Lafz par ashaar#33- Mai/Sharaab...

hassan_bashir · Post by **hassan_bashir** » Thu Nov 23, 2006 11:59 am

praise wrote:nashaa aa jaaye mujhe terii javaanii kii qasam
tuu agar jaam me.n bhar ke mujhe paanii de de

bohat khooob, Praise saaHiba!

saaqi khumaar-e-ishq k baai'c hooN be-qaraar
varnaa nashaa to thaa naheeN tiree sharaab meiN :P

hassan_bashir · Post by **hassan_bashir** » Fri Nov 24, 2006 11:11 am

aab-e-Zam-Zam to piyaa khoob bujhaaYee pyaaseN,
aao jood-e-Shah-e-Kausar kaa bhee dariya dekho!

~ Aala Hazrat ~

Abdullah Nazir · Post by **Abdullah Nazir** » Sat Nov 25, 2006 7:58 am

mai pee ke chashm-e-naaz se madhoush hougaye

jaayenge kaise ham tiri meHfil ko chouRkar.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Mon Nov 27, 2006 9:14 am

chashm-e-makhmoor ne wo luTf-e-ma'a-e-shauq diya

mujhko aasaayish-e-jannat kaa khayaal aane lagaa.

Shaayer: Abdullah Nazir.

Nazir.

hassan_bashir · Post by **hassan_bashir** » Tue Nov 28, 2006 5:50 am

"jaam tharraane lage, uuR gayii botal se sharaaab
be-vuzuu aa gayaa shaayad ko`ii maikhaane meiN"

Abdullah Nazir · Post by **Abdullah Nazir** » Tue Nov 28, 2006 6:17 am

tere AaariZ kee kashish aur tiri aankhoN kee shraraab

houN moyassar tou maiN jaaoongaa nah maikhaane ko.

Shaayer: Abdullah Nazir.l

Nazir.

hassan_bashir · Post by **hassan_bashir** » Tue Nov 28, 2006 6:19 am

sara_j wrote:
thii agar mai se suraahii terii Khaalii saaqii

to chiraagh-e-dar-e-maiKhaanaa jalaayaa kyuu.N thaa

kisee tarah to jame bazm, maikade vaaaaaaloN
naheeN jo baada-o-saagar to haa-o-hoo hi sahi

Abdullah Nazir · Post by **Abdullah Nazir** » Tue Nov 28, 2006 6:39 am

nah unkaa saath nah jaam-e-sharaab, kuch bhee nahiN

yeh kyaa zazaa hei ke taAbeer-e-hwaab kuch bhee nahiN.

Shaayer: Abdullah Nazir.

Nazir.

hassan_bashir · Post by **hassan_bashir** » Tue Nov 28, 2006 6:43 am

zaahid! sharaab piine se kaafir hua huuN maiN?!
kya DeRh chulluu paani meiN iimaan beh gaya?!

Abdullah Nazir · Post by **Abdullah Nazir** » Tue Nov 28, 2006 4:36 pm

Hasrat-e-mai hei nah ab khwaahis-e-raaHat hei mujhei

dasht-e-ghurbat meiN gala ghuT gayaa armaanaoN kaa.

Shaayer: Abdullah Nazir.

Nazir.

hassan_bashir · Post by **hassan_bashir** » Wed Nov 29, 2006 6:44 am

aaNkh ko jaam samajh baiThaa thaa aNjaane meiN
saaqiyaa hosh kahaaN thaa tire divaane meiN?!

Abdullah Nazir · Post by **Abdullah Nazir** » Fri Dec 01, 2006 11:59 am

aankheN hueeN jo band tou aaye wo khwaab meiN

kitni kashish hei mehr o wafaa ki sharaab meiN.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Dec 04, 2006 7:53 am

"dafn karnaa miri mayyat ko bhi mai-kahaane meN
taa k mai-khaane ki miTTi rahe, mai-khaane meN"

hassan_bashir · Post by **hassan_bashir** » Thu Dec 07, 2006 6:26 am

sara_j wrote:dekh kar aap kii javaanii ko aarzuu-e-sharaab hotii hai

roz taubaa ko toRtaa huuN maiN, roz niyyat Kharaab hotii hai

taubah kii, phir taubah kii, phir taubah kar ke toR dii
terii is 'taubah' se 'taubah','taubah-taubah' kar uThii!

Abdullah Nazir · Post by **Abdullah Nazir** » Sun Dec 10, 2006 3:09 am

b]

"zaahid sharaab peene de masjid meiN baiThkar

yaa wo jagah bataa keh jahaaN per khudaa nah hou".

Shaayer: naa maAloom

Nazir.
[/b]