lafz par ash'aar: Duniya, jahaan, zamaana, aalam!

hassan_bashir · Post by **hassan_bashir** » Mon Dec 25, 2006 6:37 am

yaraan-e-mehfil aadaab!

aap sab kii khidmat meiN eik nayaa silsila haazir hai, ummid hai k hamesha kii tarah is martaba bhii aap sab shaana-ba-shaana ho kar is silsile ko bhi kaamyaab banaayeN ge.

lehaaza lafz haiN:

Duniyaa, Jahaan, Zamaana, Aalam

pehla she'r merii jaanib se haazir hai, k:

duniya jise kehte haiN, jaadoo ka khilauna hai,
mil jaaye to miTTii hai, kho jaaye to sona hai!!

Post by **balvinder** » Mon Dec 25, 2006 7:15 am

sab ko aataa nahee'n duniyaa ko sajaakar jeenaa
zindagee kyaa hai muhabbat ke zabaa'n se suniye

hassan_bashir · Post by **hassan_bashir** » Mon Dec 25, 2006 11:53 am

mumkin hai zameeN ho voh kisii aur jahaaN kii
tuu jis ko samjhtaa hai falak apne jahaaN kaa

Post by **balvinder** » Mon Dec 25, 2006 12:30 pm

ilaahee fir mazaa kyaa hai yahaa'n duniyaa mein rahane ka
hayaat-e-jaavidaa'n apnee, na marg-e-naagahaa'n meree

Abdullah Nazir · Post by **Abdullah Nazir** » Tue Dec 26, 2006 1:52 am

bahaar-e-gulshan-e-mehr o wafaa kuch aur kehti hei

sitam parvar zamaane kee hawaa kuch aur kehti hei.

Shaayer: Abdullah Nazir.

Nazir.

Post by **balvinder** » Thu Dec 28, 2006 10:01 am

ham hain beemaar-e-muhabbat ye duaa maangte hain
misl-e-akseer na duniyaa mein davaa paidaa ho

Abdullah Nazir · Post by **Abdullah Nazir** » Sat Dec 30, 2006 6:05 pm

shaam-e-viSaal hei nah hee SubH-e-jamaal hei

yuN gardish-e-zamaanah ke zer-e-qadam houe.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Jan 03, 2007 4:48 am

Wo bhee naaraaZ heiN dunya bhee khafaa hei mujh se

hougayie koii tou batlaaye khaTaa kyaa mujh se. .

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Mon Jan 15, 2007 5:15 pm

kiyuN nah aapus meiN raheN pyaar se is dunyaa meiN

aakhirat ke liye eHsaas-e-nadaamat hei bahut.

Shaayer: Abdullah Nazir.

Nazir.

MAHROO · Post by **MAHROO** » Mon Jan 15, 2007 6:55 pm

ghalat shair

YahaaN sheAr dunyaa, zamaanah waghairah per darkaar hei jis se aap ne inHiraaf kiyaa hei

hassan_bashir · Post by **hassan_bashir** » Tue Jan 16, 2007 6:20 am

is bhari duniya meiN koii bhii hamaara na huaa
Ghair to Ghair the apnoN ka sahaara na huaaaa!

Abdullah Nazir · Post by **Abdullah Nazir** » Tue Jan 16, 2007 6:32 am

ik doosre se shikwah kareN yaa ke chup raheN

dunyaa ko dakhl kyaa hei yeh aapus kee baat hei.

Shaayer: Abdullah Nazir.

Nazir.

hassan_bashir · Post by **hassan_bashir** » Wed Jan 17, 2007 2:37 pm

phir kHo na jaayeN ham kaheeN, duniyaa kii bhiiR meiN
milatii hai paaaaaas aaaaaane kii, mohlat kabhii kabhii

Abdullah Nazir · Post by **Abdullah Nazir** » Wed Jan 17, 2007 4:00 pm

apne haathoN jo kiyaa houtaa nah sar kham apnaa

kaun kehtaa hameN dunyaa meiN ke majboor heiN ham.

Shaayer: Abdullah Nazir.

Nazir.

Post by **balvinder** » Thu Jan 18, 2007 12:53 pm

abhee khareed lein duniya kahaa'n kee mehngee hai
magar zameer ka saudaa buraa saa lagtaa hai