naazuk khayaliyaaN

[tahira Masood]

tasleemaat

aik choti si beHr meN choti si koshish Haazir-e-khidmat hai

ger qabuul uftad ....

aap ki aara ki muntazir

Tahira



apnee naazuk khayaaliyaaN nah ga'eeN
fitartee laa ubaaliyaaN nah ga'ee

un kee es qader dil pazeeri per
apnee aashuftah HaaliyaaN nah ga'eeN

HusN ki khush jamaaliyaaN heN wahee
ishq ki laa zawaaliyaaN nah ga''eeN

ikk zamaane k ba'd bhee ab tak
apnee aadat niraaliyaaN nah ga'eeN

ham nawaa woh baneiN tau jaaneiN ham
s'aee-e-paiham yeh khaaliyaaN nah gaeeN

[Abdullah Nazir]

MuHtaramah
Tahira Masood Saahibah,

Tasleemaat,

Aapki ghazal pasand aayi jiske liye meri daad aur mubaarakbaad qubool farmaayiye.

khair andesh,
Nazir.