Lafz par ashaar#33- Mai/Sharaab...

hassan_bashir · Post by **hassan_bashir** » Mon Dec 18, 2006 7:49 pm

*---------------------------------------------------------------------------------*

dekhaa kiye vo mast nigaahoN se baar-baar,
jab tak sharaab aaye kaee daur ho gaye!!

*---------------------------------------------------------------------------------*

Abdullah Nazir · Post by **Abdullah Nazir** » Tue Dec 19, 2006 2:46 pm

"khizaaN meiN murgh-e-chaman maikade ke saakin houN

bahaar rakhti hei gul gooN sharaab sheeshe meiN".

Shaayer: Haider Ali. :aatish:

Nazir.

hassan_bashir · Post by **hassan_bashir** » Thu Dec 21, 2006 8:03 am

gar aag maikashoN kii sazaa hai to Ya Khudaa
dozaKh meiN ek nahar bahaa de sharaab kee

Abdullah Nazir · Post by **Abdullah Nazir** » Sat Dec 23, 2006 6:01 am

nah iltifaat-e-nazar hei nah pursishe gham hei

agar sharaab moyassar nah hou tou kyhaa keeje..

Shaayer: Abdullah Nazir.

Nazir.

hassan_bashir · Post by **hassan_bashir** » Sun Dec 24, 2006 6:18 am

WEBMASTER wrote:

nah iltifaat-e-nazar hei nah pursishe gham hei

agar sharaab moyassar nah hou tou kyhaa keeje..

Shaayer: Abdullah Nazir.

Nazir.

kisii tarah to jame bazm maikade vaaloN
nahiiN jo baada-o-saagar to haa-o-huu hi sahi

Post by **balvinder** » Mon Dec 25, 2006 7:21 am

ham vah maiy-kash hain ki saaghar kee tarah ai saaqee
sar hameshaa teree khidmat mein rahaa kham apnaa
''shaad'' azeemabadi

hassan_bashir · Post by **hassan_bashir** » Mon Dec 25, 2006 11:49 am

baadal ki tarah jhoom k lehraa k piyeN ge
saaqii tere maikhaane pe ham Chha k piyeN ge

un-mad bhari aaNKhoN ko bhi sharmaa k piyeN ge
paimaane ko maikhaane se Takraa k piyeN ge

baadal bhi hai, baada bhi hai, miina bhi hai, tum bhi!
itraaaaaane ka mausam hai itaraaaaaa k piyeN ge

dekheN ge k aata hai kidhar se Gham-e-duniya
saaqii tujhe ham saamne biThalaa k piyeN ge

Post by **balvinder** » Mon Dec 25, 2006 12:32 pm

aabaad karein baadaa-kash allaah kaa ghar aaj
din jumme ka hai band hain maiy-khaane ke dar aaj

maiy-khaana hamaara koee masjid to nahee'n hai
tasbeeh liye kaun buzurg aaye idhar aaj ?

Abdullah Nazir · Post by **Abdullah Nazir** » Tue Dec 26, 2006 1:44 am

"koii mai band kare koii pari sheeshe meiN

mukhtariA ham heiN ke aatish hei bhari sheeshe meiN".

Shaayer: naa maAloom

Nazir.

Post by **balvinder** » Thu Dec 28, 2006 10:12 am

yah vasf-e-khaas maiy-khushgawaar mein dekhaa
khushee mein yaar bhee hai, gham mein gham-gusaar bhee hai

Abdullah Nazir · Post by **Abdullah Nazir** » Sat Dec 30, 2006 5:57 pm

haath meiN hei jaam-e-mai aur lab peh naam allah kaa

"ham nah kehte thay ke HaZrat paarsaa kahne ko heiN". Mumin.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Jan 03, 2007 4:27 am

chashm-e-karam se unki muyassar nahiN sharaab

us maikade kaa faiZ-e-ravaaN khatm hougayaa. .

Shaayer: Abdullah Nazir.

Nazir.

Post by **balvinder** » Sat Jan 13, 2007 9:52 am

duaa-e-taubaa bhee hamne parhee to maiy peekar
majaa hee hamko kisee shaiy ka be-sharaab na thaa

Abdullah Nazir · Post by **Abdullah Nazir** » Sun Jan 14, 2007 3:12 pm

Allah re suroor-e-mai-e-chashm-e-mahlaqaa-

do ghoonT kyaa piyee thay nasha umr bhar rahaa.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Jan 15, 2007 7:51 am

merii tabaaaahii kaa ilzaaaaam ab sharaab pe hai
maiN aur kartaa bhii kyaa tum pe aa rahii thii baat