PASANDEEDA ASH,AAR

Abdullah Nazir · Post by **Abdullah Nazir** » Sun Jul 09, 2006 2:37 pm

"shaam se taa SubH neend aayi nah ik dam tujh baghair

aag naalaoN ne lagaayi, ashk ne ToofaaN kiyaa."

Shayer: Haider Ali aatish

Nazir.

Sun Jul 09, 2006 10:38 pm

mareeZ^-e-Gham peh ek aesee bhee shaam aatee hai
keh charah gar ko ummeed-e-seHer naheeN rehtee.

Qamar Jalalwi.

Abdullah Nazir · Post by **Abdullah Nazir** » Fri Jul 14, 2006 7:03 am

"jaaNbalab rakhtaa hei ik rashk-e-maseeHaa kaa firaaq

dam nikal jaawe yeh Haalat hei hamaari in dinaoN".

Shaayer: Haali

Nazir.

Sat Jul 15, 2006 2:55 pm

bhaNwar kee zad se to ham qaes bach hee nikle the
par aek shakhs hameeN saHilooN peh bar geya.

saeed qaes

Abdullah Nazir · Post by **Abdullah Nazir** » Sun Jul 16, 2006 3:20 am

"bousa-e-chashm=e=ghazaalaaN mujhe yaad aate heiN

nahiN bhoolaa maiN mazah maiwa-e-SeHraayhi kaa".

Shaayer: Haider Ali :aatish:

Nazir.

Abdullah Nazir · Post by **Abdullah Nazir** » Wed Jul 19, 2006 8:51 am

"galaa kaTwaa maze le leke ai dil phir kahaN yeh din

kabhi gardan hou khanjar per kabhi khanjar ho gardan per".

Shaayer: ameer Meenayi

Nazir.

Abdullah Nazir · Post by **Abdullah Nazir** » Tue Jul 25, 2006 6:11 am

"roThkar milne jo jaataa hooN tou kahtaa hei wo shoukh

kal khafaa tum thay mizaaj aaj hei naasaaz apna".

Shaayer: Haider Ali aatish

Nazir.

Post by **zmufti** » Wed Jul 26, 2006 7:14 pm

shoq barehna~pa chalta tha aur raste pathreele the
ghiste ghiste ghis gaye aakhir kankar jo nokeele the

Abdullah Nazir · Post by **Abdullah Nazir** » Thu Jul 27, 2006 1:54 pm

"kis TaraH tum se nah maangeN tumheeN inSaaf karo

bousah lene kaa sazaawaar dahan hei kis kaa".

Shaayer: Haider Ali :aatish:

Nazir.

Sat Jul 29, 2006 4:23 pm

mareeZ^-e-Gham peh ik aesee bhee shaam aatee hai Qamar
keh chaarah gar ko ummeed-e-seHer naheeN rehtee.

Qamar Jalalwi marHoom

hassan_bashir · Post by **hassan_bashir** » Mon Jul 31, 2006 1:00 pm

diimak lagii luGhat se Khafaa ho ke eik din?!
mafhuum kii talaash meiN alfaaz jaayeN ge!!

hassan_bashir · Post by **hassan_bashir** » Sat Aug 05, 2006 10:11 am

koee vaada nahiN kiyaa lekin kyuN tira inteZaar rehtaa hai
be-vajah jab qaraar miil jaaye dil baRaa be-qaraar rehtaa hai

Post by **zmufti** » Sat Aug 05, 2006 6:47 pm

vo muddatoN ki judaaii ke ba'ad ham se milla
to is tarah se keh ab ham guraiz karne lage

Abdullah Nazir · Post by **Abdullah Nazir** » Sun Aug 06, 2006 4:27 am

Lage monH bhee chiRaane dete dete gaaliyaaN SaaHib

zubaaN bigRi tou bigRi thee khabar leeje dahan bigRaa.

Shaayer: Haider Ali :aatish:

Nazir.

Post by **zmufti** » Mon Aug 07, 2006 5:48 am

ik Khalish ko haasil-e-umr-e-ravaa.N rahane diyaa
jaan kar ham ne unhe.n naameharabaa.N rahane diyaa