Lafz par ashaar#28-"taSveer" per ashAar likhiye

Abdullah Nazir · Post by **Abdullah Nazir** » Sat Apr 01, 2006 12:04 pm

naamah likhte houe yeh souch ke ruk jaataa hooN

be-iraadah tiri taSveer nah ban jaaye kahiN.

Shaayer: Abdullah Nazir.

Nazir.

ummassad · Post by **ummassad** » Sun Aug 06, 2006 6:58 am

chand tasweer.e. butaan aor haseenoun ke khutoot
baad merney ke merey gher se yeh saaman nikla

ummassad · Post by **ummassad** » Thu Aug 10, 2006 10:03 pm

tasveer

Post by **Mayank** » Sun Sep 17, 2006 12:54 pm

shauq har rang raqeeb-e-sar-o-saamaaN niklaa
qais tasveer ke parde meiN bhee uriyaaN niklaa
-Ghaalib

Abdullah Nazir · Post by **Abdullah Nazir** » Fri Dec 15, 2006 12:43 pm

b]

kuch tou tarteeb-e-mulaaqaat ke aacaar bhee houN

yuN nah hou maiN tiri taSveer se uktaa jaaooN.

Shaayer: Abdullah Nazir.

Nazir.
[/b]

hassan_bashir · Post by **hassan_bashir** » Mon Dec 18, 2006 8:27 pm

mujhe yeh zo'm k maiN husn ka musavvir hooN
unheN yeh naaz k tasveer to hamaaaaaari hai!!

alwaysalone · Post by **alwaysalone** » Wed Dec 20, 2006 5:36 pm

MuddatoN Pehlay Tujh Se Ta'aruf Bhi Na Tha
Teri TaSveer Banatay Thay Khayalaat Main

hassan_bashir · Post by **hassan_bashir** » Thu Dec 21, 2006 8:18 am

haaaaaaadise aur bhii guzare terii ulfat ke sivaa
haaN mujhe dekh mujhe ab merii tasviir na dekh

Post by **muhammad_19k** » Thu Dec 21, 2006 8:49 pm

band aankhoaN se zamane meiN chala phirtaa hooN meiN
aankh meiN tasweer jub se hai tairi aa-ee hoee.

ShaAer: Muhamamd Khawar.

Post by **balvinder** » Mon Dec 25, 2006 10:47 am

main'ne to yoo'n hee raakh mein feree thee'n ungaliyaa'n
dekhaa jo gaur se, teree tasveer ban gayee

hassan_bashir · Post by **hassan_bashir** » Mon Dec 25, 2006 12:02 pm

aap ne tasviiiiiiiiiiiiiiiiiir bhejii maiN ne dekhii Ghaur se
har adaa achchhii, Khaamoshii kii adaa achchhii nahiiN

Post by **balvinder** » Mon Dec 25, 2006 12:38 pm

ab meraa dil mujhe tasveer-e-kadaa lagtaa hai
teree yaado'n ne yahaa'n naqsh ubhaare kitne

Abdullah Nazir · Post by **Abdullah Nazir** » Tue Dec 26, 2006 2:20 am

mujh se her dam tiri taSveer yehi poochti hei

lauTkar waadiy-e-ghurbat se nahiN aaouge kyaa.

Shaayer: Abdullah lNazir.

Nazir.

hassan_bashir · Post by **hassan_bashir** » Tue Jan 16, 2007 6:38 am

hamane dikhaa dikhaa terii tasviir jaa-ba-jaa
har ik ko apanii jaan kaa dushman banaa liyaa

Abdullah Nazir · Post by **Abdullah Nazir** » Tue Jan 23, 2007 6:41 am

TaSveer pheeki paRgayi tere firaaq meiN

jisko uThaake rakhdiyaa maiN ne bhee Taaq meiN.

Shaayer: Abdujllah Nazir.

Nazir.