Nehr-e-Feraat Khud kia kehti hai !!

[nigaah]

pichlay saal ye nazm ek forum per paish ki thi....jooN ki tooN haazir hai!

Aadaab arz hai,
tamaam Ahl-e-Bazm ki khidmat main!

baroz das(10) muharram TV per ek mushaaira karbala ki yaad main nashr kiya gaya tha ...jis main ek shaair nay nehr-e-feraat say mukhaatib ho kar kaha tha .."aay nehr-e-feraat khushk ho ja khaak ho ja"!........us waqt maine be saakhta socha tha ke agar nehr-e-feraat ko hukm-e-Baari taala say zabaan mil jaati tou us ki apni kiya kafiyyat hoti aur wo usay kese bayaaN karti .....

usi din socha tha feraat ke ehsaasaat ko zabaan zaroor doongi ....lekin waqt ki kami is khayaal ko amli jama pehnaanay main maan'e hoti rahi ...phir mohtarma DurdanaHashmi jo hamaari ek qaabil-e-ehteraam saathi hain bazm ki ....un ke kalaam main bhi nehr-e-feraat say shikwa dekha ..... tab ye khuahish mazeed zor pakar gai ....ke feraat ko zabaan milay ....is khayaal ke paish-e-nazar kisi jamaat main urdu ki nisaab ki kitaab main parhi gai nazm ...."SEHRA KI DUA" ....bhi thi ...jis main sehra ki zabaan say us ke ehsaasaat bayaan kiye gaye thay aur ye shaahkaar SHAAYAD Hafeez Jaalandhri sahab ka tha ....mujhay sahih tarah yaad nahi .....lekin us ka eik shair jis din pehli martaba parha tha us din say rooh main jazb hai.....

AGAR ABB MERE DAAMAN SAY HAWAA-E-GARM AAYE GI
TOU MUJH KO REHMATUL-LIL-AALAMIN SAY SHARM AAYE GI

sehra ki be basi kitni umdagi say bayaan ki gai hai .....har baar ye shair paRhtay huay dil ko kuch hota hai......bahar kaif....aaiye main apni nazm aap sab ki khidmat main paish karti hoon .......

aay mere Khaliq-e-Akbar! agar meri zabaaN hoti
tou her lamha tiree touseef na us ko garaaN hoti

ye tera shukr ke mujh ko wujood-e-bay karaaN bakhsha
mujhay is sard-o-sheereeN aab ka sail-e-rawaaN bakhsa

karoRoN qaafilay sadyoN say hain mehmaaN huay mere
tiree her tishna lab makhlooq per ehsaaN huay mere

main nazaaN thi main faakhir thi magar ek saaniha guzra
ke mujh ko khooN rula daala yahaaN jab karbala guzra

wo shaam aanay say pehle khushk ho sakti tou acha tha
kisi tarah wujood apna main kho sakti tou acha tha

mujhay aazaad kar Mola main ro kar sar patakhti thi
Nabi ki aal ko seraab karnay ko bilakti thi .........!!!!!!

mere hotay, rahay piyaase, lab-e-laaleen asghar ke
qayaamat mujh pe kiya guzri koi poochay mere dil say

jo bas chalta tou khud jaa kar unhain paani pila deti
main her qatra lahoo ka apni palkoN per sajaa leti

tere mehboob ko kia munh dikhaaongi qayaamat main
mira rakh lay bharam Mola! tu darbaar-e-risaalat main

musalmaanaan-e-aalam ki nazar maiN surkhroo hoti
na aisay tou hamaisha ke liye be aabroo hoti

feraat-e-sharmsaar us jaaN gusal lamhay ko roti hai
jo daaman per lagay hain aansu'on say daaGh dhoti hai

ye insaaN haiN jo aal-e-mustafa say buGhz rakhtay haiN
shajar, paani, hawa, pathar tou un pe jaaN chiraktay haiN

feraat-e-Ghamzada shabbeer mere! aap per sadqay
behettar paak un anfaas per jaan-o-jigar sadqay

tiray mehboob say yaa Rab! muhjay itna hai bas kehna
feraat-e-bay gunah say yaa Nabi! naraaz mat rehna

tumhaaray waastay Rab nay mujhay taKhleeq farmaaya
tumhaari rehmataiN haiN aay Nabi! aalam ka sarmaaya

nawaasa aap ka piyaara hua islaam per sadqay
feraat-e-jaaN hazeeN hai us ke naami naam per sadqay

mujhay ehsaas hai ke ye bohut naakaafi hai abb bhi tashnagi baaqi hai.....lekin bahar kaif ..ye nazm likhtay huay main jis kafiyyat say guzri meri dua hai isay parhtay huay aap sab usi kafiyyat say do chaar hon .....

tawajjuh farmaanay ka shukriya

Fiamanillah

[tahira Masood]

pichlay saal ye nazm ek forum per paish ki thi....jooN ki tooN haazir hai!

Aadaab arz hai,
tamaam Ahl-e-Bazm ki khidmat main!

baroz das(10) muharram TV per ek mushaaira karbala ki yaad main nashr kiya gaya tha ...jis main ek shaair nay nehr-e-feraat say mukhaatib ho kar kaha tha .."aay nehr-e-feraat khushk ho ja khaak ho ja"!........us waqt maine be saakhta socha tha ke agar nehr-e-feraat ko hukm-e-Baari taala say zabaan mil jaati tou us ki apni kiya kafiyyat hoti aur wo usay kese bayaaN karti .....

usi din socha tha feraat ke ehsaasaat ko zabaan zaroor doongi ....lekin waqt ki kami is khayaal ko amli jama pehnaanay main maan'e hoti rahi ...phir mohtarma DurdanaHashmi jo hamaari ek qaabil-e-ehteraam saathi hain bazm ki ....un ke kalaam main bhi nehr-e-feraat say shikwa dekha ..... tab ye khuahish mazeed zor pakar gai ....ke feraat ko zabaan milay ....is khayaal ke paish-e-nazar kisi jamaat main urdu ki nisaab ki kitaab main parhi gai nazm ...."SEHRA KI DUA" ....bhi thi ...jis main sehra ki zabaan say us ke ehsaasaat bayaan kiye gaye thay aur ye shaahkaar SHAAYAD Hafeez Jaalandhri sahab ka tha ....mujhay sahih tarah yaad nahi .....lekin us ka eik shair jis din pehli martaba parha tha us din say rooh main jazb hai.....

AGAR ABB MERE DAAMAN SAY HAWAA-E-GARM AAYE GI
TOU MUJH KO REHMATUL-LIL-AALAMIN SAY SHARM AAYE GI

sehra ki be basi kitni umdagi say bayaan ki gai hai .....har baar ye shair paRhtay huay dil ko kuch hota hai......bahar kaif....aaiye main apni nazm aap sab ki khidmat main paish karti hoon .......

aay mere Khaliq-e-Akbar! agar meri zabaaN hoti
tou her lamha tiree touseef na us ko garaaN hoti

ye tera shukr ke mujh ko wujood-e-bay karaaN bakhsha
mujhay is sard-o-sheereeN aab ka sail-e-rawaaN bakhsa

karoRoN qaafilay sadyoN say hain mehmaaN huay mere
tiree her tishna lab makhlooq per ehsaaN huay mere

main nazaaN thi main faakhir thi magar ek saaniha guzra
ke mujh ko khooN rula daala yahaaN jab karbala guzra

wo shaam aanay say pehle khushk ho sakti tou acha tha
kisi tarah wujood apna main kho sakti tou acha tha

mujhay aazaad kar Mola main ro kar sar patakhti thi
Nabi ki aal ko seraab karnay ko bilakti thi .........!!!!!!

mere hotay, rahay piyaase, lab-e-laaleen asghar ke
qayaamat mujh pe kiya guzri koi poochay mere dil say

jo bas chalta tou khud jaa kar unhain paani pila deti
main her qatra lahoo ka apni palkoN per sajaa leti

tere mehboob ko kia munh dikhaaongi qayaamat main
mira rakh lay bharam Mola! tu darbaar-e-risaalat main

musalmaanaan-e-aalam ki nazar maiN surkhroo hoti
na aisay tou hamaisha ke liye be aabroo hoti

feraat-e-sharmsaar us jaaN gusal lamhay ko roti hai
jo daaman per lagay hain aansu'on say daaGh dhoti hai

ye insaaN haiN jo aal-e-mustafa say buGhz rakhtay haiN
shajar, paani, hawa, pathar tou un pe jaaN chiraktay haiN

feraat-e-Ghamzada shabbeer mere! aap per sadqay
behettar paak un anfaas per jaan-o-jigar sadqay

tiray mehboob say yaa Rab! muhjay itna hai bas kehna
feraat-e-bay gunah say yaa Nabi! naraaz mat rehna

tumhaaray waastay Rab nay mujhay taKhleeq farmaaya
tumhaari rehmataiN haiN aay Nabi! aalam ka sarmaaya

nawaasa aap ka piyaara hua islaam per sadqay
feraat-e-jaaN hazeeN hai us ke naami naam per sadqay

mujhay ehsaas hai ke ye bohut naakaafi hai abb bhi tashnagi baaqi hai.....lekin bahar kaif ..ye nazm likhtay huay main jis kafiyyat say guzri meri dua hai isay parhtay huay aap sab usi kafiyyat say do chaar hon .....

tawajjuh farmaanay ka shukriya

Fiamanillah

bohat Aziz behan Nigaah ji

salaam-e-khuloos

aap ki yeh nigaarish peRh ker nehaal ho gaee. es qder Haseen aur Haqeeqi terjumaani ki hai keh I salute you!!!! merHabaa!!!!

aik aik shaer peRh ker dil sae aik aah nikal gaee. aik teRap aik izreraab aik be-basee ka aHsaas huaa.

ap nae Maskhallah bohat achi terjumaani ki hai. mere tau aaNkhoN meN aaNsuu aa gaey. dil bhi ro rehaa thaa. woh jo wjhae takhleeq-e-kon-o-makaaN hai us ki aal uskaa chahitaa nawaasah aur uska lakht-e-jigar hi es ki afadiyat sae zaalimoN k haathoN meHroom hauy? kitnee takleef deh Haqeeqat hai?

Haalankeh Huzur paak s.a.w.w nae Hazart Imam Hassan aur Huasain k liay yeh duaa ki keh Ay Allah yeh doOn mujhe beHadd Aziz haiN tu bh inko Aziz rekh. kayaa yeh duaa raaegaaN jaaey gi? yaqeenan nahiN.

duniya tau waqtee aur zaahiree hai aglaa jehaaN jo ab'dee hai jis k khzaane kabhi nah kahtam honae waalaey haiN yeh log un k Haqqeqi waaric haiN.

Riwaayat hae keh Hazarat Imaam Hussain a.s Jannat k nau jawanoN k Sardaar hoN gey.

aik baar phir es beHad khoobsurat magar intehaaee talkh Haqeeqat ko alfaaz k motioN maiN pirnae per dilee mubarikbaad aur aik hamsheeranah muaniqaa. "hug",

Allah aap ko deeni dunyaav Hasanaaat sae nawaazae.

wassalam

[Anis Hasan]

Mohtarma "Nigaah",
Aap ki yeh nazm buhat pur asar aur dil ko chu lainay wali hai. Is ki har satar say Ahl-e-bait say aap ki muhabta chalak rahi hai Allah aap ki taufeeqat mein izaafa karay.

[Abdullah Nazir]

MuHtaramah
NIGAH SAHIBAH

Purkhuloos Tasleemaat,

Aapki nazm waaqAii shiddat-e-jazbaat kaa muraqqaA hei.

Saare ashAar bahut hii achche heiN her liHaaz se. Sirf aek misreA meiN aek lafz badalne kii zaroorat hei. Aap ne likhkhaa hei:

kisi tarah wujood apna main kho sakti tou acha tha

Is meiN lafz "tarah" ko "soorat" se badal deejiye. Shukriyah.

Meri daad aur mubaarkbaad Haazir hei.

Aapka Mukhlis,
Nazir.

[nigaah]

bohat Aziz behan Nigaah ji

salaam-e-khuloos

aap ki yeh nigaarish peRh ker nehaal ho gaee. es qder Haseen aur Haqeeqi terjumaani ki hai keh I salute you!!!! merHabaa!!!!

aik aik shaer peRh ker dil sae aik aah nikal gaee. aik teRap aik izreraab aik be-basee ka aHsaas huaa.

ap nae Maskhallah bohat achi terjumaani ki hai. mere tau aaNkhoN meN aaNsuu aa gaey. dil bhi ro rehaa thaa. woh jo wjhae takhleeq-e-kon-o-makaaN hai us ki aal uskaa chahitaa nawaasah aur uska lakht-e-jigar hi es ki afadiyat sae zaalimoN k haathoN meHroom hauy? kitnee takleef deh Haqeeqat hai?

Haalankeh Huzur paak s.a.w.w nae Hazart Imam Hassan aur Huasain k liay yeh duaa ki keh Ay Allah yeh doOn mujhe beHadd Aziz haiN tu bh inko Aziz rekh. kayaa yeh duaa raaegaaN jaaey gi? yaqeenan nahiN.

duniya tau waqtee aur zaahiree hai aglaa jehaaN jo ab'dee hai jis k khzaane kabhi nah kahtam honae waalaey haiN yeh log un k Haqqeqi waaric haiN.

Riwaayat hae keh Hazarat Imaam Hussain a.s Jannat k nau jawanoN k Sardaar hoN gey.

aik baar phir es beHad khoobsurat magar intehaaee talkh Haqeeqat ko alfaaz k motioN maiN pirnae per dilee mubarikbaad aur aik hamsheeranah muaniqaa. "hug",

Allah aap ko deeni dunyaav Hasanaaat sae nawaazae.

wassalam

Tahira Masood Sahiba!!

Assalam alaikum

aap ka itnay piyaar aur dil ki gehraaiyoN say diye gaya jawaab naa sirf dil ko bay hud bhala maloom hua balke is say aap ki Sarwar-e-Konain SAW aur Aap SAW ki aal say sachi muhabbat ki nishaandahi bhi kar raha hai .....mujhay yaad hai haal hi maiN aap nay Khud bhi ek nazm tehreer ki thi jisay maine Khiraaj-e-tehseen bhi paish kia tha....

mere alfaaz per aap ko izteraab aur Tarap mehsoos hui ...palkoN per kuch nami mehsoos ki aap nay .......is ke tawassut shaayad kuch gunaah mere muaaf ho jaaieN ...

aap nay baRi piyaari baat kahi ke ye sab tou zaahiri dunya ki baatain hain..... ye dunyaawi pani koi wuqat nahiN rakhta Saaqi-e-Kausar SAW ke jigar goshoN ke liye.....aap nay jis dua ke baaray maiN batayaa usay paRh kar Hadith Sharif yaad aagai ....." Hussainu minni wa ana min al Hussain" ...kia is ke baad bhi kuch reh jata hai ???.....

aap ki pur Khuloos duaaoN aur hamsheerana "hug" ka bohooooooot shukriya ....bohut acha laga....

Khuloos AgeeN
Nigaah

[nigaah]

Mohtarma "Nigaah",
Aap ki yeh nazm buhat pur asar aur dil ko chu lainay wali hai. Is ki har satar say Ahl-e-bait say aap ki muhabta chalak rahi hai Allah aap ki taufeeqat mein izaafa karay.

Anis Hasan Sahab

Assalam alaikum

aap ke har lafz ek nawaazish hai mere liye....duaaoN aur nazm ki sitaaish ke liye bohut shukriya....aap ko laga ke meri har satr say Ahl-e-Bait ki muhabbat chalak rahi hai ...tou meri Allah say dua hai ke mujhay un ki ataa'at aur amlan un ke naqSh-e-qadam per chalnay ki taufeeq bhi ataa farmaaye
Ameen


Nigaah

[nigaah]

MuHtaramah
NIGAH SAHIBAH

Purkhuloos Tasleemaat,

Aapki nazm waaqAii shiddat-e-jazbaat kaa muraqqaA hei.

Saare ashAar bahut hii achche heiN her liHaaz se. Sirf aek misreA meiN aek lafz badalne kii zaroorat hei. Aap ne likhkhaa hei:

kisi tarah wujood apna main kho sakti tou acha tha

Is meiN lafz "tarah" ko "soorat" se badal deejiye. Shukriyah.

Meri daad aur mubaarkbaad Haazir hei.

Aapka Mukhlis,
Nazir.

janab Abdullah Nazir Sahab


aap say apnay kalaam per daad wusool karna ek bohut Khushgawaar tajriba hai.....aap nay sahih farmaaya is Ghalati ki nishaandahi pichlay saal Amjad Sahab nay bhi ki thi .....lekin maiN is baar likhtay huay phir yehi likh gai.....maiN saraapa tasahkkur hooN ke aap nay apni raaye say nawaaza aur tasaheeh bhi farmaai.....umeed hai aaienda bhi raahnumaai-o- hausla afzaai jaari rakheNgay ...


Nigaah