Ustaad Sho'ara ke 'MAQTE' post karein..

Post by **Daanish** » Thu Aug 10, 2006 3:14 am

har waqt yaar thha rag-e-jaaN se qareebtar
'Tasleem' tu Kharaab phhira umr bhar kahaaN

--Munshi Ameerullah 'Tasleem' Lucknawi

hassan_bashir · Post by **hassan_bashir** » Thu Aug 10, 2006 11:11 am

maktab-e-ishq kaa 'Momin' hai niraalaa dastuur,
us ko chhuTTii na milii jis ko sabaq yaad huaa!!

Post by **Daanish** » Sat Aug 12, 2006 2:56 am

murGhaan-e-qafas ko phooloN ne ai Shaad yeh kehla bhejaa hai
aa jao jo tum ko aana ho, aise meiN abhi shaadaab haiN hum
--Shaad Azeemabadi

Abdullah Nazir · Post by **Abdullah Nazir** » Sat Aug 12, 2006 7:06 am

"samajhtaa yaa nah ai :aatish: samajhtaa

dil-e-muZtar ko samjhaaya tou houtaa".

Shaayer: Haider Ali :aatish:

Nazir.

Post by **Daanish** » Sat Aug 12, 2006 4:09 pm

qayaamat hai ke howe mudda'i ka humsafar Ghalib
woh kaafir jo Khuda ko bhi na saunpa jaaye hai mujh se

ummassad · Post by **ummassad** » Sat Aug 12, 2006 5:10 pm

gamoun ki dhoop see dertey nahi hain vo AMJED
kisi nigah ky jo saibaan main rehty rehtey hain

Post by **Daanish** » Sat Aug 12, 2006 5:41 pm

saadah purkaar haiN KhoobaaN Ghalib
hum se paimaan-e-wafaa baandhte hain

ummassad · Post by **ummassad** » Sun Aug 13, 2006 11:29 pm

koi aey shakeel pouchey yeh janoon nahi tu kiya hey
keh usi ke hogaiye hum jo nh hosaka hamaaara

Post by **Daanish** » Mon Aug 14, 2006 1:52 am

Haali suKhan meiN Shefta se mustafeed hai
Ghalib ka mu'ataqid hai, muqallid hai Meer ka

Abdullah Nazir · Post by **Abdullah Nazir** » Mon Aug 14, 2006 2:06 pm

"fikr ko Seemaab aazadi kee dekar wusAateNr

martabe ham ne ghazal ke be-nihaayat kardiye"

Shaayer: seemaab akbaraabaadi

Nazir.

Post by **Daanish** » Mon Aug 14, 2006 2:12 pm

apne andaaz ki bhi ek Ghazal paRH Momin
aaKhir is bazm meiN koi tau suKhandaaN hoga

Abdullah Nazir · Post by **Abdullah Nazir** » Mon Aug 14, 2006 2:16 pm

jitne hamraah thay wo bhool gaye ai :nazir:

kaun suntaa hei bhalaa gard-e-safar kee baateN

Shaayer: Abdullah Nazir.

Nazir.

Post by **Daanish** » Tue Aug 15, 2006 2:11 am

dil qaid-e-ta'lluq se nikal sakta nahiN Zauq
kya dar nahiN is Khaana-e-zindaaN ke liye hai--Zauq

Post by **Daanish** » Tue Aug 15, 2006 2:16 am

safHa-e-hasti pe, ik Harf-e-Ghalat hai Sauda
jab mujhe dekhne baiThho, tau uThha jaata huN

Abdullah Nazir · Post by **Abdullah Nazir** » Tue Aug 15, 2006 12:24 pm

"ahl-e-dil dil per ai :seemaab: kyaa kartaa acar

be-dili kaa sheAr gouyaa naghma-e-bezaaz thaa".

Shaayer: Seemaab Akbaraabaadi

Nazir.