عروس شب کي زلفيں تھيں ابھي نا آشنا خم سے
ستارے آسماں کے بے خبر تھے لذت رم سے
قمر اپنے لباس نو ميں بيگانہ سا لگتا تھا
نہ تھا واقف ابھي گردش کے آئين مسلم سے
ابھي امکاں کے ظلمت خانے سے ابھري ہي تھي دنيا
مذاق زندگي پوشيدہ تھا پہنائے عالم سے
کمال نظم ہستي کي ابھي تھي ابتدا گويا
ہويدا تھي نگينے کي تمنا چشم خاتم سے
سنا ہے عالم بالا ميں کوئي کيمياگر تھا
صفا تھي جس کي خاک پا ميں بڑھ کر ساغر جم سے
لکھا تھا عرش کے پائے پہ اک اکسير کا نسخہ
چھپاتے تھے فرشتے جس کو چشم روح آدم سے
نگاہيں تاک ميں رہتي تھيں ليکن کيمياگر کي
وہ اس نسخے کو بڑھ کر جانتا تھا اسم اعظم سے
بڑھا تسبيح خواني کے بہانے عرش کي جانب
تمنائے دلي آخر بر آئي سعي پيہم سے
پھرايا فکر اجزا نے اسے ميدان امکاں ميں
چھپے گي کيا کوئي شے بارگاہ حق کے محرم سے
چمک تارے سے مانگي ، چاند سے داغ جگر مانگا
اڑائي تيرگي تھوڑي سي شب کي زلف برہم سے
تڑپ بجلي سے پائي ، حور سے پاکيزگي پائي
حرارت لي نفسہائے مسيح ابن مريم سے
ذرا سي پھر ربوبيت سے شان بے نيازي لي
ملک سے عاجزي ، افتادگي تقدير شبنم سے
پھر ان اجزا کو گھولا چشمہء حيواں کے پاني ميں
مرکب نے محبت نام پايا عرش اعظم سے
مہوس نے يہ پاني ہستي نوخيز پر چھڑکا
گرہ کھولي ہنر نے اس کے گويا کار عالم سے
ہوئي جنبش عياں ، ذروں نے لطف خواب کو چھوڑا
گلے ملنے لگے اٹھ اٹھ کے اپنے اپنے ہمدم سے
خرام ناز پايا آفتابوں نے ، ستاروں نے
چٹک غنچوں نے پائي ، داغ پائے لالہ زاروں نے
Last edited by zmufti on Tue Feb 20, 2007 4:28 am, edited 3 times in total.
Iqbal ki ye khoobsurat nazm pesh karne ke liye shukria, jis ke baare meiN maiN kahaa karta hooN ke is meiN Iqbal ne "Muhabbat" ke ajzaaye tarkeebi (ingredients) bayaan farmaaye haiN :)
amjad
Mire ash'aar ae Iqbal kyuN pyaare na hoN mujhko
mire TooTe hue dil ke ye dard.angez naale haiN
Ibn-e-siddique wrote:Iqbal ki ye khoobsurat nazm pesh karne ke liye shukria, jis ke baare meiN maiN kahaa karta hooN ke is meiN Iqbal ne "Muhabbat" ke ajzaaye tarkeebi (ingredients) bayaan farmaaye haiN :)
Zarqa Sahiba, share karne ka shukria.