne jab parda-e-alfaaz meiN menzoom kiya

baat thii dil ki magar ban gayi rangeen ghazal.

Shaayer: Abdullah Nazir.


Nazir.

[Shummu]

un kaa aaNchal hai k ruKhsaar k pairaahan hai
kuChh to hai jis se huii jaatii hai chilman raNgeeN (Faiz)

[Abdullah Nazir]

chaand sa chehrah ho yaa daaman-e-rangeeN uskaa

pardah karne peh bhi houjaati hei Soorat zaahir.

Shaayer: Abdullah Nazir.


Nazir.

[Abdullah Nazir]

pardah haTte hi nazar aayi jo unki Soorat

yuN lagaa kaund gayi barq mire khirman per.

Shaayer: Abdullah Nazir.


Nazir.

[Shummu]

jii mein aataa hai ki dein parde se parde kaa javaab
ham se vo pardaa karein duniyaa se ham pardaa karein

[Abdullah Nazir]

[colr=blue]


pas-e-chilman bhi rehkar kab the ghaayib tum nigaahaoN se

dikhaate ho jo ab naazo o adaa se apni Soorat yooN.

Shaayher: Nazir.

[/color]
Nazir.

[zmufti]

parde parde me.n aataab achchhe nahii.n
aise a.ndaaz-e-hijaab achchhe nahii.n

[zmufti]

Khud dil me.n rah ke aa.Nkh se pardaa kare ko_ii
haa.N lutf jab hai paake bhii Dhuu.NDhaa kare ko_ii

[zmufti]

aariz-e-shaam kii surKhii ne kiyaa faash use
pardaa-e-abr me.n thaa aag lagaane vaalaa

[Abdullah Nazir]

tuu pas-e-pardah ho yaa phir pas-e-chilman ho nihaaN

dekh letaa hooN tujhe apne dhaRakte dil meiN.

Shaayer: Abdullah Nazir.


Nazir.

[ummassad]

na hoti ger khudi hum main tu jo tuu tha wahi hum they
yeh parda kisliye dala hy yarab darmian tuu ne