lafz par ash'aar #31---dil/jigar

Post by **Daanish** » Sun Sep 10, 2006 3:19 am

'dil'

dil ek shaahid-e-ma'ani sahii, magar, phir bhi
tumhaare saamne hum benaqaab kya karte
--Jigar

Abdullah Nazir · Post by **Abdullah Nazir** » Sun Sep 10, 2006 4:39 am

rangeeN raateN dilkash baateN haaye wo Ahd-e-guzishtah kee

kis ko apne dil se bhulaaden kisko musalsal yaad kareN.

Shaayer: Abdullah Nazir.

Nazir.

Post by **Daanish** » Sun Sep 10, 2006 8:23 am

'dil'

dard-e-dil se mujhe ik dum kabhi taskeeN na mili
gum hu'a sub^H tau phir shaam bohat sa paaya
--Mus'Hafi

Abdullah Nazir · Post by **Abdullah Nazir** » Sun Sep 10, 2006 11:21 pm

Haqeeqat-e-dil-e-beemaar chup nahiN sakti

bhalaa khayaal karo mujh ko yaa buraa samjho

Shaayer: Abdullah Nazir.

Nazir.

Post by **Daanish** » Mon Sep 11, 2006 2:29 am

'dil'

a'alam-e-yaas meiN ghhabraaye na insaan bohat
dil salaamat hai tau Hasrat bohat, armaan bohat
--DaaGh

Post by **Daanish** » Mon Sep 11, 2006 11:46 am

'dil'

taa chand, josh-e-ishq se dil ki HifaazateiN
meri balaa se, ab woh junooni kahiiN rahe
--Jigar

Post by **PK Swami** » Mon Sep 11, 2006 5:27 pm

dil.e barbaad ko bhee kahne wale dil hee kahte haiN
khizaaN dedaaH chaman ko bhee chaman kahnaa hee paRtaa hai !

PK Swami

Abdullah Nazir · Post by **Abdullah Nazir** » Mon Sep 11, 2006 6:16 pm

talkhiy-e-waHshat-e-dil hei rag o pai meiN saari

ab sanbhaltaa hee nahiN deeda-e-tar kyaa keeje

Shaayer: Abdullah Nazir.

Nazir.

Post by **Daanish** » Tue Sep 12, 2006 2:14 am

junooN meiN jitni bhi bakaar guzri hai
agarche dil pe Kharaabi hazaar guzri hai
--Faiz

Post by **Daanish** » Tue Sep 12, 2006 2:39 am

dil gaya, raunaq-e-Hayaat gayi
Gham gaya, saari kaaenaat gayi
dil dhhaDakte hi phhir gayi woh nazar
lab tak aayi na thhi ke baat gayi
--Jigar

Post by **Daanish** » Fri Sep 15, 2006 2:49 am

'dil'

ubharne hi nahiN deti yahaN bemaaigi dil ki
nahiN tau kaun qatrah hai, jo dariya ho nahiN sakta

Post by **Daanish** » Sat Sep 16, 2006 2:27 am

'dil'

kya jaanuN chashm-e-tar se udhar dil pe kya hu'a
kis ko Khabar hai Meer samandar ke paar kii

Abdullah Nazir · Post by **Abdullah Nazir** » Sat Sep 16, 2006 5:42 am

kyaa duAa kaisi duAa tere mareeZ-e-dil kee

ai maseeHaa jo tire haath meiN ta'ceer nah hou.

Shaayer: Abdullah Nazir.

Nazir.

Post by **Daanish** » Sat Sep 16, 2006 3:35 pm

dil

uske dil meiN ab Khayaal-e-qatl har dum aaye hai
maut ko kis ne ilaahi mera ghar dikhlaa diya
--Momin

ummassad · Post by **ummassad** » Sat Sep 16, 2006 4:52 pm

haal.e.dil nahin maloom lekin isqader yanee
hum ney baarha dhounda ;tumney barha cahaa.