nok-e-mizhgaaaN peh......

[tahira Masood]

sabki khidmat meN salaam

aik taazah tereen ghazal pesh-e-khidmat hai

apnee qeemti aara se zaroor nawaaziye gaa

wassalam





1- nok-e-mizhgaaN peh jo ubheray heN giraa dau inko
es baghaawat ki kaRee aik sazaa dau inko

2- khoon-e-dil per yeh umaDte hi chalay aatay heN
ko'ee t'Azeer anokhee si sunaa dau inko

3- inkaa izhaar bheee ik t'anah kahiN bann jaaey
haath ki pusht se yak lakht miTaa dau inko

4-Zabt gar ho nah saky bar sar-e-meHfil jo kabhee
tum tabassum ki rdaaoN meN chupaa dau inko

5- qadr inkee nahiN es duniya k eewaanoN meN
ho sake tau kabhee sajdoN meN sajaa dau inko

6-seer -HaaSil jo baSeerat ki talab ho tumko
Khaak-e-taibah k zarroN peh lutaa dau inko

7- inkee qeemat nahiN kuch duniya k baazaroN meN
aik taajar hai khareedaar bataa dau inko

8- ashk woh aab keh jo aab-e-shifaa eSyaaN ko
daagh dhone ko gunaahoN k behaa dau inko

[Abdullah Nazir]

MuHtaramah
Tahirah Masood SaaHibah,

PurkhulooS Tasleemaat,

Aapki is ghazal se meri nazar kaise chook gayi patah nahiN. Aaj hi nazar paRi to mukhtaSar se tabSireh ke saath HaaZir hougayaa hooN.

1- Ghazal ke saare ashAar beHr meiN heiN.
2- Lafz "inko" jo aansuwaoN ki Taraf ishaarah karrahaa hei usko baAz ashAar meiN ghazal ke doosre ashAar ke tanaazur meiN smajhne ki Zaroorat pesh aarahi hei.
3- TafSeeli TabSireh ki Zaroorat hei jisko maiN doosre aHbaab per chouRtaa hooN.

Ghazal laayiq-e-daad o teHseen hei. Meri dili daad aur mubaarakbaad qubool farmaayiye.


Aapka MukhliS,
Nazir.

[tahira Masood]

MuHtaramah
Tahirah Masood SaaHibah,

PurkhulooS Tasleemaat,

Aapki is ghazal se meri nazar kaise chook gayi patah nahiN. Aaj hi nazar paRi to mukhtaSar se tabSireh ke saath HaaZir hougayaa hooN.

1- Ghazal ke saare ashAar beHr meiN heiN.
2- Lafz "inko" jo aansuwaoN ki Taraf ishaarah karrahaa hei usko baAz ashAar meiN ghazal ke doosre ashAar ke tanaazur meiN smajhne ki Zaroorat pesh aarahi hei.
3- TafSeeli TabSireh ki Zaroorat hei jisko maiN doosre aHbaab per chouRtaa hooN.

Ghazal laayiq-e-daad o teHseen hei. Meri dili daad aur mubaarakbaad qubool farmaayiye.


Aapka MukhliS,
Nazir.

moHteram mukarram Abdullah Naazir Saheb

assalamo alaikum w.w

aap kaa yeh mukhtaSir tabsirah dekhaa yaqeen kereN keh beHad khushee huee

aap ne jis teraH meri HuSlah afza'ee fermaa'ee hai woh qaabil-e-sad teHseen hai. shyekriyah mehrbaani

maire paas alfaaz nahiN keh men shukleriyah adaa ker sakoN

dil se mamnoon hoN

Jazkomullaho Khairaa

Khush raheN

wassalam

[tahira Masood]

Tahira ji,

daad qubool keejiye

sara

shukeriyah Sara jee