PASANDEEDA ASH,AAR

Post by **Daanish** » Mon Aug 14, 2006 1:48 am

aata hai jab chaman meiN naazuk nihaal mera
har shaaKh-e-gul ne apne sar ko jhuka diya--Mus'Hafi

Post by **Daanish** » Mon Aug 14, 2006 1:54 pm

har dum fuzooN haiN kaj_rawiyaaN rozgaar ki
kuchh seekhta chala hai rawish mere yaar ki
--Syed Mohd. Meer 'Asar'

Abdullah Nazir · Post by **Abdullah Nazir** » Mon Aug 14, 2006 1:58 pm

"dil ke phapoule jal uThe seene ke daagh se

is ghar ko aag lag gayi ghar ke charaagh se"

Shaayer: naamaAloom

Nazir.

ummassad · Post by **ummassad** » Mon Aug 14, 2006 3:49 pm

jaatey huye kahtey ho qhiyamut ko milain gee
kiya khoob qhiyamut ka hey goya koi din aour

Post by **Daanish** » Tue Aug 15, 2006 2:01 am

pasandeedah

kam bolna adaa hai har chand par na itna
mund jaaye chashm-e-a'ashiq tau bhi woh lab na khhole--Sauda

Abdullah Nazir · Post by **Abdullah Nazir** » Tue Aug 15, 2006 12:53 pm

"waah re andaaz o naaz Allah re kibr o ghuroor

jaan yaaN jaati rahee waaN naaz maAshooqaanah thaa".

Shaayer: Haider Ali :aatish:

Nazir.

sanakhan · Post by **sanakhan** » Tue Aug 15, 2006 2:28 pm

Na ji bar ke deka na kuch bat ki
bari arzoo ti mulaqat ki

hassan_bashir · Post by **hassan_bashir** » Tue Aug 15, 2006 4:09 pm

Sana saaHiba,

is bazm meiN ham aap ko tah-e-dil se khushaamadeed kehte haiN!

ummid hai ke aatee raheN gii.

bohat aarazuu thee galee kee tiree
so yaaN lahuu meiN nahaa kar chale

Abdullah Nazir · Post by **Abdullah Nazir** » Wed Aug 16, 2006 4:34 am

"Hasrat hee bousa-e-lab-e-sheereeN kee rehgayi

meeThaa nah moNh ko tere namak-khwaar ne kiyaa".

Shaayer: Haider Ali :aatish:

Nazir.

Post by **Daanish** » Wed Aug 16, 2006 11:16 am

'pasandeedah'

kehta nahiN maiN arsh pe ai naala ja pahunch
kaanoN talak tau uske tuu ai naarasa pahunch
--Khwaja Ahsanullah 'Bayaan'

Abdullah Nazir · Post by **Abdullah Nazir** » Wed Aug 16, 2006 2:36 pm

"nahiN begaanagi achchi rafeeq-e-raah-e-manzil se

theharjaa ai sharar aakhir tou ham bhee miTne waale heiN".

Shaayer: Iqbaal

Nazir.

Post by **Daanish** » Wed Aug 16, 2006 3:09 pm

'pasandeedah'

fitnay se keh rahi hai tiri shoKhi-e-Khiraam
"maiN sair ko chaluN mira daaman sambhaal tuu"
--Mus'Hafi

hassan_bashir · Post by **hassan_bashir** » Wed Aug 16, 2006 7:12 pm

mohabbat ke liye kuch khaas dil makhsuus hote haiN
yeh voh naghma hai jo har saaz pe gayaa nahiN jaata

Post by **Daanish** » Thu Aug 17, 2006 4:17 am

'pasandeedah'

hazaar kaam mazay ke haiN 'DaaGh' ulfat meiN
jo log kuchh nahiN karte kamaal karte haiN

hassan_bashir · Post by **hassan_bashir** » Thu Aug 17, 2006 3:46 pm

shoq barehna~pa chalta tha aur raste pathreele the
ghiste ghiste ghis gaye aakhir kankar jo nokeele the