Ek Ghazal:Gham ki ta'beer mein umr saari gayee

[Shafeeq]

Ehl-e-Bazm,aadab.ek ghazal pesh-e- khidmat mein hain. Mulahiza farmayen


Gham ki tabeer mein umr saari gayee
Is tarah zindagani sanwari gayee

Zulf-o-rukhsar ka faiz jaari raha
Din bitaya gaya ,shab guzari gayee

Uski aankhon ke saaghar bhi chhalke nahin
Ek arsa hua baadakhwari gayee

Door mehfil mein hum se woh baithe rahe
Khoob izzat hamari utaari gayee

Zindagi bhar Shafeeq iska matam raha
De ke dhoka jo baad-e-bahari gayee

Shafeeq Ahmed
Post Box: 174
G.P.O.
Hyderabad - 500 001
INDIA

[Abdullah Nazir]

MuHtarami
Shafeeq SaaHib,

Tasleemaat,

Aapki yeh ghazal pasand aayi jiske liye meri daad aur mubaarakbaad qubool farmaayiye.

Khair andesh,
Nazir.