Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Sun Jul 03, 2005 6:23 pm

lagaao hei tiri khusboo-e-pairahan se mujhe

sukhan se koii gharaz hei nah anjuman se mujhe.

Nazir.

Post by **Hashmat Usmani** » Tue Jul 05, 2005 3:10 am

aataa hai kis andaaz se, Tuk! naaz to dekho!!
kis dhaj se qadam paRtaa hai, andaaz! to dekho!!

MusHafii
KIS / DEKHO

Post by **Hashmat Usmani** » Wed Jul 06, 2005 4:58 am

jhuum ke jab rindoN ne pilaa dii
ShaiKh ne chupke_chupke du'aa dii

Kaif Bhopali
SHAIKH / DEE

Abdullah Nazir · Post by **Abdullah Nazir** » Thu Jul 07, 2005 3:38 am

shukr hei aapko kuch mujh se shikaayat nah rahi

mere jazbaat bhii sharminda-e-auhaam nahiN.

mere / nahiN

Nazir.

Abdullah Nazir · Post by **Abdullah Nazir** » Sat Jul 09, 2005 12:32 pm

maiN nah kahtaa thaa tumheiN Ahd nibhaanaa hougaa

aaj kiyuN karte hou dunyaa se shikaayat meri.

(aaj / meri)

Nazir.

Post by **PK Swami** » Sun Jul 10, 2005 5:53 pm

gayaa! par kuchh na kah paayaa maiN apnaa Haal-e-dil unse
kaf-e-afsos maltaa rai'h gayaa maiN chaarsoo barsoN

KhizaaN pamaal kar detee hai gulshan ke har ek gul ko
NaheeN jaataa magar qalb.o.jigar se rang.o.boo barasoN

Rafoogar dete aaye haiN tasallee umr bhar lekin
Jo dil par zakhm aa jaye naheeN hotaa rafoo barsoN

PK Swami

Post by **Hashmat Usmani** » Tue Jul 12, 2005 2:56 am

VO bazm meN aaye, itnaa to "MEER" me dekhaa
phir uske ba'd charaaGhoN meN raushnii na rahii

Meer taqi "MEER"
PHIR / RAHII

Post by **PK Swami** » Tue Jul 12, 2005 2:29 pm

phir na kije merii gustaakh nigahee kaa gilaa
dekhiye aap ne phir pyaar se dekhaa mujhko

PK Swami

Post by **PK Swami** » Tue Jul 12, 2005 2:31 pm

phir na keeje merii gustaakh nigahee kaa gilaa
dekhiye aap ne phir pyaar se dekhaa mujhko

PK Swami

Abdullah Nazir · Post by **Abdullah Nazir** » Tue Jul 12, 2005 7:27 pm

dekhiye ghaur se maiN aapka aayeenah hooN

sirf soorat hii nahiN dil bhii nazar aayegaa.

sirf / aayegaa

Nazir.

RAUSHNEE · Post by **RAUSHNEE** » Tue Jul 12, 2005 9:50 pm

sirf ashk-o-tabassum mei.n ulajhe rahe
hamane dekhaa nahin zindagii ki taraf

Post by **Hashmat Usmani** » Wed Jul 13, 2005 2:19 am

ham dai'hr ke is viiraane meN jo kuchh bhii nazaara karte haiN
ashkoN kii zabaaN meN kahte haiN, aahoN se ishaara karte haiN

Mo'iin AHsan "Jazbii"
ASHKON / HAIN

Abdullah Nazir · Post by **Abdullah Nazir** » Wed Jul 13, 2005 2:13 pm

yeh ishaare, yeh kinaaye, yeh tabassum, yeh adaa

sab ke sab heiN mujhe deewaanah banaane ke liye.

sab / liye

Nazir.

Post by **PK Swami** » Wed Jul 13, 2005 5:24 pm

voHee ghamzaa, voHee shokhee, voHee diwanaakun nazreN
tasawwar meiN bhee vo samaane vaHshat le ke aaye haiN

PK Swami

RAUSHNEE · Post by **RAUSHNEE** » Fri Jul 15, 2005 9:34 pm

hain aur bhi sukhanwar zamanay mein achay
kehtay hain ghalib ka hai andaz-e-bayan aur

any correction

kehtay/aur

Sher ke doosre misre ke pehle/aakhri alfaaz se sher kahiye!

"khushboo"

"shukr"

"maiN"

"dekhiye"

"ye"