"pyaar karna seekhlay"taaza tarhi ghazal pesh hai

[haamidbaaqri]

salaamun alaikum
dosto

aaj shaam bangalore mei.n (mahfilay husne talab) ka maahaana tarhi mushaira honay jaaraha hai

micra hai "maikaday mei.n gham na kar thodi si peena seekhlay"

hum apni adna kaavish pahlay aapse share kar rahay hai.n

umeed hai pasand farmaaye.nge

arz kiya hai.....

bhaai mere mushkilo.n mei.n hanskay jeena seekhlay
chaahta hai phool tau kaanto.n peh chalna seekhlay

aag nafrat ki hai bhadki jal rahee hai.n bastiyaa.n
ghar base.nge pyaar say too pyaar karna seekhlay

tujh mei.n gar insaaniyyat hai tod mat insaa.n ka dil
doosro.n per aaj say tu rahm karna sekhlay

badhtay hai.n gham mayekashee say phir bhi kyu.n kehtay hai.n log
"maikaday mei.n gham nah kar thodi si peena seekhlay

aye mire haamid mire pyare mohammed kay ghulaam
mai buri hai is buraayee say tu ladna seekhlay

nateejaye fikr
haamidbaaqri
al hamdulillah

[Abdullah Nazir]

[size-18]
MuHtarami
Haamid Baaqri SaaHib,

PurkhulooS Tasleemaat,

Aapki yeh TaraHi ghazal aapke makhSooS rang meiN baut khoobSoorat lagi jiske liye meri dili daad aur mubaarakbaad qubool farmaayiye.


Aapka MukhliS,
Nazir.
[/size]

[haamidbaaqri]

[size-18]
MuHtarami
Haamid Baaqri SaaHib,

PurkhulooS Tasleemaat,

Aapki yeh TaraHi ghazal aapke makhSooS rang meiN baut khoobSoorat lagi jiske liye meri dili daad aur mubaarakbaad qubool farmaayiye.


Aapka MukhliS,
Nazir.
[/size]

mohtaram abdullah nazir saahib
salaamun alaikum

aapki musalsal hausalah afzaayee hamaare liye bahut muaani rakhtee hai.

jazakallah

aapki mukhlisaanah daad aur mubaarakbaad ke hum behad shukrguzaar hai.n

salaamat rahe.n
aapka mukhlis
haamidbaaqri