TARAHI GHAZAL - -- - (GUZ.21) by: ABDULLAH NAZIR.
Moderator: Muzaffar Ahmad Muzaffar
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
TARAHI GHAZAL - -- - (GUZ.21) by: ABDULLAH NAZIR.
MuHtaramaat o MuHtarameen
Arbaab –e-MeHfil aur aHbaab-e-Sukhan,
PurkhulooS Tasleemaat, :rose
Guz.21 ke miSreA per apni ghazal pesh karne kee saAadat
HaaSil karrahaa hooN. Ummeed ke aap apni giraaNqadr aaraa se navaazkar shukriyah adaa karne kaa mauqaA denge.
GHAZAL: roman meiN
MuHabbat meiN tumhaari be-rukhi bardaasht karte heiN
Ba-Taur-e-qahr-e-ghairat hee sahi bardaasht karte heiN
Gawaaraa khud-sitaayi ham se kab houti hei naadaaN kee
Kabhi chup saadh lete heiN kabhi bardaasht karte heiN
nahiN aasaaN uThaanaa naaz meh-wash nuktahcheenaoN ke
"Jou ahl-e-zarf houte heiN vohi bardaasht karte heiN".
bhalaa ham saa bhee hei koii, kisi ko chaahne waalaa
khudaaraa dekhiye dil, aaj bhee bardaasht karte heiN
Tapak jaataa hei khooN ashkaoN ke badle shiddat-e-gham se
yahaN tak her nafas kee be-kali bardaasht karte heiN
guzari zindagi ham ne saraabaoN ke taAaaqub meiN
musaafir jee lagaakar tishnagi bardaasht karte heiN
Khabar hei tum zamaane meiN kahiN kaa bhee nah rakhkhoge
taqaaZaay-e-wafaa hei, dushmani bardaasht karte heiN
jahaaN meiN yuN tou heiN kuch loag Nazir Aish o ishrat meiN
Hamaaraa Haal yeh hei zindagi bardaasht karte heiN.
Aapka MukhliS,
Nazir.
- Attachments
-
- a_21_ub_1.JPG (174.48 KiB) Viewed 455 times
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut shukriyah
MuHtaramah
Saara SaaHibah,
- -- -
PurkhulooS Tasleemaat,
Guzaarish 21 ke MiSreA per aapko meri TaraHi ghazal bahut pasand aayi aur aap ne mujhe daad o teHseen se navaazaa jiske liye beHad shukrguzaar hooN.
Ummeed ke aayindah bhee meri yuN hee HauSlah afzaayi farmaati rahengi.
Aapka MukhliS,
Nazir.
ustaad-e-moHtaram , aadaab
janaab aap ki Ghazal ho aur tamaam ash'aar pasand na aayeN ye kaise mumkin hai bhalaa ? so si baar bhi lutf andooz howe pooree Ghazal se ! daad Haazir hai ! shukriya
Zia Baloch
janaab aap ki Ghazal ho aur tamaam ash'aar pasand na aayeN ye kaise mumkin hai bhalaa ? so si baar bhi lutf andooz howe pooree Ghazal se ! daad Haazir hai ! shukriya
Zia Baloch
Dikhaadi shaan, phir ahl-e-chaman ko, Be-niyaazi ki
Khamoshi se jhatak kar, aaj phir, dast-e-sabaa maiN ne
Zia Baloch
Khamoshi se jhatak kar, aaj phir, dast-e-sabaa maiN ne
Zia Baloch
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut shukriyah
MuHtarami o Azeezi
FarHan SaaHib,
PurkhulooS Tasleemaat,
Aap ne apne giraaNqadr tabSireh meiN meri ghazal kee pazeeraayi farmaayi aur use daad o teHseen se navaazaa. Is karam farmaayi ke liye maiN aapkaa tah-e-dil se shukrguzaar hooN.
Aapka MukhliS,
Nazir.
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
shukriyah
MuHtarami o Azeezi
Zia Baloch SaaHib,
PurkhulooS Tasleemaat,
Yeh aapki muHabbat aur khulooS hei ke mujhe ustaad kehkar mukhaaTib karte heiN Haalaankeh maiN aise laqab kaa hergiz mustaHiq nahiN hooN.
Aapko meri TaraHi ghazal pasand aayi aur mujhe daad o teHseeN se navaazaa jiske liye maiN tah-e-dil se aapkaa shukrguzaar hoo. Ummeed kartaa hooN ke aayind bhee meri isi TaraH se HauSalah afzaayi farmaate rahenge.
Aapka MukhliS,
Nazir.
-
Muzaffar Ahmad Muzaffar
- -
- Posts: 1258
- Joined: Sun Feb 12, 2006 1:40 pm
- Location: London, England
- Contact:
mubarak ho
moHtaram janab Abdullah Nazir SaHeb aadaab!
Guzarish 21 ke teHet aap kee tazah Ghazal dekhne kee sa'adat milee
aap kee yeh Ghazal nah Sirf HaseeN hai balkeh zeyadah a'aam
fehem, hejaan parwar aor saHiranah ho gaee hai.
aap ne mosiqee kee leHnooN, ilfaaz^ ke zer-o-bam aor qawafee
ke aahang ke aHsaas ko ujagar kiya hai.
aap kee Ghazal meN ruHanee HaqiqatooN ka walehanah iz^haar hai
aor yahee HaqiqateeN aage chal kar rumaan ban gaee haiN dosre lafz^ooN meN yeh keh asha'aar meN abdee sachchaiyooN ka rang-o-
noor hai.
jo keh ikkeesweeN Sadee ke ustaad shae'er kee Heciyat se aap kee maqbuliyat ke imkanaat ko hameshah raoshan rakhe ga.
meree janib se dad aor mubarak bad qubool kijiye.
Wassalam
khadim
muz^affar
Guzarish 21 ke teHet aap kee tazah Ghazal dekhne kee sa'adat milee
aap kee yeh Ghazal nah Sirf HaseeN hai balkeh zeyadah a'aam
fehem, hejaan parwar aor saHiranah ho gaee hai.
aap ne mosiqee kee leHnooN, ilfaaz^ ke zer-o-bam aor qawafee
ke aahang ke aHsaas ko ujagar kiya hai.
aap kee Ghazal meN ruHanee HaqiqatooN ka walehanah iz^haar hai
aor yahee HaqiqateeN aage chal kar rumaan ban gaee haiN dosre lafz^ooN meN yeh keh asha'aar meN abdee sachchaiyooN ka rang-o-
noor hai.
jo keh ikkeesweeN Sadee ke ustaad shae'er kee Heciyat se aap kee maqbuliyat ke imkanaat ko hameshah raoshan rakhe ga.
meree janib se dad aor mubarak bad qubool kijiye.
Wassalam
khadim
muz^affar
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut shukriyah
MuHtarami
Muzaffar Ahmed Muzaffar SaaHib,
PurkhulooS Tasleemaat,
Javaab dene meiN ta'kheer ke liye maAziratkhwaah hooN. Teen din se mere computer meiN kisi nah kisi mushkil kee vajh se her do teen ghunTeh meiN iSlaaH aur tarmeem kee Zaroorat pesh aati rahee.
Meri TaraHi ghazal per aapkaa tabSirah hameshah kee TaraH Sirf dilkash hee nahiN balkeh HauSalah afzaa bhee hei. Yeh aapki zarrah navaazi hei ke aap mujhe apni takhleeqaat se muTma'in dekhnaa chaahte heiN
Is karam-farmaayi ke liye maiN aapka tah-e-dil se shukrguzaar hooN.
Aapka MukhliS,
Nazir.
Last edited by Abdullah Nazir on Wed Sep 13, 2006 1:16 am, edited 1 time in total.
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut bahut shukriyah
MuHatarami
zaamin SaaHib,
PurkhulooS Tasleemaat,
Aapki zarrah navaazi hei ke aapne ne khaaksaar kee ghazal paRhnee aur mujhe daad o teHseen se navaazaa. Ummeed kartaa hooN ke aayindah bhee isi taraH se meri HauSlah afzaayi farmaate rahenge.
Aapka MukhliS,
Nazir.