Is Maah Ke shaayer Khawaja Mir Dard

[zmufti]

[zmufti]

[zmufti]

[hassan_bashir]

ham tujh se kis havas kii falak justajuu kareN
dil hii nahiiN rahaa hai jo kuchh aarazuu kareN


miT jaayeN ek aan meiN kasarat namayaaN
ham aaiine ke saamane aa kar jo huu kareN


taar-daamani pe sheiKh hamaarii na jaaiiyo
daaman nichoR deiN to farishte vazuu kareN


sar taa qadam zabaaN hai juuN shamaa go ke ham
par ye kahaaN majaal jo kuchh guftaguu kareN


har chaNd aaiinaa huuN par itanaa na qabuul
muuNh pher le vo jisake mujhe ruu-ba-ruu kareN


ne gul ko hai sabaat ne ham ko aitabaar
kis baat par chaman havas-e-rang-o-buu kareN


hai apanii ye salaah ke sab zahidaan-e-shahar
ai "Dard" aa ke bet-e-dast-e-sabuu kareN


~ Khwaja Mir Dard ~

[hassan_bashir]

tujhii ko jo yaaN jalwaa farmaa na dekhaa
baraabar hai duniyaa ko dekhaaa na dekhaa


meraa GhuNchaa-e-dil hai woh dil-girifataa
ke jis ko kaso ne kabhii waa na dekhaa


aziat, musibat, malaamat, balaayeN
tere ishq meiN ham ne kyaa kyaa na dekhaa


kiyaa mujh ko daaGhoN sarv-e-chiraaGaaN
kabho tu ne aakar tamaashaa na dekhaa


taGhaaful ne tere ye kuchh din dikhaaye
idhar tu ne lekin na dekhaa, na dekhaa


hijaab-e-ruKh-e-yaar the aap hii ham
khulii aa.Nkh jab, koii paradaa na dekhaa


shab-o-roz aye "Dard" darapaaii huuN us ke
kaso ne jise yaaN samajhaa na dekhaa


~ Khwaja Mir Dard ~

[hassan_bashir]

agar yoN hii ye dil sataataa rahegaa
to ik din meraa jii hii jaataa rahegaa


maiN jaataa huuN dil ko tere paas chhoRe
merii yaad tujhako dilaataa rahegaa


galii se terii dil ko le to chalaa huuN
maiN pahuNchuNga jab tak ye aataa rahegaa


qafas meiN koii tum se ai ham-safiiroN
Khabar kal kii hamako sunaataa rahegaa


Khafaa ho ki ai "Dard" mar to chalaa tuu
kahaaN tak Gham apanaa chhupaata rahegaa



~ Khwaja Mir Dard ~

[hassan_bashir]

jag meiN aakar idhar udhar dekhaa
tuu hii aayaa nazar jidhar dekhaa


jaan se ho gaye badan Khaalii
jis taraf tuune aaNkh bhar ke dekhaa


naalaa fariyaad aah aur zaarii
aap se ho sakaa so kar dekhaa


un laboN ne kii na masihaaii
ham ne sau -sau tarah se mar dekhaa


zor aashiq mizaaj hai koii
"Dard" ko qisaa-e-muKhtasar dekhaa


~ Khwaja Mir Dard ~