lafz par ash'aar #31---dil/jigar

Post by **Daanish** » Mon Aug 14, 2006 2:04 pm

dil-e-veHshi ko Khwaahish hai tumhaare dar pe aane ki
diwaana hai wa lekin baat kehta hai Thikaane ki--Jurra't

Abdullah Nazir · Post by **Abdullah Nazir** » Mon Aug 14, 2006 2:12 pm

micl-e-seemab tumheN kaise taRaptaa dekhuN

is liye maiN nahiN kehtaa keh miraa dil houjaaou

Shaayer: Abdullah Nazir

Nazir.

ummassad · Post by **ummassad** » Mon Aug 14, 2006 3:42 pm

Post by **Daanish** » Tue Aug 15, 2006 1:57 am

dil

un se bad Khu ka karam bhi sitam-e-jaaN hoga
maiN tau maiN Ghair bhi dil deke pashemaaN hoga.
--Momin

Abdullah Nazir · Post by **Abdullah Nazir** » Wed Aug 16, 2006 4:49 am

dil diyaa jisko vohee khail rahaa hei dil se

ibtidaa yeh hei tou anjaam-e-muHabbat kyaa hou.

Shaayer: Abdullah Nazir.

Nazir.

Post by **Daanish** » Wed Aug 16, 2006 11:06 am

befaidah hai fikr mire chaaragaroN ko
sab zaKhm-e-jigar qaabil-e-marham nahiN hotay
--Naseem Dehalvi

Post by **Daanish** » Wed Aug 16, 2006 4:02 pm

woh nusKha jo dekha, baRHaa rog dil ka
tabeeb-e-moHabbat ne kaisi dawaa dii--Meer

hassan_bashir · Post by **hassan_bashir** » Wed Aug 16, 2006 6:59 pm

Khudaa rakkhe muhabbat ke liye aabaad donoN ghar!!!!!!!!!!!!!!!!
maiN un ke dil meiN rahataa huuN vo mere dil meiN rahate haiN!

Post by **Daanish** » Thu Aug 17, 2006 4:20 am

'dil/jigar'

ai chaarahgar jigar ki kasak kis taraH miTay
go dard kam hu'a bhi tau kam ho ke reh gaya--DaaGh

hassan_bashir · Post by **hassan_bashir** » Thu Aug 17, 2006 3:43 pm

dil hii to hai na saNd-o-khisht dard se bhar na aaye kyuN?
royeNge hum hazaar baar koee hameN sataaye kyuN?!

Post by **Daanish** » Fri Aug 18, 2006 11:26 am

'dil'

dil gaya, hosh gaya, sabr gaya, ji bhi gaya
shaGhl meiN Gham ke tire hum se gaya kya kya kuch--Meer

Abdullah Nazir · Post by **Abdullah Nazir** » Fri Aug 18, 2006 11:59 am

"jalva-e-Husn se rangeeN dil-e-purdaagh miraa

shauq ke Hind meiN kashmeer nazar aataa hei".

Shaayer: Maulaanaa Hasrat Mouhaani

Nazir.

Post by **Daanish** » Fri Aug 18, 2006 1:54 pm

'dil'

kaun se paarah-e-dil par nahiN ab ishq ka daaGh
yeh nageeN woh haiN, ke jo naqsh-e-wafaa rakhte haiN
-Hyder Ali Aatish

ummassad · Post by **ummassad** » Sat Aug 19, 2006 3:36 am

tujhey ghair ki tammana mujhey teri aarzu hey
tery dil main gum hi gum hey mery dil main tuu hituu hey

Abdullah Nazir · Post by **Abdullah Nazir** » Sat Aug 19, 2006 2:43 pm

TooT jaaye ik zaraa see baat per wo dil nahiN

dekhlenaa maiN nahiN yaa saA'y-e-laa-HaaSil nahiN.

Shaayer: Abdullah Nazir.

Nazir.