Dosto Asalamu Alaikum
Apni ek kawish ke saath pehli baar bazm men haazir ho raha hun. Pasand aajaye to zaroor aagaah karen
Shukriye ke saath
Najeeb Ahmed Najeeb
Ghazal
Tujh peh hona nisaar baaqui hai
Zeest tera udhaar baaqui hai
Khaak ho kar bhi teri chaahat men
Hurmat e khaaksaar baaqui hai
Dosti ho gayee hai naaaseh se
Phir bhi dil ka ghubaar baaqui hai
Gham tera jab talak salamat hai
Zindagi ka viquaar baaqui hai
Shauq e nazzaargi ar'e tauba
Sirf deedaar e yaar baaqui hai
Laakh duniya ulat ke rah jaaye
Pyaar ka etebaar baaqui hai
Phool khilte hain baar baar magar
Shaakh ek khaardaar baaqui hai
Hai garebaan dhajjiyaan phir bhi
Daaman e taar taar baaqui hai
Shab ki taarekiyon ko samjha do
Raushni ka qaraar baaqui hai
Aazmaayesh ke silsilon se par'e
Qahr e parvardigaar baaqui hai
Hasraten pal rahi hain seenon men
Hasraton ka mazaar baaqui hai
Aapki qeemti aar'a ka intezaar karoonga.
Najeeb Ahmed Najeeb
Taaza Ghazal
Moderator: Muzaffar Ahmad Muzaffar
-
muhammad_19k
- -
- Posts: 540
- Joined: Wed Nov 22, 2006 8:36 am
- Location: Lahore
- Contact:
Re: Taaza Ghazal
"Apni ek kawish ke saath pehli baar bazm men haazir ho raha hun. Pasand aajaye to zaroor aagaah karen"
apne iss pehle qadam ki mubaarik baad qabool keejeeaye. oar yaqeen rakhiaye ke is bazm meiN rehte huway aap ko usaatiza se bohat kuch seekhne ko mile ga. oar usaateza ki tarbiyaat yaqeenun aap ke fitri takhayal oar isteAedaad k leeaye sone par suhaga ka kaam kare gi.
Aap ki ghazal ke ashhar bohat achhchhaye hain. Khaas toar par ye wala sahir mujhe bohat pasand aaya,
Mein apni kam ilmi par naalaaN hoaN oar aap oar asaatizaa se multimas hooN woah pehle misra ki taqteeA farma kar mujhe shukriya ka moqa daiN.Gham tera jab talak salamat hai
Zindagi ka viquaar baaqui hai[/qutoe]
Oar iss shair ke leeaye,
Khaak ho kar bhi teri chaahat men
Hurmat e khaaksaar baaqui hai
umeed hei aap mazeed urdubandhan meiN apni kavishaat darj farmateiN rehaiN ge.
aap ka dost,
Muhammad Khawar.
[/color][/size]
Muhammad K. Siddiqui.
+92 321 4435273
938-C-Faisal Town, Lahore.
Pakistan.
+92 42 111516516
muhammad_19k@hotmail.com
+92 321 4435273
938-C-Faisal Town, Lahore.
Pakistan.
+92 42 111516516
muhammad_19k@hotmail.com
-
Abdullah Nazir
- -
- Posts: 2681
- Joined: Sat Dec 11, 2004 4:16 am
- Location: Jeddah
- Contact:
Bahut khoob, waah waah
MuHtaramee
Najeeb SaaHib,
PurkhulooS Tasleemaat,
Aapki mandarja-e-zeil ghazal bahut pasand aayee jiske liye meri dili daad aur mubaarakbaad qubool farmaayiye.
Ghazal
Tujh peh hona nisaar baaqui hai
Zeest tera udhaar baaqui hai
Khaak ho kar bhi teri chaahat men
Hurmat e khaaksaar baaqui hai
Dosti ho gayee hai naaaseh se
Phir bhi dil ka ghubaar baaqui hai
Gham tera jab talak salamat hai
Zindagi ka viquaar baaqui hai
Shauq e nazzaargi ar'e tauba
Sirf deedaar e yaar baaqui hai
Laakh duniya ulat ke rah jaaye
Pyaar ka etebaar baaqui hai
Phool khilte hain baar baar magar
Shaakh ek khaardaar baaqui hai
Hai garebaan dhajjiyaan phir bhi
Daaman e taar taar baaqui hai
Shab ki taarekiyon ko samjha do
Raushni ka qaraar baaqui hai
Aazmaayesh ke silsilon se par'e
Qahr e parvardigaar baaqui hai
Hasraten pal rahi hain seenon men
Hasraton ka mazaar baaqui hai
Aapkaa MukhliS,
Nazir.
Behad Shukriya
Abdullah Nazir Sahab
Ghazal ki pasandeedgi ka behad sukriya. Aapki har baat aur raaye mash'aal ke mumaasil hai. Zahe naseeb ke aap ne izzat bakhshi.
Najeeb
Ghazal ki pasandeedgi ka behad sukriya. Aapki har baat aur raaye mash'aal ke mumaasil hai. Zahe naseeb ke aap ne izzat bakhshi.
Najeeb
Last edited by najeeb on Sun Dec 31, 2006 5:50 am, edited 1 time in total.
Shukriya Sara Saheba
Sara Saheba Ghazal ki pasandeedgi ka shukriya. Har koyee ta'areef hi kiye jaata hai. Bhai kuchh fan ki technical ghaltiyaaN bhi to bataayeN. Wah Wah se tabiyat bezaar bhi ho jaati hai. hai na?
Najeeb
Najeeb
Najeeb Sahab
Najeeb Sahab Pahli shirkat par itni achhi ghazal se nawaz kar aap kahaN ghayab ho gaye? Bahut achhi aur khoob ghazal hai yeh. Apni deegar nigarshaat bhi ata kareN. Shukriya
Wali Ilmi
Wali Ilmi