Lafz par ashaar#33- Mai/Sharaab...

Post by **Shummu** » Wed Nov 15, 2006 4:01 pm

yeh mehfil zaahidaan-e-Khushk kii mehfil hai ai riNdo!
zara is bazm meiN zikr-e-sharaab aahista aahista!!

hassan_bashir · Post by **hassan_bashir** » Thu Nov 16, 2006 6:43 am

piinaa haNsii nahiiN hai baRaa zarf chaahiye
kausar nahiiN ye, hazrat-e-zaahid, sharaab hai

Post by **Shummu** » Fri Nov 17, 2006 12:16 pm

tum nahi ,gham nahi ,sharaab nahi
aisi tanhaai ka jawaab nahi

hassan_bashir · Post by **hassan_bashir** » Fri Nov 17, 2006 12:39 pm

mai rahe, miina rahe, gardish meiN paimaana rahe,
mire saaqi tuu rahe, aabaad maikhaana rahe!!!!!!!!

Post by **Shummu** » Fri Nov 17, 2006 4:36 pm

saaqi khumaar-e-ishq ke baa'is hooN be.qaraar
varna nasha to tha nahiN teri sharaab meiN

hassan_bashir · Post by **hassan_bashir** » Fri Nov 17, 2006 4:42 pm

mire saaqiyaa, mire saaqiyaa, tujhe marhabaa, tujhe marhabaa,
tuu pilaaye jaa, tuu pilaaye jaa, isii Chashm-e-jaam ba jaam se!

hassan_bashir · Post by **hassan_bashir** » Sat Nov 18, 2006 6:05 pm

na Guul khile haiN, na unase mile, na mai pii hai,
ajeeb raNg meiN ab ke bahaar guzarii hai!!!!!!!!!!

Abdullah Nazir · Post by **Abdullah Nazir** » Sun Nov 19, 2006 3:44 am

"jaam-e-mai taubah shikan, taubah miri jaam shikan

saamne Dher heiN Tooe houe paimaanaoN ke".

Shaayer: RiaZ khair-aabaadi(yaaddasht se)

Nazir.

hassan_bashir · Post by **hassan_bashir** » Sun Nov 19, 2006 11:32 am

har taraf shor hai, *sahaab sahaab*
*saaqiyaa! saaqiyya!!* *sharaab sharaab*

Abdullah Nazir · Post by **Abdullah Nazir** » Sun Nov 19, 2006 5:39 pm

teri aankhaoN se moyassar jo mai-e-ulfat hou

jaam o saaghar kee Zaroorat hei nah maikhaane kee.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Nov 20, 2006 1:49 pm

maiKhaane kii baat na kar vaa'iiz mujhase
aanaa jaanaa tiraa bhii hai miraa bhii

Abdullah Nazir · Post by **Abdullah Nazir** » Tue Nov 21, 2006 6:08 am

"taubah karte heiN mai bhee peete heiN

yeh bhee jaari hei wo bhee jaari hei".

Shaayer: naamaAloom

Nazir.

hassan_bashir · Post by **hassan_bashir** » Thu Nov 23, 2006 11:32 am

sara_j wrote:ye Kuwait ke sheikh ke liye

sheikhji thoRi see peekar aa'iye

mai hai kya shai phir hume batlaa'iyee

malika-e-Hind ke naam:

tiree nigah-e-mast ne maKhmuur kar diyaa,
kyaa maikade ko jaauN tujhe dekhne ke baad?!

praise · Post by **praise** » Thu Nov 23, 2006 11:55 am

ab to jaam ho saaqii ho mere pahaluu me.n
ko_ii to shaam mujhe aisii suhaanii de de

praise · Post by **praise** » Thu Nov 23, 2006 11:57 am

nashaa aa jaaye mujhe terii javaanii kii qasam
tuu agar jaam me.n bhar ke mujhe paanii de de