"Jawaid Badauni" ke baare meN kahooN kya..........

Kuhnah mashq ShoAraa kaa kalaam jo beHr meiN hounaa zaroori hei

Moderator: Muzaffar Ahmad Muzaffar

Post Reply
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

"Jawaid Badauni" ke baare meN kahooN kya..........

Post by jawaid badauni »

Dosto! Salam

Bazm-e-ehbaab (stanvir.com) ke mahana tarahee Mushaaireh
ke liye Ahmed Nadeem Qasmi SaHab marHoom ka ek miSra batur
tarah tajveez kiya gaya hai. Azeezi Amjad SaHab ka israar tha keh
main bhi is mushaaireh meN shirkat karooN. Kuch TooTe-phooTe sher
kah liye haiN jo aap ki nazr haiN. Ummid hai himmat afzaaii farmaiyeNge.

Aapka MuKhliS

Jawaid Badauni
------------------------------------------------------------------------



kuch apni zubaaN se nah kahooNga na kaha ha
Gam phir bhee zamaney se chhupega nah chhupaa haii


mujrim tiree qismat meN baharHaal sazaa hai
kahte haiN keh anjaam booraayee ka boora hai


duniya meN machaa dega qayamat ki tabaahee
sunte haiN keh Toofaan Khamoshee se uTha hai


ya Rub nah juda ho kabhee dard.e Gam.e jaanaaN
hum jaise mareeZoN ki yahee dard dawaa hai


hum logoN ki tableeG bhi Geebat bhee kare hai
waaiiz tira anjam jazaa hai keh sazaa hai ?


insaan ko insaan ki Soorat se nah jaano
jis ne bhi kahaa hai yeh bohat Khoob kahaa hai


yeh kaisa safeenah hai keh maujoN ko haraakar
aaya hai jo saHil peh to ab Doob rahaa hai


"Jawaid Badauni" ke baarey meN kahooN kya
ik SaaHib.e dil hai nah boora hai nah bhalaa hai
------------------------------------------------------------------
Top
Ibn-e-siddique
-
-
Posts: 219
Joined: Thu Dec 16, 2004 4:12 am
Location: Doha Qatar
Contact:
Contact Ibn-e-siddique

Post by Ibn-e-siddique »

moHtaram Jawaid Badayuni saHib

salaam arz hai

aap ki is ghazal per mehfil-e-sukhan mein to daad de hi chukaa hooN, yahaan per bhi daad Haazir hai , qubool farmaaiye.

darj-e-zail ash'aar khaas taur per meri tavajjoh ka markaz bane rahe :

kuch apni zubaaN se nah kahooNga na kaha ha
Gam phir bhee zamaney se chhupega nah chhupaa haii


duniya meN machaa dega qayamat ki tabaahee
sunte haiN keh Toofaan Khamoshee se uTha hai


ya Rub nah juda ho kabhee dard.e Gam.e jaanaaN
hum jaise mareeZoN ki yahee dard dawaa hai


insaan ko insaan ki Soorat se nah jaano
jis ne bhi kahaa hai yeh bohat Khoob kahaa hai


yeh kaisa safeenah hai jo maujoN ko haraakar
aaya hai jo saHil peh to ab Doob rahaa hai


"Jawaid Badauni" ke baarey meN kahooN kya
ik SaaHib.e dil hai nah boora hai nah bhalaa hai


bahot khoob janaab, maqta bhi bahot pasand aayaa. meri jaanib se daad Haazir hai, qubool farmaaiye

umeed hai isi taraH apne kalaam se in mushairoN ko raunaq bakhshte raheN ge

shukria

amjad
Mire ash'aar ae Iqbal kyuN pyaare na hoN mujhko
mire TooTe hue dil ke ye dard.angez naale haiN
Top
User avatar
Abdullah Nazir
-
-
Posts: 2681
Joined: Sat Dec 11, 2004 4:16 am
Location: Jeddah
Contact:
Contact Abdullah Nazir

Bahut khoob, waah waah

Post by Abdullah Nazir »


MuHtarami o Azeezi
Jawaid Badauni SaaHib,

PurkhulooS Tasleemaat,

Aapki yeh taazah takhleeq bahut pasand aayi jiske liye meri dili daad aur mubaarakbaad qubool farmaayiye.

Saare ashaar aapki mahaarat-e-sheAr o sukhan kaa muraqqaA heiN aur khaaS Taur per is sheAr ke kyaa kahne:

hum logoN ki tableeG bhi Geebat bhee kare hai
waaiiz tira anjam jazaa hai keh sazaa hai ?


Aapka MukhliS,
Nazir.
Last edited by Abdullah Nazir on Tue Aug 01, 2006 1:05 am, edited 3 times in total.
Image
Top
Muzaffar Ahmad Muzaffar
-
-
Posts: 1258
Joined: Sun Feb 12, 2006 1:40 pm
Location: London, England
Contact:
Contact Muzaffar Ahmad Muzaffar

aadaab!

Post by Muzaffar Ahmad Muzaffar »

moHtaram Jawaid Badauni SaHeb aadaab!

aap kee t^areHee Ghazal dekhee aor yaqeen kijiye bohot lut^f aaya.
mujhe jis she'er ne taRpa diya woh likhe deta hooN wese to sabhee asha'aar lae'q-e-teHseeN haiN. lekin is she'er meN bala ka aHsaam-e-namuradee aor dard ka zae'qah hai." yeh kesa safinah hai mojooN ko hara kar aaya hai jo saHil peh to ab Doob raha hai. lajawab hai.

meree janib se dad qubool kijiye.

wassalam
muz^affar
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Re: aadaab!

Post by jawaid badauni »

Muzaffar Ahmad Muzaffar wrote:
moHtaram Jawaid Badauni SaHeb aadaab!

aap kee t^areHee Ghazal dekhee aor yaqeen kijiye bohot lut^f aaya.
mujhe jis she'er ne taRpa diya woh likhe deta hooN wese to sabhee asha'aar lae'q-e-teHseeN haiN. lekin is she'er meN bala ka aHsaam-e-namuradee aor dard ka zae'qah hai." yeh kesa safinah hai mojooN ko hara kar aaya hai jo saHil peh to ab Doob raha hai. lajawab hai.

meree janib se dad qubool kijiye.

wassalam
muz^affar

Azeezee Muzaffar SaHab, Aadaab

Bohat din bAAd aap ne yaad kiya. Bohat Khooshee hoowee. Gazal ki pazeeraaii ke liye aapka mamnoon hooN.

Khoosh raheN!

Jawaid
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Re: Bahut khoob, waah waah

Post by jawaid badauni »

WEBMASTER wrote:
MuHtarami o Azeezi
Jawaid Badauni SaaHib,

PurkhulooS Tasleemaat,

Aapki yeh taazah takhleeq bahut pasand aayi jiske liye meri dili daad aur mubaarakbaad qubool farmaayiye.

Saare ashaar aapki mahaarat-e-sheAr o sukhan kaa muraqqaA heiN aur khaaS Taur per is sheAr ke kyaa kahne:

hum logoN ki tableeG bhi Geebat bhee kare hai
waaiiz tira anjam jazaa hai keh sazaa hai ?


Aapka MukhliS,
Nazir.
Mohtarmee Abdullah Nazir SaHab
Aadaab

Aap ne apni tamamtar maSroofiyaat ke bawojood meri nacheez Gazal ko paRha aur oose pasaNd bhi farmaya. Behud mamnoon hooN.

Aap ke Hukm ke muTabiq ab main ne Urdubandhan meN apna aana jaan baRha diya hai.

Khairandesh
Jawaid
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Ibn-e-siddique wrote:moHtaram Jawaid Badayuni saHib

salaam arz hai

aap ki is ghazal per mehfil-e-sukhan mein to daad de hi chukaa hooN, yahaan per bhi daad Haazir hai , qubool farmaaiye.

darj-e-zail ash'aar khaas taur per meri tavajjoh ka markaz bane rahe :

kuch apni zubaaN se nah kahooNga na kaha ha
Gam phir bhee zamaney se chhupega nah chhupaa haii


duniya meN machaa dega qayamat ki tabaahee
sunte haiN keh Toofaan Khamoshee se uTha hai


ya Rub nah juda ho kabhee dard.e Gam.e jaanaaN
hum jaise mareeZoN ki yahee dard dawaa hai


insaan ko insaan ki Soorat se nah jaano
jis ne bhi kahaa hai yeh bohat Khoob kahaa hai


yeh kaisa safeenah hai jo maujoN ko haraakar
aaya hai jo saHil peh to ab Doob rahaa hai


"Jawaid Badauni" ke baarey meN kahooN kya
ik SaaHib.e dil hai nah boora hai nah bhalaa hai


bahot khoob janaab, maqta bhi bahot pasand aayaa. meri jaanib se daad Haazir hai, qubool farmaaiye

umeed hai isi taraH apne kalaam se in mushairoN ko raunaq bakhshte raheN ge

shukria

amjad

Azeezi Amjad SaHab
Aadaab

Yeh Gazal maiN ne aap ki farmaaiish per hi kahee thee. Chund minute meN kahe gaye ashAAr haiN magar bilumoom logoN ne inheN pasaNd farmaya. Baat yeh hai is baar aap ne zameen hi bohat achchee tajweez ki thee. Is zameen meN ba aasaani umdah sher kahe ja sakte haiN.

Khair andesh
Jawaid
Top
User avatar
Mahtab Qadr
-
-
Posts: 559
Joined: Sun Dec 12, 2004 7:36 am
Location: Jeddah Saudi Arabia
Contact:
Contact Mahtab Qadr

Post by Mahtab Qadr »

Bahut khoob Jawaid Sahib. aapki ghazal pasand aai. shukria
Top
jawaid badauni
-
-
Posts: 810
Joined: Sat Jan 01, 2005 5:38 am
Contact:
Contact jawaid badauni

Post by jawaid badauni »

Mahtab Qadr wrote:Bahut khoob Jawaid Sahib. aapki ghazal pasand aai. shukria
Janab-e Aali

Aapke muKhtacar tareen tabsarey ke liye aap ka behud mamnoon hooN.

"Mujhe itna sahara kum nahiN hai." (Jiagr Moradabadi)

Khair andesh
Jawaid
Top
Post Reply

Return to “Kalaam-e-Sukhanwar”