riwayati 'bait-baazi'

Post by **balvinder** » Sat Jan 13, 2007 8:48 am

agar ye jaante chun-chun ke hamko torheinge
to gul kabhee na tamannaa-e-rang-o-boo karte

ustad ''zauq''

Abdullah Nazir · Post by **Abdullah Nazir** » Sun Jan 14, 2007 5:15 pm

yaad-e-jaanaaN meiN dil-e-zaar kee betaabi hei

mashghalah kuch bhee nahiN shaam o saHar kyaa keeje.

"ye"

Shaayer: Abdullah Nazir.

Nazir.

Post by **balvinder** » Mon Jan 15, 2007 6:36 am

yoon muskraaye jaan-see kaliyo'n mein parh gayee
yoo'n lab-kushaa hue ki gulistaa'n banaa diyaa

''asghar'' gondvi

hassan_bashir · Post by **hassan_bashir** » Mon Jan 15, 2007 7:30 am

aa jaayeN ham nazar jo koee dam bahut hai yaaN
mohlat basaaN-e-barq-o-sharaar kam bahut hai yaaN

Abdullah Nazir · Post by **Abdullah Nazir** » Mon Jan 15, 2007 4:53 pm

shaam-e-gham aape meiN rehnaa hougayaa dushwaar jab

begaraar aankhaoN se uski beh gaye aansoo bahut.

Shaayer: Abdullah Nazir.

"te" se

Nazir.

Post by **balvinder** » Tue Jan 16, 2007 5:22 am

tumhaare dil mein gunjaaish agar ho to jagah de do
mujhe apne dil-e-marhoom kee turbat banaanee hai

Abdullah Nazir · Post by **Abdullah Nazir** » Tue Jan 16, 2007 5:40 am

YuN nah itraake chalo Husn kee daulat peh kabhi

qarZ kaa maal hei kuch din meiN chalaa jaayegaa.

Shaayer: Abdullah Nazir.

Nazir.

Post by **balvinder** » Tue Jan 16, 2007 2:48 pm

ahad-e-peeree mein ravaanaa hue yoo'n hosh-o-havaas
subah ko jaise musaafir se ho manzil khaalee

pt. dayashankar ''naseem''

MAHROO · Post by **MAHROO** » Tue Jan 16, 2007 5:04 pm

ghalat shair

Post by **balvinder** » Wed Jan 17, 2007 6:25 am

MAHROO wrote:ghalat shair

vajah bhee bataa dein to inaayat hogee

Post by **balvinder** » Wed Jan 17, 2007 6:33 am

yahaa'n tak aate aate sookh jaatee hain sabhee nadiyaan
mujhe maaloom hai paanee kahaa'n thaharaa huaa hogaa

Abdullah Nazir · Post by **Abdullah Nazir** » Wed Jan 17, 2007 2:24 pm

aap hee aap kiye jaate heiN baateN akcar

furqat-e-yaar meiN ab hoiush kahaaN hei yaaro

(wawo)

Shayer: Abdullah Nazir.

Nazir.

hassan_bashir · Post by **hassan_bashir** » Wed Jan 17, 2007 2:25 pm

vahii shaam-e-Gham ka maNzar, vahii muntezir nigaaheN!
maiN azal se tak rahaa hooN, terii vaapasii kii raaaaaheN!!

Abdullah Nazir · Post by **Abdullah Nazir** » Wed Jan 17, 2007 4:21 pm

Neend kyaa TooTi keh khwaabaoN ke jazeere khougaye

wo bhee Allam thaa ke dilkash thaa yehi Aalam bahut.

Shaayer: Abdullah Nazir.

Nazir.

Post by **balvinder** » Thu Jan 18, 2007 12:32 pm

tamaam umr guzaaree hai paarsaai mein
khuda se apne talab ham silaa karein ki nahee'n