Ustaad Sho'ara ke 'MAQTE' post karein..

Post by **zmufti** » Wed Aug 30, 2006 4:27 pm

Momin" baa-Khudaa sihar bayaanii kaa jabhii tak
har ek ko daavaa hai ke mai.n kuchh nahii.n kahataa

Abdullah Nazir · Post by **Abdullah Nazir** » Tue Sep 05, 2006 12:48 am

"past o buland dekheN kyaa :Meer: pesh aaye

is dasht se ham ab tou sailaab le chale heiN"

Shayer: Meer Taqi Meer.

Nazir.

Post by **Daanish** » Wed Sep 06, 2006 2:44 pm

us ko bhoole tau hu'e ho Faani
kya karoge woh agar yaad aaya?

Abdullah Nazir · Post by **Abdullah Nazir** » Thu Sep 07, 2006 12:51 am

"dil kaa dena hei sehl kyaa ai :meer:

Aashiqi karne ko jigar hei sharT".

Shaayer: Meer Taqi :Meer:

( ye )

Nazir.

Post by **Daanish** » Thu Sep 07, 2006 2:52 am

maqt'a

samajhta, ya na ai Aatish samajhta
dil-e-muztar ko samjhaaya tau hota
--Hyder Ali Aatish

Post by **Mayank** » Fri Sep 08, 2006 5:46 am

buraa samajhuu.N unhe.n mujh se to aisaa ho nahii.n sakataa
ki mai.n Khud bhii to huu.N "Iqbal" apane nuktaachiino.n me.n

Post by **Daanish** » Fri Sep 08, 2006 4:03 pm

maqt'a

Mus'Hafi shab jo chup tuu baiThha thha
kya tujhe kuchh malaal thha, kya thha

Post by **zmufti** » Fri Sep 08, 2006 6:09 pm

puuchho to 'Mir' se kyaa ko_ii nazar pa.Daa hai
cheharaa utar rahaa hai kuchh aaj us javaa.N kaa

Post by **Daanish** » Sat Sep 09, 2006 1:40 am

maqt'a

kabhi DaaGh tauba ki hai, kabhi phir sharaab pii hai
na azaab hi milega, na humeiN sawaab hargiz

Post by **Daanish** » Sat Sep 09, 2006 1:44 am

maqt'a

ai Mus'Hafi kya baat kahuN dard-e-jigar ki
juN juN ke maiN ki uski dawaa, aur bhi chamkaa

Post by **Daanish** » Sat Sep 09, 2006 1:48 am

maqt'a

kahaaN se tuu ne ai Iqbal seekhi hai yeh darveshi
ke charchaa baadshaahoN maiN hai teri beniyaazi ka

Abdullah Nazir · Post by **Abdullah Nazir** » Sat Sep 09, 2006 4:00 am

"lagaa maiN gird-e-sar phirne tou bulaa

tumhaaraa Meer SaaHib sar phiraa hei".

Shaayer: Meer Taqi :Meer:

Nazir.

Post by **Daanish** » Sat Sep 09, 2006 5:05 am

maiN ne rokaa raat Ghalib ko, wagarna dekhte
uske sail-e-giryaa meiN, garduuN kaf-e-sailaab thha

Post by **Daanish** » Sat Sep 09, 2006 5:07 am

maqt'a

bazm-e-ahbaab meiN ai DaaGh kabhi haNs bol
dekhte haiN tujhe har waqt pareshaaN bohat

Post by **Daanish** » Sat Sep 09, 2006 5:13 am

maqt'a

banega mehr-e-qayaamat bhi ek Khaal-e-siyaah
jo chehra DaaGh-e-siyah_ru ne aashkaar kiya